युहन्‍ना 3:31 - पुर्वीय मगर

³¹ ढेनाम स्‍वर्ग लकीङ राछ चहीँ पट्‍ट डेनाङ महान ले। संसार लकीङ राछ चहीँ संसारुङ न हो, होचे संसारुङ न कुरा ङाक्‍ले। स्‍वर्ग लकीङ राछ पट्‍ट डेनाङ महान ले।

युहन्‍ना 3:31 ပူးပေါင်းရင်းမြစ်များ

मत्ती 28:18

टब येशू होखुरीक लेठाङ खेरेप राहार डेया, “स्‍वर्ग र पृथ्‍वीयाङ पट्‍ट न अधिकार ङाकी याम्‍हने।

युहन्‍ना 1:15

युहन्‍नै होसकुङ बारेयाङ गबाही याछै बाड्‍को सोरै च्‍याक्‍चै डेया, “होसको होसे न भर्मी हो, होसकुङ बारेयाङ ङै डेमे, ‘ङा न्‍हुइङ राछ ङा डेनाङ कर्‍हाङ्‌छ ले, हीजैडेनाङ होसको ङा डेनाङ अगाडी लकीङ न लेया।’”

युहन्‍ना 1:27

ङा न्‍हुइङ राछ होसको न हो र ङा होसकुङ चप्‍पलौ फीटा पीसाक्‍की र ज्‍योस्‍च माले।”

युहन्‍ना 1:30

होसकुङ न बारेयाङ ङै डेमन्‍या, ‘ङा न्‍हुइङ काट जना राम्‍हन ले, होसको चहीँ ङा डेनाङ कर्‍हाङ्‍च ले हीजैडेनाङ होसको ङा डीन्‍खी डेनाङ अगाडी लकीङ न लेया।’

युहन्‍ना 3:30

होसको चहीँ बड्‌डीस्‍की, टर ङा चहीँ घट्‍डीस्‌की पर्‌ले।”

युहन्‍ना 6:33

परमेश्‍वरौ रोटो होसे न हो, सु स्‍वर्ग लकीङ म्‍हाका झाल्‍न राहार संसारुङ भर्मीकोलाक सेन्‍र मासीच जीवन याल्‍हे।”

युहन्‍ना 6:51

स्‍वर्ग लकीङ झाल्‍न राछ जीबीट रोटो ङा न हो। इसे रोटो सुये ज्‍याले होसे सढैँभरी जीवाम ङुले। ङै याछ होसे रोटो चहीँ ङौ डेह हो। संसारुङ भर्मीकै सेन्‍र मासीच जीवन डुप्‍ख्‍यौ डेयार ङा ङौ डेह याल्‍हे।”

युहन्‍ना 8:23

येशूये होखुरीककी डेया, “नाखुरीक इला म्‍हाकुङ हो, ङा चहीँ ढेनामीङ राछ हो। नाखुरीक इसे संसारुङ हो, टर ङा इसे संसारुङ होइन।

प्रेरित 10:36

परमेश्‍वरै येशू ख्रीष्‍ट लकीङ इस्राएलीकोलाक बीर्‌न्‍हकाच शान्‍तियो सेछ समाचार नाखुरीककी थाहा न ले। होसको न पट्‍टकुङ प्रभु हो।

१ पट्‍रुस 3:22

होसको सीच लकीङ जीवाचपछी स्‍वर्गाङ नुङा र चाहाँ परमेश्‍वरौ डोरपट्‍टी ङुमने अनी पट्‍ट न स्‍वर्गदूत र स्‍वर्गाङ लेच अधिकार र शक्‍तिको होसकुङ अधिनाङ ले।

१ युहन्‍ना 4:5

होखुरीक संसारुङ हो, होटबाटै संसारुङ न कुरा ङाक्‍ले र होखुरीकै ङाक्‍च कुरा संसारुङ न भर्मीकै सेले।