युहन्‍ना 3:29 - पुर्वीय मगर

²⁹ ब्‍याहुली चहीँ ब्‍याहुलौ हो। ब्‍याहुला खाटा टोङ्‍छ लाफा ब्‍याहुलौ सोर सेयार मार्‍हाङ्‍ले। होसे न ङौ आनन्‍द हो, अब होसे पुरा छान्‍नने।

युहन्‍ना 3:29 ပူးပေါင်းရင်းမြစ်များ

मत्ती 22:2

“स्‍वर्गौ राज्‍य काट राजा ल्‍याक्‍च हो, होचे लहो लेन्‍जा मीजौ लागी काट ब्‍याहा भोज तयार जाटा।

मत्ती 25:1

“स्‍वर्गौ राज्‍यकी डस कन्‍याकोखाटा तुलना जाट्‍की य्‍होक्‍ले, होखुरीकै लाहा-लहो बट्‍टी लार ब्‍याहुलाकी डुप्‍की नुङा।

मत्ती 9:15

येशूये होखुरीककी जवाफ याहा, “जबसम्‍म ब्‍याहुला जन्‍टीकोखाटा छान्‍ले, ही होखुरीक शोक जाट्‍ले र? टर होसे डीन राल्‍हे जब ब्‍याहुला होखुरीक लकीङ भाकार आल्‍हे। अनी होडीक बेला होखुरीक उपवास ङुले।

लुका 15:6

होटै इमाङ राहार होचे लहो लाफाको र छर छीमेकी कोलाक आर्‌घाले, होटै होखुरीककी डेले, ‘ङाखाटा मार्‍हाङ्‍नी। हीजैडेनाङ ङौ म्‍हाट्‍च भेडा डुप्‍मने।’”

युहन्‍ना 15:11

ङै इसे कुरा नाखुरीककी इसे कीसीमै डेच हो, ङौ आनन्‍द नाखुरीकखाटा ङुख्‍यौ, र नाखुरीकुङ आनन्‍द पुरा छान्‍ख्‍यो।

युहन्‍ना 16:24

चाहाँसम्‍म नाखुरीकै ङौ म्‍यार्‌मीनाङ हीर माङेम्‍हने। ङेन्‍ही र नाखुरीकै डुप्‍ले। अनी नाखुरीकुङ आनन्‍द पुरा छान्‍ले।

युहन्‍ना 17:13

“अब ङा नाकोलेठाङ राम्‍हन ले। होखुरीक ङौ आनन्‍दै न्‍हेप्‍ख्‍यौ डेयार ङै इसे कुराको ङा संसाराङ लेनाङ न होखुरीककी डेम याम्‍हने।

युहन्‍ना 3:30

होसको चहीँ बड्‌डीस्‍की, टर ङा चहीँ घट्‍डीस्‌की पर्‌ले।”

१ युहन्‍ना 1:4

कानुङ आनन्‍द पुरा अटछानै डेयार न इसे कुराको रीक्‍ङन ले।

२ युहन्‍ना 1:12

ङाखाटा नाखुरीककी डेकी पर्च कुराको च धेरै न ले, टर कागज र मसीये होसे कुराको मारीक्‍ङ नाखुरीककी न डुपार कुरा जाट्‍की मीमन ले। अनी होडीक बेला काल्‍हाको काठोहाङ न साप्‍फी मार्‍हाङ्‍ले डेच र ङौ आशा ले।