युहन्‍ना 4:31 - पुर्वीय मगर

³¹ होडीक न बेला चेलाकै येशूकी ज्‍याच ठोक याछै, “गुरुज्‍यु, अब हीर ज्‍याच कुरा ज्‍यानी” डेयार बिन्‍ती जाटा।

युहन्‍ना 4:31 ပူးပေါင်းရင်းမြစ်များ

मत्ती 23:7

होखुरीकै बजार नुङ्‍नाङ भर्मीकै लाहाकी आदर जाट्‍ख्‍यो र पट्‍टये ‘गुरु’ डेयार आर्‌घाख्‍यो डेच मीमन जाट्‍ले।

मत्ती 23:8

“टर नाखुरीककी सुयेर ‘गुरु’ माडेख्‍यो, हीजैडेनाङ नाखुरीकुङ गुरु काट मट्‍टै ले, अनी नाखुरीक चहीँ पट्‍ट न डाजेभाइको र डैबहीनीको लेखा न हो।

मत्ती 26:25

टब येशूकी घोवाक्‍की पाच यहूदासै गीना, “गुरुज्‍यु, ही होसे ङा हो?” होसकै डेया, “नाको लहे न डेमन ले।”

मत्ती 26:49

अनी तुरुन्‍तै यहुडास होसको लेठाङ नुङार “ए गुरु, झोर्‌ले!” डेयार होसकोकी मीगालाङ चुम्‍हा।

मर्कूस 11:21

येशूये होसे म्‍यार्‌टुङकी डेच कुरा आर्‌मीटार पत्रुसै डेया, “गुरुज्‍यु, ङोस्‍नी नाकै सराप याछ अन्‍जीरौ म्‍यार्‌टुङ च सीलेसा ट।”

मर्कूस 14:45

अनी येहुडास सरासर येशू लेठाङ नुङा, “ए गुरुज्‍यु” डेयार होसकोकी गालाङ चुम्‍हा।

मर्कूस 9:5

इसे डाङार पत्रुसै येशूकी डेया, “गुरुज्‍यु, काल्‍हा इला लेच सेम्‍ह छाना। काल्‍हा इला सोम बास ङुच ठाउँ खासीङ, नाकुङ लागी, मोशौ लागी र एलीयौ लागी।”

युहन्‍ना 1:38

येशूये ल्‍हेसार ङोसा, होखुरीक लाहा न्‍हुङ-न्‍हुङ राछै जाट्‍च डाङार होखुरीककी गीना, “नाखुरीक ही पामन ले?” होखुरीकै होसकोकी डेया, “गुरु, नाको कुला ङुले?”

युहन्‍ना 1:49

नथानेलै डेया, “गुरु, नाको च परमेश्‍वरौ मीजा हो, नाको इस्राएलुङ राजा हो!”

युहन्‍ना 11:8

चेलाकै होसकोकी डेया, “ए गुरुज्‍यु, चाम्‍चाम खाट्‍नीङ जा, यहूदी अगुवाकै नाकोकी ल्‍हुङ ङापार साट्‍की पामन्‍या, अनी फेरी नाको होसे ठावाङ न ल्‍हेसार नुङ्‍की पामनले?”

युहन्‍ना 3:2

कायाक नाबीक होचे येशू लेठाङ राहार इट डेया, “ए गुरुज्‍यु, कान वार्‌ल्‍हे नाको परमेश्‍वरै बीर्‌न्‍हकाच शिक्षक हो। इडीक परमेश्‍वर नाकोखाटा माले डेनाङ च इसे नाकै जाट्‍च अचम्‍मौ चीन्‍हओ कामको सुयेर जाट्‍की माय्‍होक्‍ले।”

युहन्‍ना 3:26

होखुरीकै युहन्‍ना लेठाङ राहार डेया, “ए गुरुज्‍यु, यर्दन नदि पारी लेनाङ नाकोखाटा काट जना भर्मी लेया, होसकुङ बारेयाङ नाकै कानकी गबाही याम्‍हन्‍या, चाँहा होसकै न बप्‍तिस्‍मा याम्‍हन ले, र पट्‍ट न भर्मीको होसको लेठाङ टी नुङ्‍ङन ले।”

युहन्‍ना 4:30

टब पट्‍ट न भर्मीको लाङ्‍घालकीङ ख्‍योव्‍हार येशूकी ङोस्‍की नुङा।

युहन्‍ना 4:32

टर येशूये होखुरीककी डेया, “ङाखाटा ज्‍याच कुरा ले, होच्‍यो बारेयाङ नाखुरीककी थाहा माले।”

युहन्‍ना 6:25

भर्मीकै टालौ पारी येशूकी डुपार गीना, “ए गुरुज्‍यु, नाको इला सेन टाराहा?”

युहन्‍ना 9:2

होसकुङ चेलाकै होसकोकी गीना, “गुरु, सुये पाप जाटा? इसे भर्मीये की इच्‍यो मोइ-बोये, र इसे डीन्‍न्‍हाङ न मीमीक माडाङ्‍च अन्‍धा डीन्‍हा?”