युहन्‍ना 4:34 - पुर्वीय मगर

³⁴ येशूये होखुरीककी डेया, “ङौ ज्‍याच कुरा चहीँ ङाकी बीर्‌न्‍हकाचौ इच्‍छा अनुसार होसकुङ काम पुरा जाट्‍की हो।

युहन्‍ना 4:34 ပူးပေါင်းရင်းမြစ်များ

मत्ती 26:39

होटै येशू चेक पारी नुङार झाङ खुखुप छानार प्रार्थना जाटा, “ए ङौ बोइ, छान्‍की य्‍होक्‍ले डेनाङ, इसे डुखौ कचौरा ङा लकीङ हटडीस्‍ख्‍यो। टर ङै मीमन जाट्‍च अनुसार चहीँ होइन, टर नाकै जाट्‍च मीमन अनुसार छान्‍ख्‍यो।”

मत्ती 3:15

येशूये होसकी डेया, “चँहुङ लागी याङ्‍च न छान्‍की यान्‍ही। हीजैडेनाङ इटजाट्‍न न कानै परमेश्‍वरौ पट्‍ट न इच्‍छाकी पुरा जाट्‍की पर्‌ले।” टब इसे कुरा सेयार युहन्‍ना मन्‍डीया।

मत्ती 9:19

अनी येशू र होसकुङ चेलाको सोवार होसे शासक खाटा नुङा।

लुका 15:10

ङा नाखुरीककी डेले, इटजाट्‍न लहो पापको डासार परमेश्‍वर पट्‌टी ल्‍हेस्‍च काट पापी भर्मीयो लागी परमेश्‍वरौ स्‍वर्गदूतौ म्‍याहासाङ आनन्‍द छान्‍ले।”

लुका 19:10

भर्मीयो मीजा म्‍हाट्‍च कोलाक पाकी र जीवाटाक्‍की डेम राछ हो।”

लुका 2:49

येशूये होखुरीककी डेया, “नाखुरीकै ङाकी हीजै पाच? ही ङा ङाल्‍हौ बोयो इमाङ छान्की पर्‌ले डेम नाखुरीककी थाहा मालेया?”

युहन्‍ना 17:4

कुसे काम नाकै ङाकी जीम्‍मा याहा, होसे काम पुरा जाटार नाकोकी पृथ्‍वीयाङ ङै महीमीत खास्‍नने।

युहन्‍ना 19:28

अब होसकुङ पट्‍ट न काम भ्‍या डेच कुरा येशूये वार्‍हा अनी धर्मशास्‍त्राङ रीक्‍च काट-काट कुरा पुरा अटछानै डेयार होसकै डेया, “ङाकी डी सोन्‍हा!”

युहन्‍ना 19:30

चेक्‍जा सीर्‌का गार येशूये डेया, “अब ङौ काम भ्‍या!” होटै होसकै मीटालु गुहाकार लहो प्राण डासा।

युहन्‍ना 4:32

टर येशूये होखुरीककी डेया, “ङाखाटा ज्‍याच कुरा ले, होच्‍यो बारेयाङ नाखुरीककी थाहा माले।”

युहन्‍ना 5:30

“ङा ङाल्‍है न हीर जाट्‍की माय्‍होक्‍ले। परमेश्‍वरै ही डेले होसे अनुसार ङा न्‍याय जाट्‍ले, अनी ङै जाट्‍च न्‍याय ठीक छान्‍ले, हीजैडेनाङ ङा ङाल्‍हौ इच्‍छा मापाले, टर ङाकी बीर्‌न्‍हकाचौ इच्‍छा पाले।

युहन्‍ना 5:36

“टर ङाखाटा लेच गबाही युहन्‍नै याछ गबाही डेनाङ बाड्‍को ले। हीजैडेनाङ कुसे कामको पुरा जाट्‍की परमेश्‍वर बोये ङाकी याम्‍हने, होसे काम ङा जाट्‍न न ले, अनी होसे कामै न ङौ बारेयाङ गबाही याम्‍हन ले, र परमेश्‍वर बोये ङाकी बीर्‌न्‍हकाच हो डेम टान्‍हाक्‍ले।

युहन्‍ना 6:33

परमेश्‍वरौ रोटो होसे न हो, सु स्‍वर्ग लकीङ म्‍हाका झाल्‍न राहार संसारुङ भर्मीकोलाक सेन्‍र मासीच जीवन याल्‍हे।”

युहन्‍ना 6:38

हीजैडेनाङ ङाल्‍हौ इच्‍छा पुरा जाट्‍की डेम ङा स्‍वर्ग लकीङ झाल्‍न राछ होइन, टर ङाकी बीर्‌न्‍हकाचौ इच्‍छा पुरा जाट्‍की डेम ङा राछ हो।

युहन्‍ना 8:29

ङाकी बीर्‌न्‍हकाच ङा खाटा न ले, होसकै ङाकी ङाल्‍हा काट न माडास्‍नने, हीजैडेनाङ ङा सढैँ होसकोकी खुसी पार्‌च काम जाट्‍ले।”

प्रेरित 20:35

ङै पट्‍ट न कुराङ नाखुरीककी पाहाक्‍ङ ने, नाखुरीकै र इटजाट्‍न न मेहनट जाटार कमजोरी कोलाक सहायटा जाट्‍की पर्‌ले। प्रभु येशूओ बचन आर्मीट्‍नी, कुटजाट्‍न होसकै लहे न डेम ने, ‘लाकी डेनाङ याखी झन आसीस हो।’”