युहन्‍ना 3:26 - पुर्वीय मगर

²⁶ होखुरीकै युहन्‍ना लेठाङ राहार डेया, “ए गुरुज्‍यु, यर्दन नदि पारी लेनाङ नाकोखाटा काट जना भर्मी लेया, होसकुङ बारेयाङ नाकै कानकी गबाही याम्‍हन्‍या, चाँहा होसकै न बप्‍तिस्‍मा याम्‍हन ले, र पट्‍ट न भर्मीको होसको लेठाङ टी नुङ्‍ङन ले।”

युहन्‍ना 3:26 ပူးပေါင်းရင်းမြစ်များ

मत्ती 23:7

होखुरीकै बजार नुङ्‍नाङ भर्मीकै लाहाकी आदर जाट्‍ख्‍यो र पट्‍टये ‘गुरु’ डेयार आर्‌घाख्‍यो डेच मीमन जाट्‍ले।

मत्ती 23:8

“टर नाखुरीककी सुयेर ‘गुरु’ माडेख्‍यो, हीजैडेनाङ नाखुरीकुङ गुरु काट मट्‍टै ले, अनी नाखुरीक चहीँ पट्‍ट न डाजेभाइको र डैबहीनीको लेखा न हो।

युहन्‍ना 1:15

युहन्‍नै होसकुङ बारेयाङ गबाही याछै बाड्‍को सोरै च्‍याक्‍चै डेया, “होसको होसे न भर्मी हो, होसकुङ बारेयाङ ङै डेमे, ‘ङा न्‍हुइङ राछ ङा डेनाङ कर्‍हाङ्‌छ ले, हीजैडेनाङ होसको ङा डेनाङ अगाडी लकीङ न लेया।’”

युहन्‍ना 1:7

अनी आसको साक्षी छानार राहा। पट्‍ट न भर्मीकै ज्‍योतिकी चीन्‍डीयार विश्‍वास जाट्‍की य्‍होक्‍ख्‍यौ डेयार परमेश्‍वरै आसकोकी बीर्‌न्‍हकाच हो।

युहन्‍ना 1:9

पट्‍ट न भर्मीकोलाक ज्‍योति याछ होसे साँचो ज्‍योति संसाराङ राम्‍ह न लेया।

युहन्‍ना 11:48

इडीक कानै इसकी याङ्‍च कामको जाट्‍की डास्‍न याहा डेनाङ पट्‍टकै इसे मीटाक विश्‍वास जाट्‍ले अनी रोमीकै राहार कानुङ मन्‍दिर र भट्‍कडीम याल्‍हे र काल्‍हा यहूदी जाटीकी र नास जाट्‍ले।”

युहन्‍ना 12:19

टब फरीसीकै मेखुरीक-मेखुरीक डेकी ठाला, “कानै हीर जाट्‍की माय्‍होका। ङोस्‍नी ट, संसारुङ पट्‍ट न भर्मीको होच्‍यो न्‍हुङ-न्‍हुङ व्‍हामभ्‍यामने!”

युहन्‍ना 3:2

कायाक नाबीक होचे येशू लेठाङ राहार इट डेया, “ए गुरुज्‍यु, कान वार्‌ल्‍हे नाको परमेश्‍वरै बीर्‌न्‍हकाच शिक्षक हो। इडीक परमेश्‍वर नाकोखाटा माले डेनाङ च इसे नाकै जाट्‍च अचम्‍मौ चीन्‍हओ कामको सुयेर जाट्‍की माय्‍होक्‍ले।”

युहन्‍ना 4:1

युहन्‍नै डेनाङ येशूये वास्‍टै जना चेलाको खासार बप्‍तिस्‍मा याम्‍हन ले डेच कुरा फरीसीकै सेया।

युहन्‍ना 4:2

येशू लहे न सुकीर बप्‍तिस्‍मा माय्‍हामन्‍या, टर होसकुङ चेलाकै चहीँ बप्‍तिस्‍मा याम्‍हन्‍या।

युहन्‍ना 4:31

होडीक न बेला चेलाकै येशूकी ज्‍याच ठोक याछै, “गुरुज्‍यु, अब हीर ज्‍याच कुरा ज्‍यानी” डेयार बिन्‍ती जाटा।

युहन्‍ना 5:33

“नाखुरीकै बप्‍तिस्‍मा याछ युहन्‍ना लेठाङ गीन्‍की बीर्‌न्‍हका, अनी होचे सत्‍यौ गबाही याहा।