युहन्‍ना 3:11 - पुर्वीय मगर

¹¹ साँच्‍ची न ङा नाकोकी डेले, कानै ही वार्‌न्‍हने होसे डेले, अनी ही डाङ्‍ङ ने होसे न सेटाक्‍ले, टर नाखुरीक कानै याछ गबाही स्‍वीकार माजाट्‍ले।

युहन्‍ना 3:11 ပူးပေါင်းရင်းမြစ်များ

मत्ती 11:27

“पट्‍ट न ठोक ङौ बोये ङाकी जीम्‍मा याम्‍हने, बोये बाहेक मीजाकी अरु सुयेर माचीन्‍डीले, र मीजै बाहेक बोइकी सुयेर माचीन्‍डीले। अनी सु लेठाङ मीजै बोइकी टान्‍हाक्‍च इच्‍छा जाट्‍ले होचे चहीँ चीन्‍डीले।

मत्ती 23:37

“यरूशलेमुङ भर्मीको, ए यरूशलेमुङ भर्मीको, नाखुरीकै अगमवक्‍ताकोलाक साट्‍ले, अनी नाखुरीक लेठाङ बीर्‌न्‍हकाच कोलाक ल्‍हुङै हीर्‌कडीले! कुटजाट्‍न गोमानै लहो मीजाकोलाक बटुलीयार मीखारै हुप्‍ले, होटजाट्‍न न ङै वास्‍टै खेप नाखुरीककी बटुलीच मीमन जाटा, टर नाखुरीकै मामन्‍डीया।

लुका 10:22

“ङौ बोये ङाकी पट्‍ट कुराको जीम्‍मा याम्‍हे। बोये बाहेक मीजाकी सुयेर माचीन्‍डीले। बोइ सु आले डेम मीजै बाहेक सुयेर माचीन्‍डीले र मीजै बोइकी सु सुकी चीन्‍डीयाक्‍ले होसे भर्मीकै बाहेक सुयेर चीन्‍डीकी माय्‍होक्‍ले।”

युहन्‍ना 1:11

होसको लहो न भर्मीको लेठाङ राहा, टर होसे भर्मीकै होसकोकी ग्रहण माजाटा।

युहन्‍ना 1:18

परमेश्‍वरकी सुयेर सेन्‍र माडाङ्‍ने। टर काट मट्‍टै मीजा होसको परमेश्‍वर हो होसको बोयौ खेरेप ले र होसकै न कानकी परमेश्‍वर चीन्‍डीयाक्‍ने।

युहन्‍ना 12:49

हीजैडेनाङ ङै ङाल्‍हौ बीचारै ङाक्‍च होइन, टर ङै ही डेकी पर्च हो र कुटजाट्‍न डेकी पर्च हो, होसे पट्‍ट न कुराको ङाकी बीर्‌न्‍हकाच बोये न ङाकी आज्ञा याछ हो।

युहन्‍ना 14:24

टर ङाकी माया माजाट्‍चकै ङौ शिक्षाकी मामन्‍डीले। नाखुरीकै सेच इसे बचन ङा लकीङ राछ होइन, टर ङाकी बीर्‌न्‍हकाच बोइ लकीङ न राछ हो।

युहन्‍ना 3:12

ङै नाखुरीककी इसे संसारौ कुराको डेनाङ च नाखुरीकै विश्‍वास माजाट्‍ले डेनाङ, ङै नाखुरीककी स्‍वर्गौ कुरा डेया डेनाङ झन कुटजाट्‍न विश्‍वास जाट्‍की य्‍होक्‍ले?

युहन्‍ना 3:13

स्‍वर्ग लकीङ झाल्‍न राछ भर्मीयो मीजा बाहेक अरु सुर ढेनाम स्‍वर्गाङ मानुङ्‍ने।

युहन्‍ना 3:3

येशूये होसकी डेया, “साँच्‍ची न ङा नाङ्‍की डेले, सुर नयाँ जाट्‍न माजन्‍मडीसा डेनाङ होचे परमेश्‍वरौ राज्‍यकी डाङ्‍की माय्‍होक्‍ले।”

युहन्‍ना 3:5

येशूये डेया, “साँच्‍ची न ङा नाकोकी डेले, डी र आत्‍मा लकीङ माजन्‍मडीस्‍ठर सुर परमेश्‍वरौ राज्‍याङ पर्‌की माय्‍होक्‍ले।

युहन्‍ना 5:43

ङा ङौ परमेश्‍वर बोयो म्‍यार्‌मीनाङ राम्‍हने, टर नाखुरीक ङाकी स्‍वीकार माजाट्‍ले। बरु सुर लहो म्‍यार्‌मीनाङ राहा डेनाङ, होसकी चहीँ स्‍वीकार जाट्‍ले।

युहन्‍ना 7:16

येशूये होखुरीककी डेया, “ङै पाहाक्‍च शिक्षा ङौ होइन, टर ङाकी बीर्‌न्‍हकाच परमेश्‍वर लकीङ राछ हो।

युहन्‍ना 8:14

येशूये होखुरीककी जवाफ याहा, “ङै ङाल्‍हौ न बारेयाङ गबाही यान्‍हाङ र ङै डेच कुरा सत्‍य हो, हीजैडेनाङ ङा कुटै राछ हो अनी कुला नुङ्‍ङ न ले, होसे ङाकी थाहा ले। टर नाखुरीककी चहीँ इसे कुरा थाहा माले।

युहन्‍ना 8:26

नाखुरीकुङ बारेयाङ ङै वास्‍टै कुराको डेकी ले र नाखुरीककी न्‍याय जाट्‍की ले। टर ङाकी बीर्‌न्‍हकाच सत्‍य ले, र होसको लकीङ ही सेया होसे कुरा मट्‍टै ङा संसारकी डेले।”

युहन्‍ना 8:38

ङा बोइखाटा लेनाङ ही कुरा डाङा, होसे न कुरा नाखुरीककी डेले। टर नाखुरीक चहीँ नाखुरीकुङ बोइ लकीङ सेच कुराको न जाट्‍ले।”

प्रेरित 22:18

होडीक बेला ङै प्रभुकी डाङा र होसकै ङाकी डेया, ‘छीटो जाटार यरूशलेमलकीङ नुङ्‍की क्‍योटो, हीजैडेनाङ ङौ बारेयाङ नीये याछ गबाही इलुङ भर्मीकै ग्रहण माजाट्‍ले।’