युहन्‍ना 21:15 - पुर्वीय मगर

¹⁵ जब होखुरीकै ज्‍याम भ्‍या टब येशूये सीमोन पत्रुसकी गीना, “ए युहन्‍नौ मीजा सीमोन, ही नाङ ङाकी अरुकै डेनाङ वास्‍टै माया जाट्‍ले?” पत्रुसै होसकोकी डेया, “ज्‍यु प्रभु, ङा नाकोकी माया जाट्‍ले डेच कुरा नाकोकी थाहा ले।” येशूये होसकी डेया, “होटडेनाङ ङौ पाठाकोलाक नीये कास्‍की।”

युहन्‍ना 21:15 ပူးပေါင်းရင်းမြစ်များ

मत्ती 10:37

“सुये ङाकी डेनाङ वास्‍टै लहो मोइ-बोइकी माया जाट्‍ले, होसे ङौ चेला छान्‍की ज्‍योस्‍च माछान्‍ले। होटजाट्‍न न सुये ङाकी डेनाङ वास्‍टै लहो मीजाकोलाक माया जाट्‍ले, होसे र ङौ चेला छान्‍की ज्‍योस्‍च माछान्‍ले।

मत्ती 16:17

येशूये होसकी डेया, “ए योनौ मीजा सीमोन, नाङ कुडीक आसीसीट ले! इसे कुरा नीये भर्मीकै डेच सेयार डेच होइन, इसे च स्‍वर्गाङ लेच ङौ परमेश्‍वर बोये न नाङ्‍की टान्‍हाक्‍च हो।

मत्ती 18:10

“होसीयार छान्‍नी, नाखुरीकै इसे मार्‌जाको मध्‍याङ काट जनाकीर हेला माजाट्‍नी। ङा नाखुरीककी डेले, स्‍वर्गाङ लेच होखुरीकुङ डुटको सढैँ स्‍वर्गुङ ङौ बोयो म्‍याहासाङ ङुम ङुले।

मत्ती 26:33

पत्रुसै येशूकी डेया, “पट्‍टकै नाकोकी डासार भोग्‍डीस्‍नाङ र ङा चहीँ नाकोकी सेन्‍र माडास्‍ले।”

मत्ती 26:35

पत्रुसै होसकोकी जवाफ याहा, “नाकोखाटा सीकी पर्‌नाङ र ङा नाकोकी माचीन्‍डीले डेम इन्‍कार माजाट्‍ले।” अनी अरु पट्‍ट न चेलाकै र होटन डेया।

मर्कूस 14:29

अनी पत्रुसै येशूकी डेया, “पट्‍ट जना भोग्डीस्‍नाङ र ङा चहीँ माभोग्‍डीस्‍ले।”

लुका 12:32

येशूये चेलाकोलाक डेया, “ए मार्‌जा बगाल, माबीर्‍हीनी! हीजैडेनाङ परमेश्‍वर बोये मेखोल्‍हौ राज्‍यौ अधिकार नाखुरीककी याखी डेम मार्‍हाङ्‍नने।

लुका 22:32

टर नाकुङ विश्‍वास माम्‍हाट्‍ख्‍यौ डेयार ङै नाकुङ लागी प्रार्थना जाट्‍न याम्‍हे। फेरी विश्‍वासाङ बलीयो छानार नाकै लहो डाजे भाइकोलाक र बलीयो खास्‍नी।”

युहन्‍ना 1:42

अन्‍द्रियासै सीमोनकी येशू लेठाङ राका। येशूये सीमोनकी ङोसार डेया, “नाङ युहन्‍नौ मीजा सीमोन हो। नाङ्‍की केफास डेले।” (पत्रुस र केफास डेच म्‍यार्‌मीन काट न हो, इच्‍यो अर्थ चहीँ चट्‍टान हो।)

युहन्‍ना 13:37

पत्रुसै होसकोकी डेया, “प्रभु, ङा हीजै चाहाँ न नाकोकी डुट्‍की माय्‍होक्‍ले र? ङा नाकुङ लागी च सीकी र टयार ले।”

युहन्‍ना 16:27

हीजैडेनाङ बोइ मेखोलै न नाखुरीककी माया जाट्‍ले, हीजैडेनाङ नाखुरीकै ङाकी माया जाट्‍नने, अनी ङा परमेश्‍वर लकीङ राछ हो डेम नाखुरीकै विश्‍वास जाट्‍नने।

युहन्‍ना 21:12

अनी येशूये होखुरीककी डेया, “रान्‍ही र ज्‍यानी।” टर होडीक बेला कुसे चेलै र “नाको सु हो?” डेयार येशूकी गीन्‍च आट माजाटा। हीजैडेनाङ होखुरीकै होसको “प्रभु न हो” डेम चीन्‍डीम भ्‍यामन्‍या।

युहन्‍ना 21:7

याङ्‍च डाङार येशूये माया जाट्‍च चेलै पत्रुसकी डेया, “होसको च प्रभु हो!” “होसको च प्रभु टी लेसा ट” डेच सेच बीट्‍टीकै सीमोन पत्रुस लहो डोनार डाच बढीन कम्‍बराङ छ्‍याकार टालाङ फाल ङापा।

युहन्‍ना 8:42

येशूये होखुरीककी डेया, “इडीक परमेश्‍वर नाखुरीकुङ बोइ हो डेनाङ च नाखुरीकै ङाकी माया जाट्‍च लेया, हीजैडेनाङ ङा परमेश्‍वर लकीङ राछ हो। ङाल्‍हौ इच्‍छाङ राछ होइन, होसकै न ङाकी बीर्‌न्‍हकाच हो।

प्रेरित 20:28

नाखुरीक लहो लागी र लहो पट्‍ट न बगालौ लागी होसीयार छान्‍नी। पवित्र आत्‍मै नाखुरीककी बगालौ जीम्‍मेवारी खास्‍चबाटै परमेश्‍वरै लहो न मीजौ य्‍हुये लोच मण्‍डलीकी नाखुरीकै सेम्‍ह ङोस्‍की।

प्रेरित 20:29

हीजैडेनाङ ङाकी थाहा ले, ङा नुङ्‍च न्‍हुइङ बीर्‍हीमसेच ब्‍वाँसाको नाखुरीकुङ मीघ्‍याङ पर्‌ले, होखुरीकै बगालकी डुख याखी माडास्‍ले।

१ पट्‍रुस 1:8

नाखुरीकै येशू ख्रीष्‍टकी माडाङ्‌नाङ र प्रेम जाट्‍नने। होसकोकी नाखुरीकै माडाङ्‍ने र पनी होसको मीटाक विश्‍वास जाट्‍नने। अनी बयान न जाट्‍की माय्‍होक्‍च बाड्‍को महीमीत आनन्‍दये नाखुरीकुङ मीमन न्‍हेप्‍मने।

१ पट्‍रुस 2:2

चाम-चाम डीन्‍छ बालखै डुढ सोन्‍न्‍हाङ लेखा न नाखुरीक र परमेश्‍वरौ सत्‍य बचन गाकी मीमन जाट्‍नी, अनी होसे लकीङ नाखुरीक ल्‍होङ्‍ले र जीवाले।

१ पट्‍रुस 2:25

नाखुरीक बरालीस्‍न व्‍हाच भेडाको ल्‍याक्‍च न लेया, टर अब नाखुरीकुङ आत्‍मौ गोठ्‍ला र सुरक्षा जाट्‍च लेठाङ ल्‍हेस्‍न राम्‍हने।

१ युहन्‍ना 4:19

काल्‍हाको परमेश्‍वरकी प्रेम जाट्‍ले, हीजैडेनाङ पहीला होसकै न कानकी प्रेम जाटा।

१ युहन्‍ना 5:1

येशू न मुक्‍ति याछ ख्रीष्‍ट हो डेयार विश्‍वास जाट्‍चको पट्‍ट न परमेश्‍वरौ मीजाको हो। अनी बोइकी प्रेम जाट्‍चकै होसकुङ मीजाकी र प्रेम जाट्‍ले।