युहन्‍ना 4:14 - पुर्वीय मगर

¹⁴ टर ङै याछ डी गाचको चहीँ फेरी सेन्‍र डी मासोन्‍ल्‍हे। हीजैडेनाङ ङै याछ डी होसे भीत्री गीट्न ङुच डीयो मुल छान्‍ले र होचे होसकी सेन्‍र मासीच जीवन याल्‍हे।”

युहन्‍ना 4:14 ပူးပေါင်းရင်းမြစ်များ

मत्ती 25:46

अनी होखुरीकै चहीँ सढैँ भरीयो लागी दन्‍ड डुप्‍ले, टर धर्मी भर्मीकै चहीँ सेन्‍र मासीच जीवन डुप्‍ले।”

मत्ती 5:6

कुडीक आसीस डुप्‍चको ले धार्मिकतौ लागी रन्‍छीचको र सोन्‍छको! हीजैडेनाङ होखुरीक र्‍हास्‍ले।

युहन्‍ना 10:10

खुस च खुसकी, साट्‍की र नास जाट्‍की मट्‍टै राल्‍हे। टर ङा चहीँ नाखुरीकै जीवन डुप्‍ख्‍यौ, होसे परसस्‍ट जाट्‍न डुप्‍ख्‍यौ डेयार राछ हो।

युहन्‍ना 11:26

अनी ङाकी विश्‍वास जाटार जीवाच पछी होसे भर्मी सेन्‍र मासीले। ही इसे कुरा नाङ विश्‍वास जाट्‍ले?”

युहन्‍ना 4:10

येशूये होसकी डेया, “इडीक नाकै परमेश्‍वरौ वरदान र नाकोखाटा डी ङेछ भर्मीकी चीन्‍डीच लेनाङ नाकै होसेखाटा ङेछ लेया, र होचे नाकोकी जीउँडो डी याछ लेया।”

युहन्‍ना 4:11

होसे मास्‍टो भर्मीये येशूकी डेया, “हजुर, नाकोखाटा गाप्‍च भाडा र माले, अनी इनार र लुप्‍च ले। टब नाकै होसे जीउँडो डी कुटै राक्‍ले?

युहन्‍ना 4:13

येशूये होसकी जवाफ याहा, “इसे डी गाचको पट्‍ट न फेरी डी सोन्‍ल्‍हे,

युहन्‍ना 4:36

सुये बाली चेले होचे ज्‍याला डुप्‍ले, र होचे सेन्‍र मासीच जीवनौ लागी अन्‍न बटुलीले, अनी भेरेट्‍च र बाली चेच नीस न काठोव्‍हाङ न मार्‍हाङ्‍ले।

युहन्‍ना 6:27

नास छानार नुङ्‍च ज्‍याच ठोकौ लागी काम माजाट्‍नी, टर सेन्‍र मासीच जीवन याछ ज्‍याच ठोकौ लागी काम जाट्‍नी। इसे सेन्‍र मासीच जीवन याछ ज्‍याच ठोक नाखुरीककी भर्मीयो मीजै याल्‍हे हीजैडेनाङ परमेश्‍वर बोये इसे कामौ लागी होसकोकी अधिकार याम्‍हने।”

युहन्‍ना 6:35

येशूये भर्मीकोलाक डेया, “सेन्‍र मासीच जीवनौ रोटो ङा न हो। ङा लेठाङ राछ सेन्‍र मीटुक मारन्‍छीले र ङामीटाक विश्‍वास जाट्‍च सेन्‍र डी मासोन्‍ल्‍हे।

युहन्‍ना 6:58

स्‍वर्ग लकीङ राछ इसे रोटो चहीँ नाखुरीकुङ बोइ-बाज्‍युकै ज्‍याच मन्‍न ल्‍याक्‍च होइन। हीजैडेनाङ होखुरीकै होसे ज्‍यानाङ र सीम नुङा। टर ङै याछ रोटो ज्‍याचको चहीँ सधैँभरी जीवाम ङुले।”

युहन्‍ना 7:37

चाडौ अन्‍टीम र पट्‍ट डेनाङ मुख्‍य डीनाङ येशूये टोङ्‍हार पट्‍टकै सेच जाट्‍न डेया, “इडीक नाखुरीक मढ्‍याङ सुर डी सोन्‍हा डेनाङ होसे ङा लेठाङ राहार डी गाख्‍यौ।

१ पट्‍रुस 1:22

अब नाखुरीकै सत्‍यकी पालना जाटार लहो मीमन शुद्ध पार्‌नने अनी विश्‍वासी डाजेभाइ र डै बहीनीकोलाक साँचो प्रेम जाट्‍नने। होटबाटै काटै काट्‍की भीत्री मीमन लकीङ न प्रेम जाट्‍नी।

१ युहन्‍ना 5:20

अनी परमेश्‍वरौ मीजा राहा र होसकै कानकी साँचो परमेश्‍वरकी चीन्‍डीच ज्ञान याहा। इसे कुरा कानकी थाहा ले। कान होसकुङ मीजा येशू ख्रीष्‍ट खाटा लेचबाटै साँचो परमेश्‍वर खाटा ले। होसको न साँचो परमेश्‍वर र सेन्‍र मासीच जीवन याछ हो।