युहन्‍ना 20:1 - पुर्वीय मगर

¹ हप्‍टौ पहीलो डीन आइतबार गोराक न झीसमीसाङ मरीयम मग्‍डलीनी येशूओ लास डाच चीहानाङ नुङा। होला टान्‍हाङ चीहानौ मेङेर हुप्‍च ल्‍हुङ चीहानीङ सारीम डाच डाङा।

युहन्‍ना 20:1 ပူးပေါင်းရင်းမြစ်များ

मत्ती 27:56

होखुरीक मध्‍याङ मरीयम मग्‍डलीनी, याकुब र योसेफौ मोइ मरीयम, र जब्‍डीयौ नीस लेन्‍जा मीजाकुङ मोइ र लेया।

मत्ती 27:60

अनी होचे चट्‍टान खोप्‍डीयार लहो लागी खास्‍न डाच नयाँ चीहानाङ होसे लास डा, र चीहानौ मेङेराङ काट बाड्‍को ल्‍हुङ गुड्‍कडीम आल्‍हार ठुनार होटै होसे व्‍हा।

मत्ती 27:64

होटबाटै सोम याक सम्‍म होसे चीहान सेम्‍ह रुङ्‍की डेम आदेश जाट्‍न यान्‍ही। नभा च होच्‍यौ चेलाकै होसे लास खुस्‍न आल्‍हार होसको च जीवाम सोमने डेयार भर्मीकोलाक आडेइ। इसे अन्‍टीम ढोका अघीयुङ डेनाङ अझै मासेछ छान्‍ले।”

मत्ती 27:66

टब होखुरीक नुङार चीहानुङ गालामाङ मोहोर छाप का, र सीपाहीकोलाक रुङ्‍की खटडीया।

मत्ती 28:1

म्‍हुङ बाट्‍च डीनौ पीउर्‍हाक लेखो आइतबार झीसमीसाङ न मरीयम मग्‍डलीनी र अर्‌को मरीयम येशूकी डाच चीहान ङोस्‍की नुङा।

मत्ती 28:2

होडीक बेला मोसोमायाङ बाड्‍को भुइँचालो नुङा, हीजैडेनाङ स्‍वर्ग लकीङ प्रभु परमेश्‍वरौ काट दूत म्‍हाका झाल्‍न राहार चीहानुङ ल्‍हुङ्‍की सारीया र होसे मीटाक ङुवा।

मर्कूस 15:46

योसेफै मजुङ सुटी बढीन लोम राका र येशूओ लासकी क्रूसीङ झालाका होटै होसे न बढीनै आर्‌फोका र ल्‍हुङ खोप्‍डीयार खास्‍न डाच चीहानाङ डा। होटै बाड्‍को ल्‍हुङ गुड्‍कडीयार चीहानौ मेङेर ठुन्‍न याहा।

मर्कूस 16:9

[होटै हप्‍टौ पहीलो डीनौ गोराक न येशू सीच लकीङ जीवाम सोरखीङ होसको पहीला मरीयम मग्‍डलीनी लेठाङ डाङा। होसे लकीङ येशूये साट वटा भूत्‍को छ्‍युक्‍ङन्या।

युहन्‍ना 11:38

येशू फेरी रीडयाङ सार्‍है न ब्‍याकुल छानार चीहानाङ नुङा। होसे चीहान काट ओडाराङ लेया, र होच्‍यौ मेङेर काट बाड्‍को ल्‍हुङै हुप्‍मन्‍या।

युहन्‍ना 11:41

होटै न्‍हुइङ होखुरीकै चीहानौ मेङेरुङ ल्‍हुङ हटडीम याहा, अनी येशूये ढेम्‍लाक ङोसार डेया, “ए परमेश्‍वर बोइ, ङा नाकोकी धन्‍यवाद याल्‍हे, हीजैडेनाङ नाकै ङौ बिन्‍ती सेम याहा।

युहन्‍ना 19:25

येशूकी टङ्‍गडीच क्रूसौ खेरेप होसकुङ मोइ, मोयो बहीनी, क्‍लोपासौ मास्‍टो मरीयम अनी मरीयम मग्‍डलीनी टोङ्‍ह ङुमन्‍या।

युहन्‍ना 20:26

काट हप्‍ता न्‍हुइङ चेलाको फेरी काट इमाङ जम्‍मा छाना। इडीक बेला चहीँ थोमा र होखुरीक खाटा न लेया। पट्‍ट न गालामाङ आग्‍ला कामन्‍या टर येशू होखुरीकुङ मीघ्‍याङ राहार डेया, “नाखुरीककी शान्‍ति!”

प्रेरित 20:7

हप्‍टौ पहीलो डीन जब कान र अरु विश्‍वासीको प्रभुभोज ज्‍याकी भेला छाना, टब पावलै चहीँ पीउर्‍हाक लेखो नुङ्‍च मीमन जाट्‍च बाटै, होखुरीक खाटा आढाराट सम्‍म गफ जाट्‍न ङुवा।