युहन्‍ना 21:20 - पुर्वीय मगर

²⁰ पत्रुसै न्‍हुङ्‍लाक ल्‍हेसार ङोस्‍नाङ येशूये माया जाट्‍च चेलाकी न्‍हुङ-न्‍हुङ राछै जाट्‍च डाङा। (होसे न चेला लेया नाबीलुङ भोजाङ येशूखाटा ठोन्‍हार, “ए प्रभु, नाकोकी घोवाक्‍ङ याछ सु हो?” डेयार गीनन्‍या।)

युहन्‍ना 21:20 ပူးပေါင်းရင်းမြစ်များ

मत्ती 26:46

अब सोनी, नुइङ। ङोस्‍नी, ङाकी घोवाक्‍च भर्मी खेरेप राम्‍हभ्‍यामने।”

युहन्‍ना 20:2

याङ्‍च डाङार मरीयम ल्‍हेसार खेर्‌चै सीमोन पत्रुस र येशूये माया जाट्‍च चेला लेठाङ नुङार डेया, “होखुरीकै प्रभुओ लासकी चीहान लकीङ डोनार आल्‍ल्‍हेसा! र होसकोकी कुला डामने, होसे कानकी थाहा माले।”

युहन्‍ना 21:21

होसकी डाङार पत्रुसै येशूकी गीना, “ए प्रभु, इच्यो चहीँ ही छान्‍ले नी?”

युहन्‍ना 21:24

इसे होसे न चेला हो, लहे डाङ्‌च पट्‍ट न कुराकुङ गबाही इला याम्‍हन ले, होचे न इसे कुराको रीका र होच्‍यौ गबाही सत्‍य हो डेयार कान वार्‌ल्‍हे।

युहन्‍ना 21:7

याङ्‍च डाङार येशूये माया जाट्‍च चेलै पत्रुसकी डेया, “होसको च प्रभु हो!” “होसको च प्रभु टी लेसा ट” डेच सेच बीट्‍टीकै सीमोन पत्रुस लहो डोनार डाच बढीन कम्‍बराङ छ्‍याकार टालाङ फाल ङापा।