युहन्‍ना 3:17 - पुर्वीय मगर

¹⁷ परमेश्‍वरै संसारुङ भर्मीकोलाक दोषी ठहरीकी डेयार लहो मीजाकी बीर्‌न्‍हकाच होइन, टर होखुरीककी जीवाक्‍की डेम बीर्‌न्‍हकाच हो।

युहन्‍ना 3:17 ပူးပေါင်းရင်းမြစ်များ

मत्ती 1:23

“ङोस्‍नी, कन्‍या मास्‍टो जजा गर्भवती छान्‍ले र होचे काट लेन्‍जा मीजा जन्‍मडीले। होटै भर्मीकै होसकोकी इम्‍मानुएल डेले।” इम्‍मानुएलौ अर्थ चहीँ “परमेश्‍वर कानकोखाटा ले।”

मत्ती 18:10

“होसीयार छान्‍नी, नाखुरीकै इसे मार्‌जाको मध्‍याङ काट जनाकीर हेला माजाट्‍नी। ङा नाखुरीककी डेले, स्‍वर्गाङ लेच होखुरीकुङ डुटको सढैँ स्‍वर्गुङ ङौ बोयो म्‍याहासाङ ङुम ङुले।

मत्ती 18:11

[हीजैडेनाङ भर्मीयो मीजा च म्‍हाट्‍चकोलाक जीवाक्‍की डेम राछ हो।]

लुका 19:10

भर्मीयो मीजा म्‍हाट्‍च कोलाक पाकी र जीवाटाक्‍की डेम राछ हो।”

लुका 9:56

होटै होखुरीक अर्‌को लाङ्‍घा पट्‍टी व्‍हा।

युहन्‍ना 1:29

पीउर्‍हाक लेखो युहन्‍नै येशूकी लाहा पट्‍टी राछै जाट्‍च डाङार डेया, “ङोस्‍नी, संसारुङ भर्मीकोलाक पापलकीङ छुटकारा याछ परमेश्‍वरौ थुमा!

युहन्‍ना 10:36

ङाकी परमेश्‍वर बोये लहो काम पुरा जाट्‍की डेम ङाकी चुन्‍डीयार संसाराङ बीर्‌न्‍हकाच हो। होटडेनाङ ङा परमेश्‍वरौ मीजा हो डेनाङ नाखुरीकै कुटजाट्‍न ङै परमेश्‍वरौ निन्‍दा जाटा डेकी य्‍होक्‍ले?

युहन्‍ना 11:42

ङौ बिन्‍ती नाकै सढैँ सेले, होसे ङाकी थाहा ले। टर नाकै ङाकी संसाराङ बीर्‌न्‍हकाच हो डेच कुरा इला लेच भर्मीकै विश्‍वास जाट्‍ख्‍यौ डेयार ङै नाकोकी इसे बिन्‍ती चढडीच हो।”

युहन्‍ना 17:18

नाकै ङाकी संसाराङ बीर्‌न्‍हकानाङ लेखा न, ङै र होखुरीककी संसाराङ बीर्‌न्‍हकामने।

युहन्‍ना 17:21

होखुरीक पट्‍ट न काट छान्‍ख्‍यौ। ए बोइ, कुटजाट्‍न नाको ङाखाटा ले, र ङा नाकोखाटा ले, होटजाट्‍न न होखुरीक र कानखाटा काट न छान्‍ख्‍यौ, होटबाटै नाकै ङाकी बीर्‌न्‍हकाच हो डेयार संसारुङ भर्मीकै विश्‍वास जाट्‍ले।

युहन्‍ना 17:23

ङा होखुरीक खाटा र नाको ङाखाटा ले। होटजाट्‍न न होखुरीक र काट न छान्‍की य्‍होक्‍ख्‍यौ। टब नाकै ङाकी संसाराङ बीर्‌न्‍हकाच हो, र नाकै ङाकी माया जाट्‍नाङ लेखा न होखुरीककी र माया जाट्‍ले डेच कुरा संसारुङ भर्मीकै वार्‌ल्‍हे।

युहन्‍ना 17:25

“ए धार्मिक बोइ, संसारुङ भर्मीकै नाकोकी माचीन्‍डीले, टर ङा नाकोकी चीन्‍डीले, अनी नाकै ङाकी बीर्‌न्‍हकाच हो डेयार ङाकी डुट्‍चकै वार्‌ल्‍हे।

युहन्‍ना 17:3

अब सेन्‍र मासीच जीवन डेच इसे न हो, नाको काट मट्‍टै सत्‍य परमेश्‍वर हो डेम चीन्‍डीकी, र नाकै बीर्‌न्‍हकाच येशू ख्रीष्‍टकी र चीन्‍डीकी हो।

युहन्‍ना 17:8

हीजैडेनाङ कुसे बचन नाकै ङाकी याहा, होसे ङै होखुरीककी याम्‍हने, र होखुरीकै होसे ग्रहण जाट्‍नने। ङा नाकोलकीङ राछ हो डेच कुरा होखुरीकै साँच्‍ची न बुझडीस्‍नने। अनी नाकै ङाकी बीर्‌न्‍हकाच हो डेयार होखुरीकै विश्‍वास जाट्‍नने।

युहन्‍ना 20:21

येशूये फेरी होखुरीककी डेया, “नाखुरीककी शान्‍ति! कुटजाट्‍न ङाकी ङौ बोये बीर्‌न्‍हका, होटजाट्‍न न अब ङा र नाखुरीककी बीर्‌न्‍हकामन ले।”

युहन्‍ना 3:34

सुकी परमेश्‍वरै बीर्‌न्‍हकामने होचे न परमेश्‍वरौ बचन ङाक्‍ले, हीजैडेनाङ परमेश्‍वरै होसकोकी लहो आत्‍मै न्‍हेपाक्‍ङने।

युहन्‍ना 5:36

“टर ङाखाटा लेच गबाही युहन्‍नै याछ गबाही डेनाङ बाड्‍को ले। हीजैडेनाङ कुसे कामको पुरा जाट्‍की परमेश्‍वर बोये ङाकी याम्‍हने, होसे काम ङा जाट्‍न न ले, अनी होसे कामै न ङौ बारेयाङ गबाही याम्‍हन ले, र परमेश्‍वर बोये ङाकी बीर्‌न्‍हकाच हो डेम टान्‍हाक्‍ले।

युहन्‍ना 5:38

होसकुङ बचन नाखुरीकुङ मीमनाङ माङुले, हीजैडेनाङ सुकी होसकै बीर्‌न्‍हका, नाखुरीकै होसको मीटाक विश्‍वास माजाट्‍ले।

युहन्‍ना 5:45

“ङै नाखुरीककी परमेश्‍वर बोयो म्‍याहासाङ दोष लैडीले डेम माआर्‌मीट्‍नी। नाखुरीकै मोशा मीटाक लहो आशा डामने, होचे न नाखुरीककी दोष लैडीले।

युहन्‍ना 6:29

येशूये होखुरीककी डेया, “परमेश्‍वरै बीर्‌न्‍हकाचकी विश्‍वास जाट्‍नी, इसे न परमेश्‍वरै मीमन जाट्‍च काम हो।”

युहन्‍ना 6:38

हीजैडेनाङ ङाल्‍हौ इच्‍छा पुरा जाट्‍की डेम ङा स्‍वर्ग लकीङ झाल्‍न राछ होइन, टर ङाकी बीर्‌न्‍हकाचौ इच्‍छा पुरा जाट्‍की डेम ङा राछ हो।

युहन्‍ना 6:40

हीजैडेनाङ ङौ बोयो इच्‍छा इसे न हो, मीजाकी ङोस्‍च र होसे मीटाक विश्‍वास जाट्‍च पट्‍टकै सेन्‍र मासीच जीवन डुप्‍ख्‍यौ, र ङा होखुरीककी अन्‍टीम डीनाङ सीच लकीङ जीवाटाक्‍ले।”

युहन्‍ना 6:57

जीबीट बोये ङाकी बीर्‌न्‍हका, र ङा बोयौ कारनै जीवाले। होटजाट्‍न न सुये ङाकी ज्‍याले होखुरीक ङौ कारनै जीवाले।

युहन्‍ना 7:29

टर ङा होसकोकी चीन्‍डीले, हीजैडेनाङ ङा होसको लकीङ न राछ हो, अनी होसकै न ङाकी बीर्‌न्‍हकाच हो।”

युहन्‍ना 8:11

होसे मास्‍टोये डेया, “माय्‍हा हजुर।” येशूये डेया, “होटडेनाङ ङा र नाङ्‍की दण्‍ड माय्‍हाले। अब नाङ नुङ्‍ना, टर फेरी पाप माजाटो।”]

युहन्‍ना 8:42

येशूये होखुरीककी डेया, “इडीक परमेश्‍वर नाखुरीकुङ बोइ हो डेनाङ च नाखुरीकै ङाकी माया जाट्‍च लेया, हीजैडेनाङ ङा परमेश्‍वर लकीङ राछ हो। ङाल्‍हौ इच्‍छाङ राछ होइन, होसकै न ङाकी बीर्‌न्‍हकाच हो।

१ युहन्‍ना 2:2

होसको कानुङ पाप मेट्‍डीकी डेम बलीडान छाना। कानुङ लागी मट्‍टै होइन, टर संसारुङ पट्‍ट न भर्मीकुङ पापौ लागी र हो।

१ युहन्‍ना 4:14

परमेश्‍वर बोये लहो मीजाकी संसाराङ मुक्‍ति याखी बीर्‌न्‍हकाच कानै डाङा, र होच्‍यो न कान साक्षी याल्‍हे।