युहन्‍ना 4:53 - पुर्वीय मगर

⁵³ येशूये होसे लेन्‍जा जजौ बोइकी, “नाकुङ लेन्‍जा मीजा जीवाले” डेच समय लकीङ न गेप्‍च हो लेसा डेम होचे थाहा डीन्‍हा। होटबाटै होसे सरकारी कर्मचारी मेल्‍हा र होच्‍यो पट्‍ट न परीवारै येशूवाङ विश्‍वास जाटा।

युहन्‍ना 4:53 ပူးပေါင်းရင်းမြစ်များ

मत्ती 8:13

टब येशूये कप्‍तानकी डेया, “नुङ्‍नी, नाकै कुङ्‍च छान्‍की विश्‍वास जाट्‍नने होङ्‍च न छान्‍ले।” अनी होच्‍यो नोकर होडीक न बेला गेप्‍की क्‍योटा।

लुका 19:9

येशूये होसकी इट डेया, “छीनीङ इसे इमाङ मुक्‍ति राम्‍हने, हीजैडेनाङ जखायस र अब्राहामौ न मीजा हो।

युहन्‍ना 4:51

होटै न्‍हुइङ होसे नुङ्‍चै जाट्‍नाङ मेन नोकरकै होसकी लामाङ न डुपार डेया, “नाकुङ लेन्‍जा मीजा गेपा!”

युहन्‍ना 4:52

होचे नोकरकोलाक, “ङौ लेन्‍जा मीजा कुडीक बेला लकीङ गेप्‍च हो?” डेयार गीना। होखुरीकै डेया, “टीस्‍यामीङ नाम्‍सीन काट बजे लकीङ होसकी ज्‍वरै डास्‍च हो।”

प्रेरित 11:14

होचे नाङ्‍की बचन सेटाक्‍ले, र होसे बचन लकीङ न नुओ पट्‍ट न परीवारै मुक्‍ति डुप्‍ले।’

प्रेरित 16:15

होटै लीडीया र मेन पट्‍ट न इमुङ जहानकै विश्‍वास जाटा र बप्‍तिस्‍मा ला। अनी होचे कानकी इट डेयार बिन्‍ती जाटा, “इडीक नाखुरीकै ङाकी प्रभुओ विश्‍वासीनी डेले डेनाङ ङौ इमाङ राहार ङुम यान्‍ही” डेम कर लैडीया।

प्रेरित 16:34

होटै होखुरीककी मेन इमाङ आल्‍हार ज्‍यामा-गामा कासा। परमेश्‍वरकी विश्‍वास जाट्‍च बारेयाङ मेन पट्‍ट न परीवारको खाटा हाकीम मार्‍हाङा।

प्रेरित 18:8

सभा ङुच इमुङ शासक कीरीस्‍पस र होच्‍यौ पट्‍ट न परीवारै प्रभुकी विश्‍वास जाटा। अनी कोरिन्‍थीयुङ अरु वास्‍टै जनै र पावलौ शिक्षा सेयार विश्‍वास जाटार बप्‍तिस्‍मा ला।

प्रेरित 2:39

हीजैडेनाङ इसे प्रतिज्ञा नाखुरीक र नाखुरीकुङ सन्‍टानकुङ लागी र लो-लोस लेच पट्‍टकुङ लागी हो। इसे चहीँ पट्‍टकुङ लागी हो, सु-सुकी प्रभु कानुङ परमेश्‍वरै मेखोलै न आर्‌घाले।”