युहन्‍ना 4:10 - पुर्वीय मगर

¹⁰ येशूये होसकी डेया, “इडीक नाकै परमेश्‍वरौ वरदान र नाकोखाटा डी ङेछ भर्मीकी चीन्‍डीच लेनाङ नाकै होसेखाटा ङेछ लेया, र होचे नाकोकी जीउँडो डी याछ लेया।”

युहन्‍ना 4:10 ပူးပေါင်းရင်းမြစ်များ

लुका 11:13

नाखुरीक दुष्‍ट छानार च लहो मीजा कोलाक मजुङ ठोकको याखी वार्‌ल्‍हे डेनाङ झन स्‍वर्गाङ लेच नाखुरीकुङ बोये कुडीक वास्‍टै पवित्र आत्‍मा याल्‍हे।”

युहन्‍ना 16:3

परमेश्‍वर बोइकी र ङाकी माचीन्‍डीच बाटै न भर्मीकै नाखुरीककी इट जाट्‍च हो।

युहन्‍ना 17:3

अब सेन्‍र मासीच जीवन डेच इसे न हो, नाको काट मट्‍टै सत्‍य परमेश्‍वर हो डेम चीन्‍डीकी, र नाकै बीर्‌न्‍हकाच येशू ख्रीष्‍टकी र चीन्‍डीकी हो।

युहन्‍ना 3:16

हीजैडेनाङ परमेश्‍वरै संसारुङ भर्मीकोलाक याङ्‍च प्रेम जाटा, की होसकै लहो काटजा मीजाकी र याहा। होसकोकी विश्‍वास जाट्‍च सुर नास माछान्‍ले, टर होचे सेन्‍र मासीच जीवन डुप्‍ले।

युहन्‍ना 4:14

टर ङै याछ डी गाचको चहीँ फेरी सेन्‍र डी मासोन्‍ल्‍हे। हीजैडेनाङ ङै याछ डी होसे भीत्री गीट्न ङुच डीयो मुल छान्‍ले र होचे होसकी सेन्‍र मासीच जीवन याल्‍हे।”

युहन्‍ना 6:35

येशूये भर्मीकोलाक डेया, “सेन्‍र मासीच जीवनौ रोटो ङा न हो। ङा लेठाङ राछ सेन्‍र मीटुक मारन्‍छीले र ङामीटाक विश्‍वास जाट्‍च सेन्‍र डी मासोन्‍ल्‍हे।

युहन्‍ना 6:51

स्‍वर्ग लकीङ झाल्‍न राछ जीबीट रोटो ङा न हो। इसे रोटो सुये ज्‍याले होसे सढैँभरी जीवाम ङुले। ङै याछ होसे रोटो चहीँ ङौ डेह हो। संसारुङ भर्मीकै सेन्‍र मासीच जीवन डुप्‍ख्‍यौ डेयार ङा ङौ डेह याल्‍हे।”

प्रेरित 9:11

प्रभुये होसकी डेया, “सोना र सीढा डेच गल्‍लीयाङ नुङ्‍ना र होला यहूदौ इमाङ साउल म्‍यार्‌मीन लेच काट जना टार्सस सहरुङ भर्मीयो बारेयाङ गीन्‍की, होचे प्रार्थना जाट्‍न ङुमने।

१ युहन्‍ना 5:20

अनी परमेश्‍वरौ मीजा राहा र होसकै कानकी साँचो परमेश्‍वरकी चीन्‍डीच ज्ञान याहा। इसे कुरा कानकी थाहा ले। कान होसकुङ मीजा येशू ख्रीष्‍ट खाटा लेचबाटै साँचो परमेश्‍वर खाटा ले। होसको न साँचो परमेश्‍वर र सेन्‍र मासीच जीवन याछ हो।