युहन्‍ना 19:4 - पुर्वीय मगर

⁴ पिलातसै फेरी बाहीर ख्‍योव्‍हार भर्मीकुङ भीडकी डेया, “ङोस्‍नी, ङै इसे भर्मीयाङ दण्‍ड याखी पर्च हीर दोष माडुपा। होटबाटै इसे कुरा नाखुरीककी थाहा छान्‍की पर्‌ले डेयार ङै इसकी नाखुरीकलेठाङ बाहीर राक्‍ङने।”

युहन्‍ना 19:4 ပူးပေါင်းရင်းမြစ်များ

मत्ती 27:19

होटै पिलातस न्‍याय जाट्‍च ठावाङ ङुच बेलाङ होच्‍यो मास्‍टोये इट डेयार खबर याम्‍हका, “होसे निर्दोष भर्मीकी हीर माजाट्‍नी, हीजैडेनाङ छीनी नाबीक माङ्‍नामाङ होच्‍यौ कारनै ङै वास्‍टै डुख भोग्‍डीमने।”

मत्ती 27:24

टर पिलातसै हीर सीप मालग्‍डीस्‍च डाङार, खैलाबैला मच्‍चडीस्‍ले डेम होचे डी लार भीडौ म्‍याहासाङ मेन मीहुट हुरार डेया, “इसे भर्मीकी साट्‍च दोष ङाकी होइन टर नाखुरीककी न लक्‍डीस्‍ख्‍यो।”

मत्ती 27:4

र डेया, “ङै निर्दोष भर्मीकी घोवाकार ढोका याम्‍ह पाप जाट्‍नने।” टर होखुरीकै डेया, “कानकी ही खाँचो? इसे नुओ न कुरा हो।”

मत्ती 27:54

जब कप्‍तान र होसेखाटा येशूकी रुङ्‍च सीपाहीकै भुइँचालो नुङ्‍च र होला छान्‍न ङुच अरु घटनाको डाङा, टब साप्‍फी बीर्‍हीयार होखुरीकै डेया, “साँच्‍ची न, इसको च परमेश्‍वरौ मीजा लेसा!”

लुका 23:4

होटै पिलातसै मुख्‍य पुजाहारीको र भीडकोलाक डेया, “ङै इसे भर्मीयाङ हीर दोष माडुपा।”

लुका 23:41

कानै च मासेछ काम जाट्‍च बाटै दण्‍ड डुप्‍नने। टर होसकै च हीर मासेछ काम माजाट्‍ने।”

लुका 23:47

इसे पट्‍ट न घटना डाङार कप्‍तानै परमेश्‍वरौ महीमा जाट्‍चै डेया, “साँच्‍ची न इसे भर्मी धर्मी लेया।

युहन्‍ना 18:33

पिलातस दरबार भीत्री ल्‍हेस्‍न नुङा, र येशूकी आर्‌घार गीना, “ही नाको यहूदीकुङ राजा हो?”

युहन्‍ना 18:38

पिलातसै येशूकी गीना, “सत्‍य चहीँ ही हो ट?” इडीक गीनार पिलातसै बाहीर ख्‍योहार यहूदी अगुवाकोलाक डेया, “ङै च इसे भर्मीयाङ दण्‍ड याखी पर्च दोष हीर माडुपा।

युहन्‍ना 19:6

जब मुख्‍य पुजाहारी र परमेश्‍वरौ मन्‍दिरकी पहरा याछ सीपाहीकै येशूकी डाङा टब होखुरीकै च्‍याक्‍चै डेया, “होसकी क्रूसाङ टङ्‍गडीनी! होसकी क्रूसाङ टङ्‍गडीनी!” पिलातसै होखुरीककी डेया, “नाखुरीकै न इसकी आल्‍हार क्रूसाङ टङ्‍गडीनी। हीजैडेनाङ ङै च इसे खाटा दण्‍ड याखी पर्च दोष हीर माडुपा।”

१ पट्‍रुस 1:19

टर नाखुरीककी ख्रीष्‍टौ बहुमुल्‍य य्‍हुये छुटकारा याहा। होसको हीर दोष मालेच र नीस्‍खोट भेडौ थुमा ल्‍याक्‍च न लेया।

१ पट्‍रुस 2:22

होसकै हीर पाप माजाटा, र होसकुङ मेङेरीङ काट र झुटो कुरा ङाक्‍च मासेया।

१ पट्‍रुस 3:18

हीजैडेनाङ ख्रीष्‍ट सधैँभरीकी ओल्‍छ जाट्‍न पापौ लागी काट चोटी सीम याहा। नाखुरीककी परमेश्‍वर लेठाङ टाहाक्‍की पापी मालेनाङ र पापीकुङ लागी सीम याहा। होसको भर्मीयो शरीराङ सीया, टर पवित्र आत्‍मा लकीङ जीउँडो छाना।

१ युहन्‍ना 3:5

नाखुरीककी थाहा ले की कानुङ पाप मेट्‍डीकीयो लागी न ख्रीष्‍ट संसाराङ राहा। होसको खाटा पाप न माले।