युहन्‍ना 3:5 - पुर्वीय मगर

⁵ येशूये डेया, “साँच्‍ची न ङा नाकोकी डेले, डी र आत्‍मा लकीङ माजन्‍मडीस्‍ठर सुर परमेश्‍वरौ राज्‍याङ पर्‌की माय्‍होक्‍ले।

युहन्‍ना 3:5 ပူးပေါင်းရင်းမြစ်များ

मत्ती 18:3

र डेया, “साँच्‍ची न ङा नाखुरीककी डेले, लहो मीमन परिवर्तन जाटार नाखुरीक मार्‌जा जजाको लेखा न माछाना डेनाङ सेन्‍र स्‍वर्गौ राज्‍याङ पर्‌की माय्‍होक्‍ले।

मत्ती 19:24

फेरी ङा नाखुरीककी डेले, धनी भर्मीकी परमेश्‍वरौ राज्‍यभीत्री पर्‌की डेनाङ च बरु उँटकी आर्‌चौ व्‍हाङीङ पर्‌की सजीलो छान्‍ले।”

मत्ती 21:31

अब इसे नीसाङ कुसे चहीँये बोयो इच्‍छाकी मन्‍डीया?” होखुरीकै जवाफ याहा, “जेठै चहीँये।” होटै येशूये होखुरीककी डेया, “साँच्‍ची न ङा नाखुरीककी डेले, कर सोट्‍चको र बेस्‍याको नाखुरीक डेनाङ पहीला परमेश्‍वरौ राज्‍याङ नुङ्‍ले।

मत्ती 28:19

होटबाटै नुङ्‍नी, र पट्‍ट जाटीकुङ भर्मीकोलाक चेलाको खास्‍नी, अनी परमेश्‍वर बोइ, मीजा र पवित्र आत्‍मौ म्‍यार्‌मीनाङ बप्‍तिस्‍मा यान्‍ही।

मत्ती 3:11

“नाखुरीकै लहो पापको डासार परमेश्‍वर पट्‌टी ल्‍हेसा डेच कुरा टान्‍हाकीयो लागी ङा चहीँ नाखुरीककी डीयो बप्‍तिस्‍मा याल्‍हे, टर ङा डेनाङ न्‍हुइङ राछ काट जना ले, होसको ङा डेनाङ शक्‍तिशाली ले, होसकुङ जुत्ता बुच योग्‍यौ र ङा माले। होसकै नाखुरीककी पवित्र आत्‍मा र म्‍हेये बप्‍तिस्‍मा याल्‍हे।

मत्ती 5:20

होटबाटै ङा नाखुरीककी डेले, व्‍यवस्‍थौ आज्ञाकोलाक धर्मगुरु र फरीसीकै डेनाङ सेम्‍ह मामन्‍डीया डेनाङ नाखुरीक स्‍वर्गौ राज्‍याङ पर्‌की माडीन्‍ल्‍हे।

मर्कूस 10:14

याङ्‍च डाङार येशू मीरीस ख्‍योव्‍हा र होखुरीककी डेया, “माजा बालखकोलाक ङा लेठाङ राखी यान्‍ही, होखुरीककी मारोकडीनी हीजैडेनाङ परमेश्‍वरौ राज्‍य इखुरीक ल्‍याक्‍चकुङ न हो।

मर्कूस 16:16

विश्‍वास जाटार बप्‍तिस्‍मा लाचये उडार डुप्‍ले, टर विश्‍वास माजाट्‍च चहीँ दोषी ठहरीस्‍ले।

मर्कूस 9:47

इडीक नुओ मीमीकै नाङ्‍की पापाङ पार्‌ले डेनाङ होसकी डोनार लोम्‍हकौ। नीस मीमीक खाटा नरकाङ नुङ्‍की डेनाङ च काट मट्‍टै मीमीक खाटा परमेश्‍वरौ राज्‍याङ नुङ्‍की सेछ हो।

लुका 13:24

“साँगुरो गालामीङ पर्‌की बल जाट्‍नी। ङा नाखुरीककी डेले, वास्‍टै जना पर्‌की च पाले, टर भीत्री केल्‍खी माय्‍होक्‍ले।

लुका 13:3

टर ङा नाखुरीककी डेले, होङ्‌च होइन! इडीक नाखुरीकै पापको डासार परमेश्‍वर पट्‌टी माल्‍हेसा डेनाङ, नाखुरीक र होटजाट्‍न न नास छान्‍ले।

लुका 13:5

टर ङा नाखुरीककी डेले, होट होइन! नाखुरीकै पापको डासार परमेश्‍वर पट्‌टी माल्‍हेसा डेनाङ नाखुरीक र होटजाट्‍न न सीले।”

युहन्‍ना 1:13

होखुरीक भर्मीयो य्‍हुलकीङ परमेश्‍वरौ मीजाको छान्‍च अठबा भर्मीयो शरीरौ इच्‍छालकीङ जन्‍मडीस्‍च होइन टर परमेश्‍वरलकीङ जन्‍मडीस्‍च हो।

युहन्‍ना 3:3

येशूये होसकी डेया, “साँच्‍ची न ङा नाङ्‍की डेले, सुर नयाँ जाट्‍न माजन्‍मडीसा डेनाङ होचे परमेश्‍वरौ राज्‍यकी डाङ्‍की माय्‍होक्‍ले।”

युहन्‍ना 3:4

निकोदेमसै येशूकी गीना, “बुढा छान्‍न भ्‍याच भर्मी फेरी कुटजाट्‍न जन्‍मडीस्‍की य्‍होक्‍ले? ही होसे भर्मी फेरी मोयो गर्भाङ पर्‌यार जन्‍मडीस्‍की य्‍होक्‍ले र?”

प्रेरित 2:38

टब पत्रुसै होखुरीककी डेया, “नाखुरीक पट्‍टकै जाट्‍च पापौ क्षमा डुप्‍कीयो लागी लाहा-लहे जाट्‍च पापको डासार परमेश्‍वर पट्‍टी ल्‍हेस्‍नी, अनी येशू मुक्‍ति याछ ख्रीष्‍टौ म्‍यार्‌मीनाङ नाखुरीक पट्‍टकै बप्‍तिस्‍मा लानी। होस न्‍हुइङ नाखुरीकै परमेश्‍वरौ वरदान पवित्र आत्‍मा डुप्‍ले।

प्रेरित 3:19

होटबाटै पश्‍चात्ताप जाट्‍नी र पाप लकीङ ल्‍हेस्‍नी अनी नाखुरीकुङ पापको मेट्‍डीम याल्‍हे। नाखुरीकै परमप्रभु लकीङ शान्‍ति र आनन्‍द डुप्‍ले।

१ पट्‍रुस 1:2

अघीलकीङ न लहो योजना अनुसार परमेश्‍वर बोये नाखुरीककी लहो न पवित्र भर्मीको छान्‍कीयो लागी चुन्‍डीच हो। येशू ख्रीष्‍टौ य्‍हुये पवित्र छानार होसकुङ न आज्ञा नाखुरीकै मन्‍डीकी य्‍होक्‍नी डेयार नाखुरीककी आत्‍मालकीङ लहौ खासा। नाखुरीकखाटा अनुग्रह र शान्‍ति प्रसस्‍त छान्‍न ङुख्‍यौ।

१ पट्‍रुस 3:21

इसे डी बप्‍तिस्‍मा लाच काट चीन्‍ह हो, इचे नाखुरीककी जीवाटाक्‍ले। इसे जीवाङ पर्च री हुर्‌च लेखा होइन टर इसे शुद्ध बीबेकै परमेश्‍वरखाटा जाट्‍च बिन्‍ती हो। हीजैडेनाङ येशू ख्रीष्‍ट सीच लकीङ जीवाचबाटै बप्‍तिस्‍मै नाखुरीककी र जीवाटाक्‍ले।

१ युहन्‍ना 2:29

इडीक ख्रीष्‍ट धर्मी ले डेच कुरा नाखुरीकै वार्‍हा डेनाङ, नाखुरीकै इसे कुरा र वार्‌ल्‍हे की ठीक काम जाट्‍च काट-काट जना भर्मी परमेश्‍वरौ मीजाको हो।

१ युहन्‍ना 5:1

येशू न मुक्‍ति याछ ख्रीष्‍ट हो डेयार विश्‍वास जाट्‍चको पट्‍ट न परमेश्‍वरौ मीजाको हो। अनी बोइकी प्रेम जाट्‍चकै होसकुङ मीजाकी र प्रेम जाट्‍ले।