युहन्‍ना 20:31 - पुर्वीय मगर

³¹ टर इला इट डेयार रीक्‍ङने, होटबाटै येशू न मुक्‍ति याछ ख्रीष्‍ट, परमेश्‍वरौ मीजा हो डेम विश्‍वास जाट्‍ख्‍यौ। र होसकुङ म्‍यार्‌मीनाङ विश्‍वास जाटार सेन्‍र मासीच जीवन डुप्ख्‍यौ।

युहन्‍ना 20:31 ပူးပေါင်းရင်းမြစ်များ

मत्ती 16:16

सीमोन पत्रुसै डेया, “नाको जीवाच परमेश्‍वरौ मीजा मुक्‍ति याछ ख्रीष्‍ट हो।”

मत्ती 27:54

जब कप्‍तान र होसेखाटा येशूकी रुङ्‍च सीपाहीकै भुइँचालो नुङ्‍च र होला छान्‍न ङुच अरु घटनाको डाङा, टब साप्‍फी बीर्‍हीयार होखुरीकै डेया, “साँच्‍ची न, इसको च परमेश्‍वरौ मीजा लेसा!”

मत्ती 4:3

टब होडीक बेला येशू लेठाङ शैतान राहार डेया, “इडीक नाको परमेश्‍वरौ मीजा हो डेनाङ इसे ल्‍हुङकोलाक रोटो छान्‍ख्‍यो डेम आज्ञा जाट्‍नी।”

मर्कूस 16:16

विश्‍वास जाटार बप्‍तिस्‍मा लाचये उडार डुप्‍ले, टर विश्‍वास माजाट्‍च चहीँ दोषी ठहरीस्‍ले।

लुका 1:35

स्‍वर्गदूतै डेया, “पवित्र आत्‍मा नाको लेठाङ राल्‍हे, होटै सर्वोच्‍चौ शक्‍तियो छाया नाको मीटाक पर्‌ले। होटबाटै नाकै डीन्‍छ बालख पवित्र छान्‍ले र होसकोकी न परमेश्‍वरौ मीजा डेले।

लुका 1:4

होटबाटै नाकोये सेच कुराकुङ पट्‍ट सत्‍यता नाकोकी थाहा छान्‍ख्‍यो।

लुका 24:47

होटै यरूशलेम लकीङ सुरु जाटार पट्‍टन जाटीयुङ भर्मीकोलाक होसकुङ म्‍यार्‌मीनाङ पापको डासार परमेश्‍वर पट्‌टी ल्‍हेस्‍की र पापौ क्षमा बारेयाङ सेटाक्‍की पर्‌ले।

युहन्‍ना 1:49

नथानेलै डेया, “गुरु, नाको च परमेश्‍वरौ मीजा हो, नाको इस्राएलुङ राजा हो!”

युहन्‍ना 10:10

खुस च खुसकी, साट्‍की र नास जाट्‍की मट्‍टै राल्‍हे। टर ङा चहीँ नाखुरीकै जीवन डुप्‍ख्‍यौ, होसे परसस्‍ट जाट्‍न डुप्‍ख्‍यौ डेयार राछ हो।

युहन्‍ना 19:35

(नाखुरीकै र विश्‍वास जाट्‍की य्‍होक्‍नी डेयार इसे घटनाको डाङ्‍चये डेच हो र होचे याछ गबाही सत्‍य ले।)

युहन्‍ना 20:28

ठोमै येशूकी डेया, “ए ङौ प्रभु, र ङौ परमेश्‍वर!”

युहन्‍ना 3:18

सु-सुये होसको मीटाक विश्‍वास जाट्‍ले, होखुरीक दोषी माठहरीस्‍ले, टर विश्‍वास माजाट्‍चको चहीँ अघीलकीङ न दोषी ठहरीस्‍नने, हीजैडेनाङ होखुरीकै परमेश्‍वरौ काट मट्‍टै मीजौ म्‍यार्‌मीनाङ विश्‍वास माजाट्‍नने।

युहन्‍ना 3:36

सु-सुये परमेश्‍वरौ मीजा मीटाक विश्‍वास जाट्‍ले होखुरीकै सेन्‍र मासीच जीवन डुप्‍ले। टर मीजौ आज्ञा मामन्‍डीचकै चहीँ होसे जीवन माडुप्‍ले, टर परमेश्‍वरौ मीरीस होखुरीक मीटाक ङुम न ङुले।

युहन्‍ना 5:24

“साँच्‍ची न, ङा नाखुरीककी डेले, सुये ङौ बचन सेले र ङाकी बीर्‌न्‍हकाचकी विश्‍वास जाट्‍ले, होसेखाटा सेन्‍र मासीच जीवन ले। होसे न्‍यायौ डीनाङ दोषी माठहरीस्‍ले, टर होसे सीच लकीङ सेन्‍र मासीच जीवनाङ सरीस्‍न भ्‍याच छान्‍ले।

युहन्‍ना 6:40

हीजैडेनाङ ङौ बोयो इच्‍छा इसे न हो, मीजाकी ङोस्‍च र होसे मीटाक विश्‍वास जाट्‍च पट्‍टकै सेन्‍र मासीच जीवन डुप्‍ख्‍यौ, र ङा होखुरीककी अन्‍टीम डीनाङ सीच लकीङ जीवाटाक्‍ले।”

प्रेरित 10:43

पट्‍ट अगमवक्‍ताकै र होसकुङ बारेयाङ इट डेयार गबाही याम्‍हने होसको मीटाक विश्‍वास जाट्‍चको पट्‍टये होसकुङ म्‍यार्‌मीनाङ पाप-क्षमा डुप्‍ले।”

प्रेरित 3:16

येशूकी विश्‍वास जाट्‍च बाटै इसे लङ्‍गडै बल डुपा। होसकुङ म्‍यार्‌मीन लकीङ होच्‍यौ मीमनाङ विश्‍वास राहा। इच्यौ विश्‍वासै जाट्‍न अब नाखुरीकै न डाङ्‍च र चीन्‍डीच इसे भर्मी गेप्‍च नाखुरीकै डाङ्‍ङन ले।

प्रेरित 8:36

होटै होखुरीक लामाङ नुङ्‍नाङ-नुङ्‍नाङ न डी लेच ठावाङ टाहा। अनी होसे नपुङ्‌सकै फीलीपकी डेया, “ङोस्‍नी, इला डी लेसा, अब ङाकी बप्‍तिस्‍मा लाकी हीये रोक्‍डीकी य्‍होक्‍ले?”

प्रेरित 8:37

[फीलीपै होसकी डेया, “इडीक नाको रीदयलकीङ न विश्‍वास जाट्‍ले डेनाङ नाकै बप्‍तिस्‍मा लाकी य्‍होक्‍ले।” होचे जवाफ याहा, “येशू ख्रीष्‍ट न परमेश्‍वरौ मीजा हो डेम ङा विश्‍वास जाट्‍ले।”]

प्रेरित 9:20

तुरुन्‍तै होचे सभा ङुच इमकोवाङ नुङार “येशू न परमेश्‍वरौ मीजा हो” डेम प्रचार जाट्‌की ठाला।

१ पट्‍रुस 1:9

हीजैडेनाङ नाखुरीकै होसको मीटाक विश्‍वास जाट्‍च बाटै नाखुरीकुङ आत्‍मै मुक्‍ति डुप्‍मने।

१ युहन्‍ना 4:15

सुये येशूकी परमेश्‍वरौ मीजा हो डेयार सुइकार जाट्‍ले, होसेखाटा परमेश्‍वर ङुले, अनी होसे र परमेश्‍वर खाटा ङुले।

१ युहन्‍ना 5:1

येशू न मुक्‍ति याछ ख्रीष्‍ट हो डेयार विश्‍वास जाट्‍चको पट्‍ट न परमेश्‍वरौ मीजाको हो। अनी बोइकी प्रेम जाट्‍चकै होसकुङ मीजाकी र प्रेम जाट्‍ले।

१ युहन्‍ना 5:20

अनी परमेश्‍वरौ मीजा राहा र होसकै कानकी साँचो परमेश्‍वरकी चीन्‍डीच ज्ञान याहा। इसे कुरा कानकी थाहा ले। कान होसकुङ मीजा येशू ख्रीष्‍ट खाटा लेचबाटै साँचो परमेश्‍वर खाटा ले। होसको न साँचो परमेश्‍वर र सेन्‍र मासीच जीवन याछ हो।

२ युहन्‍ना 1:9

ख्रीष्‍टौ शिक्षाकी डासार बाहीरुङ अरु कुरा पट्‍टी लक्‍डीस्‍च भर्मीखाटा परमेश्‍वर माङुले। टर होसकुङ शिक्षा माडास्‍न ङुच खाटा चहीँ बोइ र मीजा नीस न ङुले।