युहन्‍ना 2:19 - पुर्वीय मगर

¹⁹ येशूये होखुरीककी डेया, “इसे परमेश्‍वरौ मन्‍दिरकी भट्‍कडीनी, अनी ङा इसकी फेरी सोम याकाङ खास्‍न याल्‍हे।”

युहन्‍ना 2:19 ပူးပေါင်းရင်းမြစ်များ

मत्ती 12:40

हीजैडेनाङ कुटजाट्‍न योना काट बाड्‍को डीस्‍यौ मीटुकाङ सोम याक र सोम राट ङुकी पर्‌न्‍या, होटजाट्‍न न भर्मीयो मीजा र पृथ्‍वीयो गर्भ भीत्री सोम याक र सोम राट ङुकी पर्‌ले।

मत्ती 16:21

होसको कुटजाट्‍न यरूशलेमाङ नुङ्‍की पर्‌ले अगुवाको, मुख्‍य पुजाहारीको र धर्मगुरुकुङ मीहुटीङ वास्‍टै कष्‍ट भोग्‍डीकी पर्‌ले, होसकोकी साट्‍ले टर सोमयाकाङ जीवाम सोले डेच कुरा होसनीक लकीङ येशूये लहो चेलाकोलाक डेकी ठाला।

मत्ती 27:40

र डेया, “ए नाङ, मन्‍दिर भट्‍कडीयार सोमयाकाङ खास्‍की य्‍होक्‍ले डेच, इडीक नाङ परमेश्‍वरौ मीजा हो डेनाङ नाङ्‍ल्‍हाकी जीवाको र क्रूसीङ झालार म्‍हाका रान्‍हा।”

मत्ती 27:63

र होखुरीकै डेया, “हजुर, होसे ठगाहै जीउडै लेनाङ, ‘ङा सोम याकाङ फेरी जीवार सोले’ डेच कुरा कानै आर्‌मीट्‍न ने।

मर्कूस 14:58

“इचे इट डेच कानै सेया, ‘भर्मीयो मीहुटै खास्‍च इसे मन्‍दिरकी ङा भट्‍कडीले र भर्मी बीना न अर्‌को मन्‍दिर ङा सोम याकाङ न खास्‍ले।’”

मर्कूस 15:29

होसे लाम छान्‍चै नुङ्‍च भर्मीकै मीटालु होयोक्‍चै येशूकी गील्‍ला जाट्‍चै डेया, “ङोस्‍नी ट! होसे न होइन परमेश्‍वरौ मन्‍दिर भट्‍कडीयार सोम याकाङ न खास्‍की य्‍होक्‍ले डेच,

मर्कूस 8:31

येशूये मेखोल्‍हौ बारेयाङ चेलाकोलाक इटजाट्‍न डेया, “भर्मीयो मीजै साप्फी डुख भोग्‍डीकी पर्‌ले। अगुवा, मुख्‍य पुजाहारीको र धर्मगुरुकै इन्‍कार जाट्‍ले र साट्‍ले टर सोम याकाङ जीवाम सोले।”

युहन्‍ना 11:25

येशूये मार्‌ठाकी डेया, “सीच लकीङ जीवाक्‍च र जीवन याछ ङा न हो। ङाकी विश्‍वास जाट्‍चको सीनाङ र जीवाले।

युहन्‍ना 5:19

येशूये होखुरीककी डेया, “साँच्‍ची न ङा नाखुरीककी डेले, मीजा लहे न हीर जाट्‍की माय्‍होक्‍ले, टर परमेश्‍वर बोये ही जाट्‍च डाङ्‍ले, होचे होसे मट्‍टै जाट्‍ले। हीजैडेनाङ बोये ही जाट्‍ले, मीजै र होट न जाट्‍ले।

प्रेरित 2:24

“टर होसकोकी परमेश्‍वरै मृत्‍युओ कष्‍ट लकीङ छुटकारा याहार जीबीट खासा। हीजैडेनाङ मृत्‍युओ अधिनाङ होसको ङुम ङुकी असम्‍भव लेया।

प्रेरित 2:32

“अब इसे न येशूकी परमेश्‍वरै सीच लकीङ जीवाका र इसे कुरौ कान पट्‍ट जना साक्षी ले।

प्रेरित 3:15

र जीवन याछकी चहीँ नाखुरीकै साटा। टर होसकोकी परमेश्‍वरै सीच लकीङ जीवाक्‍ङ ने र इसे कुरौ कान साक्षी ले।

प्रेरित 3:26

नाखुरीक पट्‌ट कोलाक लहो दुष्‍ट कामको लकीङ ल्‍हेटाकार नाखुरीककी आसीस याखी डेम परमेश्‍वरै लहो सेवक येशूकी चुन्‍डीयार नाखुरीक इस्राएलुङ भर्मीको लेठाङ पहीला बीर्‌न्‍हकाच हो।”

प्रेरित 6:14

हीजैडेनाङ इचे इट डेच कानै सेया, ‘नासरतौ येशूये इसे ठाउँकी नास जाट्‍ले र मोशै कानकी याछ रीतिथितिकी र बदलीम याल्‍हे।’”

१ पट्‍रुस 3:18

हीजैडेनाङ ख्रीष्‍ट सधैँभरीकी ओल्‍छ जाट्‍न पापौ लागी काट चोटी सीम याहा। नाखुरीककी परमेश्‍वर लेठाङ टाहाक्‍की पापी मालेनाङ र पापीकुङ लागी सीम याहा। होसको भर्मीयो शरीराङ सीया, टर पवित्र आत्‍मा लकीङ जीउँडो छाना।