युहन्‍ना 4:39 - पुर्वीय मगर

³⁹ सामारी मास्‍टोये, “ङै जाट्‍च पट्‍ट न कामौ बारेयाङ होसकै ङाकी डेम याहा” डेच गबाही याछये जाट्‍नाङ होसे लाङ्‍घुङ वास्‍टै जना सामरीकै येशू मीटाक विश्‍वास जाटा।

युहन्‍ना 4:39 ပူးပေါင်းရင်းမြစ်များ

मत्ती 10:5

येशूये होसे बार्‍ह जना प्रेरितकोलाक इट डेयार बीर्‌न्‍हका, “नाखुरीक अन्‍यजातिकुङ मीघ्‍याङ र सामरीकुङ सहरकोवाङ मानुङ्‍की।

युहन्‍ना 1:37

होचे डेच इसे कुरा सेयार होसे नीस जना चेलाकै येशूकी डुटा।

युहन्‍ना 11:45

मरीयमकी डुप्‍की राछ वास्‍टै यहूदीकै येशूये जाट्‍च इसे अचम्‍मौ काम डाङार होसकोकी विश्‍वास जाटा।

युहन्‍ना 4:29

“रान्‍ही र काट जना भर्मीकी ङोस्‍नी। होसकै ङै जाट्‍च पट्‍ट न काम ङाकी डेम याहा। ही होसको न मुक्‍ति याछ ख्रीष्‍ट च होइन?”

युहन्‍ना 4:30

टब पट्‍ट न भर्मीको लाङ्‍घालकीङ ख्‍योव्‍हार येशूकी ङोस्‍की नुङा।

युहन्‍ना 4:38

ङै नाखुरीककी कुला बाली चेकी बीर्‌न्‍हका, होला नाखुरीकै मारोप्‍डीमने। अरुकै न होला रोप्‍डीया, अनी होखुरीकै जाट्‍च कामौ फल नाखुरीकै डुप्‍मने।”

युहन्‍ना 4:40

होटबाटै सामरीको येशूकी डुप्‍की राहा, अनी होसकोकी होखुरीकखाटा न ङुनी डेयार बिन्‍ती जाटा र होसको नीस याकसम्‍म ङुवा।

युहन्‍ना 4:42

होखुरीकै होसे मास्‍टोकी डेया, “नाकै डेच कुरा सेयार मट्‍टै कानै विश्‍वास जाट्‍च होइन, टर अब च कान लहे न होसकुङ शिक्षा सेचबाटै विश्‍वास जाट्‍नने। होसको साँच्‍ची न संसारौ मुक्‍तिदाता हो डेच कुरा अब कानै वार्‌न्‍हने।”

युहन्‍ना 4:5

अनी येशू सामरीया क्षेत्रौ सुखार डेच लाङ्‍घाङ टाराहा। इसे लाङ्‍घा चहीँ याकुबै लहो मीजा योसेफकी याछ य्‍हा खेरेप लेया।

युहन्‍ना 4:8

होसकुङ चेलाको चहीँ होडीक बेला लाङ्‍घाङ ज्‍याच ठोक लोकी नुङ्‍नन्‍या।