युहन्‍ना 3:2 - पुर्वीय मगर

² कायाक नाबीक होचे येशू लेठाङ राहार इट डेया, “ए गुरुज्‍यु, कान वार्‌ल्‍हे नाको परमेश्‍वरै बीर्‌न्‍हकाच शिक्षक हो। इडीक परमेश्‍वर नाकोखाटा माले डेनाङ च इसे नाकै जाट्‍च अचम्‍मौ चीन्‍हओ कामको सुयेर जाट्‍की माय्‍होक्‍ले।”

युहन्‍ना 3:2 ပူးပေါင်းရင်းမြစ်များ

मत्ती 22:16

होखुरीकै लहो चेलाकोलाक हेरोद राजौ भर्मीको खाटा येशूलेठाङ बीर्‌न्‍हका। होखुरीकै नुङार होसकोकी डेया, “ए गुरुज्‍यु, कान वार्‌ल्‍हे, नाको सत्‍य ङाक्‍ले, र परमेश्‍वरौ लाम सत्‍य खाटा पाहाक्‍ले। अनी भर्मीकै ही डेले औँला डेयार वास्‍टा र माजाट्‍ले, हीजैडेनाङ नाकै भर्मीकुङ मेङेर ङोसार काम माजाट्‍ले।

मत्ती 23:7

होखुरीकै बजार नुङ्‍नाङ भर्मीकै लाहाकी आदर जाट्‍ख्‍यो र पट्‍टये ‘गुरु’ डेयार आर्‌घाख्‍यो डेच मीमन जाट्‍ले।

मत्ती 23:8

“टर नाखुरीककी सुयेर ‘गुरु’ माडेख्‍यो, हीजैडेनाङ नाखुरीकुङ गुरु काट मट्‍टै ले, अनी नाखुरीक चहीँ पट्‍ट न डाजेभाइको र डैबहीनीको लेखा न हो।

मर्कूस 12:14

होखुरीक राहार येशूकी डेया, “गुरुज्‍यु, नाकै साँचो कुरा ङाक्‍ले डेम कानकी ठाहा ले। भर्मीकै ही डेले डेयार नाकै वास्‍टा माजाट्‍ले हीजैडेनाङ नाकै सुओर मेङेर ङोसार काम माजाट्‍ले। टर परमेश्‍वरौ लाम साँचो खाटा पाहाक्‍ले। कानकी डेनी, कैसरकी कर टेरीकी सेम्‍ह ले की माले?

युहन्‍ना 1:38

येशूये ल्‍हेसार ङोसा, होखुरीक लाहा न्‍हुङ-न्‍हुङ राछै जाट्‍च डाङार होखुरीककी गीना, “नाखुरीक ही पामन ले?” होखुरीकै होसकोकी डेया, “गुरु, नाको कुला ङुले?”

युहन्‍ना 10:38

टर इडीक ङै जाट्‍च कामको ङौ बोयो हो डेनाङ, नाखुरीकै ङा मीटाक विश्‍वास माजाट्‍नाङ र ङै जाट्‍च कामको मीटाक चहीँ विश्‍वास जाट्‍नी, र बोइ ङा खाटा ले, अनी ङा बोइ खाटा ले डेयार नाखुरीकै बुझडीस्‍की य्‍होक्‍ले।”

युहन्‍ना 12:37

येशूये यहूदीकुङ म्‍याहासाङ न इडीक वास्‍टै अचम्‍मौ चीन्‍हको जाट्‍नाङ र होखुरीकै होसको मीटाक विश्‍वास माजाटा।

युहन्‍ना 14:10

ङा बोइखाटा ले, र बोइ ङाखाटा ले डेच कुरा ही नाको विश्‍वास माजाट्‍ले? ङै नाखुरीककी डेच बचन ङाल्‍है न ङाक्‍च होइन, टर ङाखाटा लेच बोये न लहो काम ङा लकीङ जाट्‍नन ले।

युहन्‍ना 15:24

इडीक सुयेर माजाट्‍च अचम्‍मौ कामको ङै होखुरीकुङ मीघ्‍याङ माजाट्‍च लेनाङ होखुरीक पापौ दोषी माछान्‍च लेया। टर ङै जाट्‍च अचम्‍मौ कामको डाङार र होखुरीकै ङाकी र ङौ बोइकी समेट घृणा जाट्‍नने।

युहन्‍ना 2:11

येशूये जाट्‍च अचम्‍मौ चीन्‍हको मढ्‍याङ इसे पहीलो चीन्‍ह होसकै गालीलुङ काना सहराङ जाट्‍च हो। इटजाट्‍न होसकै लहो महीमा टान्‍हाका, र होसकुङ चेलाकै होसको मीटाक विश्‍वास जाटा।

युहन्‍ना 20:16

येशूये होसकी डेया, “मरीयम!” होचे येशूओ सोर सेम खार्‌लाप्‍प ल्‍हेसार होसकोकी हिब्रु भासाङ डेया, “रब्‍बोनी!” होच्‍यौ अर्थ “हे गुरुज्‍यु” हो।

युहन्‍ना 3:26

होखुरीकै युहन्‍ना लेठाङ राहार डेया, “ए गुरुज्‍यु, यर्दन नदि पारी लेनाङ नाकोखाटा काट जना भर्मी लेया, होसकुङ बारेयाङ नाकै कानकी गबाही याम्‍हन्‍या, चाँहा होसकै न बप्‍तिस्‍मा याम्‍हन ले, र पट्‍ट न भर्मीको होसको लेठाङ टी नुङ्‍ङन ले।”

युहन्‍ना 4:31

होडीक न बेला चेलाकै येशूकी ज्‍याच ठोक याछै, “गुरुज्‍यु, अब हीर ज्‍याच कुरा ज्‍यानी” डेयार बिन्‍ती जाटा।

युहन्‍ना 5:36

“टर ङाखाटा लेच गबाही युहन्‍नै याछ गबाही डेनाङ बाड्‍को ले। हीजैडेनाङ कुसे कामको पुरा जाट्‍की परमेश्‍वर बोये ङाकी याम्‍हने, होसे काम ङा जाट्‍न न ले, अनी होसे कामै न ङौ बारेयाङ गबाही याम्‍हन ले, र परमेश्‍वर बोये ङाकी बीर्‌न्‍हकाच हो डेम टान्‍हाक्‍ले।

युहन्‍ना 6:2

भर्मीकुङ काट बाड्‍को भीडै होसकोकी डुटा, हीजैडेनाङ होसकै छाचको अचम्‍म खाटा गेपाक्‍च होखुरीकै डाङ्‍ङन्‍या।

युहन्‍ना 7:31

होसे भीडाङ लेच भर्मीको वास्‍टै जनै येशूकी विश्‍वास जाटा अनी होखुरीकै डेया, “जब मुक्‍ति याछ ख्रीष्‍ट राल्‍हे, ही होसकै इसे भर्मीये डेनाङ वास्‍टै शक्‍तिशाली कामको जाट्‍ले र?”

युहन्‍ना 9:16

कुडीक जना फरीसीकै डेया, “होसे भर्मी परमेश्‍वरलकीङ राछ होइन, हीजैडेनाङ होचे म्‍हुङ बाट्‍च डीनाङ काम जाट्‍की माछान्‍ने डेच नीयमकी मामन्‍डीले।” टर अरुकै डेया, “पापी भर्मीये याङ्‍च अचम्‍मौ चीन्‍हओ काम जाट्‍की य्‍होक्‍ले र?” इटजाट्‍न होखुरीक मीघ्‍याङ फाटो छाना।

प्रेरित 10:38

नाखुरीककी थाहा न ले, परमेश्‍वरै नासरतुङ येशूकी पवित्र आत्‍मा र शक्‍तिये अभिषेक जाटा। अनी होसको सेछ काम जाट्‍चै र शैतानै सटडीच पट्‍ट कोलाक गेपाक्‍चै व्‍हा, हीजैडेनाङ परमेश्‍वर होसकोखाटा लेया।

प्रेरित 2:22

“इस्राएलुङ भर्मीको, इसे कुरा सेनी नासरतुङ येशूकी परमेश्‍वरै बीर्‌न्‍हकाच हो डेम होसकै जाट्‍च शक्‍तिशाली कामको र अचम्‍मौ चीन्‍हको लकीङ नाखुरीकुङ म्‍याहासाङ प्रमाणित जाट्‍ने। नाखुरीककी थाहा न ले परमेश्‍वरै नाखुरीकुङ मीघ्‍याङ इसे कामको होसको लकीङ जाट्‍च हो।