युहन्‍ना 2:22 - पुर्वीय मगर

²² जब येशू सीच लकीङ जीवाम सोवा, टब होसकै डेच इसे कुरा चेलाकै आर्‌मीटा, र होखुरीकै धर्मशास्‍त्र मीटाक र येशूये ङाक्‍च बचन मीटाक विश्‍वास जाटा।

युहन्‍ना 2:22 ပူးပေါင်းရင်းမြစ်များ

लुका 24:26

ही मुक्‍ति याछ ख्रीष्‍टै इसे डुखको भोक्‍डीकी होटै लहो महीमाङ नुङ्‍की आबसेक मालेया र?”

लुका 24:44

होसकै होखुरीककी डेया, “ङै नाखुरीक खाटा लेनाङ डेच कुराको इसे न हो। ‘ङौ बारेयाङ मोशौ व्‍यवस्‍था, अगमवक्‍ताकुङ कीताब र भजन सङ्‌गरहाङ रीक्‍च पट्‍ट कुराको ओल्‍खी न पर्‌ले’ डेम नाखुरीक खाटा ङै डेमन्‍या।”

युहन्‍ना 12:16

होडीक बेला चहीँ येशूओ चेलाकै इसे घटनौ बारेयाङ माबुझडीसा। टर येशू सीचलकीङ जीवाम सोवार स्‍वर्गौ महीमाङ ल्‍हेस्‍न भ्‍यारखीङ मट्‍टै होखुरीकै इसे पट्‍ट न कुराको होसकुङ बारेयाङ रीक्‍ङन्‍या, र होसे भर्मीकै होसकुङ लागी इसे पट्‍ट न काम जाट्‍च लेसा डेयार बुझडीसा।

युहन्‍ना 14:26

टर बोये ङौ म्‍यार्‌मीनाङ बीर्‌न्‍हकाच सल्‍हाकार पवित्र आत्‍मै नाखुरीककी पट्‍ट न कुरा पाहाक्‍ले र ङै नाखुरीककी डेच पट्‍ट न कुराको आर्‌मीटाक्‍ङ याल्‍हे।

युहन्‍ना 16:4

टर इसे कुराको ङै नाखुरीककी डेमने, जब होसे समय राल्‍हे, टब नाखुरीककी ङै ही डेमन्‍या होसे नाखुरीकै आर्‌मीट्‍ले। पहीला ङै नाखुरीककी इसे कुराको माडेया, हीजैडेनाङ ङा नाखुरीक खाटा न लेया।

युहन्‍ना 2:11

येशूये जाट्‍च अचम्‍मौ चीन्‍हको मढ्‍याङ इसे पहीलो चीन्‍ह होसकै गालीलुङ काना सहराङ जाट्‍च हो। इटजाट्‍न होसकै लहो महीमा टान्‍हाका, र होसकुङ चेलाकै होसको मीटाक विश्‍वास जाटा।

युहन्‍ना 2:17

टब होडीक बेला होसकुङ चेलाकै धर्मशास्‍त्राङ रीक्‍च इसे कुरा आर्‌मीटा, “ए परमेश्‍वर नाकुङ इमौ जोसै ङाकी भीत्री म्‍हेयै लेखा न सीकाक्‍ले।”

युहन्‍ना 2:2

येशू र मेकुङ चेलाकोलाक र होसे ब्‍याहाङ आर्‌घामन्‍या।

प्रेरित 11:16

टब प्रभुये डेच होसे बचन ङै आर्‌मीटा, ‘युहन्‍नै च डीये बप्‍तिस्‍मा याहा टर नाखुरीकुङ चहीँ पवित्र आत्‍माङ बप्‍तिस्‍मा छान्‍ले।’

प्रेरित 13:33

कुटजाट्‍न परमेश्‍वरै येशूकी सीच लकीङ जीवाकार सोटा। होसे कुरा काल्‍हा, होखुरीकुङ सन्‍टानौ लागी पुरा जाट्‍न याहा, भजनसंग्रह नीसाङ रीक्‍ङने, ‘नाङ ङौ लेन्‍जा मीजा हो, छीनी ङै नाङ्‍की डीनन्‍हने।’