युहन्‍ना 20:2 - पुर्वीय मगर

² याङ्‍च डाङार मरीयम ल्‍हेसार खेर्‌चै सीमोन पत्रुस र येशूये माया जाट्‍च चेला लेठाङ नुङार डेया, “होखुरीकै प्रभुओ लासकी चीहान लकीङ डोनार आल्‍ल्‍हेसा! र होसकोकी कुला डामने, होसे कानकी थाहा माले।”

युहन्‍ना 20:2 ပူးပေါင်းရင်းမြစ်များ

युहन्‍ना 13:23

अनी येशूये माया जाट्‍च चेला चहीँ येशूखाटा ठोन्‍न्‍ह ङुमन्‍या।

युहन्‍ना 19:26

येशूये लहो मोइ र लहे माया जाट्‍च चेलाकी खेरेप टोङ्‌ह ङुच डाङार होसकै लहो मोइकी डेया, “मोइ, ङोस्‍नी ट, नाकुङ मीजा उ होसे न हो।”

युहन्‍ना 20:13

होसे स्‍वर्गदूतकै मरीयमकी गीना, “ए मास्‍टो भर्मी नाको हीजै राप्‍च?” होचे होखुरीककी डेया, “होखुरीकै ङौ प्रभुकी आल्‍ल्‍हेसा, अनी होसकोकी कुला डामने, ङाकी थाहा माले।”

युहन्‍ना 20:15

येशूये मरीयमकी गीना, “ए मास्‍टो भर्मी, नाको हीजै राप्‍म ङुच? नाकै सुकी पामनले?” होचे होसकोकी बगैँचाङ काम जाट्‍च भर्मी औँला डेम आर्‌मीटार डेया, “हजुर, नाकै येशूकी इटै आल्‍न्‍हने डेनाङ ङाकी डेम यान्‍ही, नाकै कुला डामने, ङा नुङार होसकुङ लासकी आल्‍ल्‍हे।”

युहन्‍ना 20:9

(होखुरीकै येशू सीचलकीङ जीवाम सोकी न पर्‌ले डेम धर्मशास्‍त्राङ रीक्‍च बचन चाँहासम्‍म माबुझडीस्‍नन्‍या।)

युहन्‍ना 21:20

पत्रुसै न्‍हुङ्‍लाक ल्‍हेसार ङोस्‍नाङ येशूये माया जाट्‍च चेलाकी न्‍हुङ-न्‍हुङ राछै जाट्‍च डाङा। (होसे न चेला लेया नाबीलुङ भोजाङ येशूखाटा ठोन्‍हार, “ए प्रभु, नाकोकी घोवाक्‍ङ याछ सु हो?” डेयार गीनन्‍या।)

युहन्‍ना 21:24

इसे होसे न चेला हो, लहे डाङ्‌च पट्‍ट न कुराकुङ गबाही इला याम्‍हन ले, होचे न इसे कुराको रीका र होच्‍यौ गबाही सत्‍य हो डेयार कान वार्‌ल्‍हे।

युहन्‍ना 21:7

याङ्‍च डाङार येशूये माया जाट्‍च चेलै पत्रुसकी डेया, “होसको च प्रभु हो!” “होसको च प्रभु टी लेसा ट” डेच सेच बीट्‍टीकै सीमोन पत्रुस लहो डोनार डाच बढीन कम्‍बराङ छ्‍याकार टालाङ फाल ङापा।