युहन्‍ना 3:32 - पुर्वीय मगर

³² होसकै ही डाङ्‍ङने र सेमने, होच्‍यो न गबाही याल्‍हे, टर होसकुङ गबाही सुयेर विश्‍वास माजाट्‍ले।

युहन्‍ना 3:32 ပူးပေါင်းရင်းမြစ်များ

मत्ती 7:8

हीजैडेनाङ सुये ङेल्‍हे होसकी याल्‍हे, सुये पाले, होचे डुप्‍ले, सुये ढ्‍वाक-ढ्‍वाक जाट्‍ले, होच्‍यो लागी गालाम फोस्‍ले।

युहन्‍ना 1:11

होसको लहो न भर्मीको लेठाङ राहा, टर होसे भर्मीकै होसकोकी ग्रहण माजाटा।

युहन्‍ना 15:15

अब लकीङ ङा नाखुरीककी नोकर माडेले, हीजैडेनाङ नोकरकै मालीकै ही जाट्‍न न ले, होसे माव्‍हार्‌ले। ङै नाखुरीककी लाफा डेमने, हीजैडेनाङ ङौ बोइलकीङ सेच पट्‍ट न कुराको ङै नाखुरीककी डेम याम्‍हने।

युहन्‍ना 18:37

पिलातसै येशूकी डेया, “होट हो डेनाङ नाको राजा न हो ट?” येशूये डेया, “ङा राजा हो डेयार नाको लाहा न डेम न ले। ङा सत्‍यौ गबाही याखी जन्‍मडीस्‍च हो, र इच्यो लागी न संसाराङ राछ हो। सुये सत्‍य जाक्‍ले होखुरीकै ङौ कुरा सेले।”

युहन्‍ना 3:11

साँच्‍ची न ङा नाकोकी डेले, कानै ही वार्‌न्‍हने होसे डेले, अनी ही डाङ्‍ङ ने होसे न सेटाक्‍ले, टर नाखुरीक कानै याछ गबाही स्‍वीकार माजाट्‍ले।

युहन्‍ना 3:26

होखुरीकै युहन्‍ना लेठाङ राहार डेया, “ए गुरुज्‍यु, यर्दन नदि पारी लेनाङ नाकोखाटा काट जना भर्मी लेया, होसकुङ बारेयाङ नाकै कानकी गबाही याम्‍हन्‍या, चाँहा होसकै न बप्‍तिस्‍मा याम्‍हन ले, र पट्‍ट न भर्मीको होसको लेठाङ टी नुङ्‍ङन ले।”

युहन्‍ना 3:33

टर सुये होसकुङ गबाहीकी विश्‍वास जाट्‍नने, होचे परमेश्‍वर सत्‍य हो डेच कुरौ पर्‌मान याल्‍हे।

युहन्‍ना 5:20

हीजैडेनाङ परमेश्‍वर बोये लहो मीजाकी माया जाट्‍ले, र होसको लहे जाट्‍च पट्‍ट न कामको मीजाकी टान्‍हाक्‍ङ याल्‍हे। इसे डेनाङ बा-बाड्‍सो कामको बोये मीजाकी टान्‍हाक्‍ले, र नाखुरीक पट्‍ट न छक्‍क पर्‌ले।

युहन्‍ना 8:26

नाखुरीकुङ बारेयाङ ङै वास्‍टै कुराको डेकी ले र नाखुरीककी न्‍याय जाट्‍की ले। टर ङाकी बीर्‌न्‍हकाच सत्‍य ले, र होसको लकीङ ही सेया होसे कुरा मट्‍टै ङा संसारकी डेले।”