युहन्‍ना 19:6 - पुर्वीय मगर

⁶ जब मुख्‍य पुजाहारी र परमेश्‍वरौ मन्‍दिरकी पहरा याछ सीपाहीकै येशूकी डाङा टब होखुरीकै च्‍याक्‍चै डेया, “होसकी क्रूसाङ टङ्‍गडीनी! होसकी क्रूसाङ टङ्‍गडीनी!” पिलातसै होखुरीककी डेया, “नाखुरीकै न इसकी आल्‍हार क्रूसाङ टङ्‍गडीनी। हीजैडेनाङ ङै च इसे खाटा दण्‍ड याखी पर्च दोष हीर माडुपा।”

युहन्‍ना 19:6 ပူးပေါင်းရင်းမြစ်များ

मत्ती 26:58

पत्रुस चहीँ पारी-पारीङ न येशूकी डुट्‍चै प्रधान पुजाहारीयो इमौ आर्‌भासम्‍म न टाहा। अब होला ही छान्‍च हो डेम ङोस्‍की होसे भीत्री पर्‌यार पालेको खाटा ङुवा।

मत्ती 27:22

अनी पिलातसै होखुरीककी डेया, “ङा मुक्‍ति याछ ख्रीष्‍ट डेच येशूकी चहीँ ही जाटीङ ट?” होखुरीक पट्‍टकै च्‍याकार डेया, “होसे क्रूसाङ टङ्‍गडीख्‍यौ!”

मत्ती 27:24

टर पिलातसै हीर सीप मालग्‍डीस्‍च डाङार, खैलाबैला मच्‍चडीस्‍ले डेम होचे डी लार भीडौ म्‍याहासाङ मेन मीहुट हुरार डेया, “इसे भर्मीकी साट्‍च दोष ङाकी होइन टर नाखुरीककी न लक्‍डीस्‍ख्‍यो।”

लुका 23:4

होटै पिलातसै मुख्‍य पुजाहारीको र भीडकोलाक डेया, “ङै इसे भर्मीयाङ हीर दोष माडुपा।”

युहन्‍ना 18:3

टब होडीक न बेला मुख्‍य पुजाहारीको र फरीसीकै बीर्‌न्‍हकाच कुडीक जना रोमी सीपाहीको, परमेश्‍वरौ मन्‍दिराङ पहरा याछकोलाक लार यहूदास होसे बगैँचा भीत्री पर्‌या। होखुरीकै मीहुटाङ हतियारको, राँको र बट्‍टी बुमन्‍या।

युहन्‍ना 18:31

होटै पिलातसै होखुरीककी डेया, “इसे भर्मीकी आल्‍न्‍ही र नाखुरीकुङ लहो व्‍यवस्‍था अनुसार इसकी न्‍याय जाट्‍नी।” यहूदी अगुवाकै डेया, “कानकी च भर्मी साट्‍च अधिकार माले।”

युहन्‍ना 18:38

पिलातसै येशूकी गीना, “सत्‍य चहीँ ही हो ट?” इडीक गीनार पिलातसै बाहीर ख्‍योहार यहूदी अगुवाकोलाक डेया, “ङै च इसे भर्मीयाङ दण्‍ड याखी पर्च दोष हीर माडुपा।

युहन्‍ना 19:15

टर होखुरीक इट डेचै च्‍याका, “आल्‍न्‍ही, आल्‍न्‍ही, होसकी क्रूसाङ टङ्‍गडीनी!” पिलातसै होखुरीककी गीना, “ही ङा साँच्‍ची न नाखुरीकुङ राजाकी क्रूसाङ टङ्‍गडीकी लैडीइङ ट?” मुख्‍य पुजाहारीकै डेया, “कैसर बाहेक कानुङ अरु राजा माले।”

युहन्‍ना 19:4

पिलातसै फेरी बाहीर ख्‍योव्‍हार भर्मीकुङ भीडकी डेया, “ङोस्‍नी, ङै इसे भर्मीयाङ दण्‍ड याखी पर्च हीर दोष माडुपा। होटबाटै इसे कुरा नाखुरीककी थाहा छान्‍की पर्‌ले डेयार ङै इसकी नाखुरीकलेठाङ बाहीर राक्‍ङने।”

प्रेरित 2:23

परमेश्‍वरै ठहरीच निश्‍चित योजना चहीँ होसकोकी अगाडी लकीङ न थाहा लेया होसे अनुसार न येशूकी नाखुरीकुङ मीहुटाङ जीम्‍मा याहा। अनी नाखुरीकै होसकोकी अधर्मी भर्मीकुङ मीहुटाङ याहा र क्रूसाङ टङ्‍गडीयार साटा।

प्रेरित 7:52

र अगमवक्‍ताको मढ्‍याङ कुसे चहीँकी नाखुरीकुङ बोइ-बाज्‍युकै मासटडीम्‍या र? होखुरीकै परमेश्‍वरौ पवित्र जन राम्‍हन ले डेम अघीलकीङ न घोसना जाट्‍च अगमवक्‍ताकोलाक समेट साटा। अनी नाखुरीकै राछ पवित्र जनकी ढोका याहार साटा। अब नाखुरीक चहीँ होसकुङ ज्‍यानमारा छान्‍ले।