युहन्‍ना 19:38 - पुर्वीय मगर

³⁸ होटै न्‍हुइङ होला अरीमाठीयुङ योसेफ म्‍यार्‌मीन लेच काट जना चेला लेया। यहूदी अगुवाको खाटा बीर्‍हीयार होचे सुयेर थाहा माडुप्‍च जाट्‍न येशूकी विश्‍वास जाट्‍नन्‍या। होचे येशूओ सीच लास आल्‍खी डुपीङ डेयार पिलातसखाटा ङेहा। पिलातसै र “छान्‍ले, आल्‍हो” डेया। होटै योसेफ नुङार येशूओ लास क्रूसीङ झालाकार आल्‍हा।

युहन्‍ना 19:38 ပူးပေါင်းရင်းမြစ်များ

युहन्‍ना 12:42

र पनी वास्‍टै यहूदी अगुवाकै येशूमीटाक विश्‍वास जाटा। टर फरीसीको खाटा होखुरीक बीर्‍हीछ बाटै लहे जाट्‍च विश्‍वासौ बारेयाङ सुकीर माडेया, हीजैडेनाङ अरुकै इसे कुरा थाहा डीन्‍छ लेनाङ होखुरीककी यहूदीकुङ सभाङुच इमलकीङ छ्‍युक्‍ङ याछ लेया।

युहन्‍ना 7:13

टर यहूदी अगुवाको खाटा बीर्‍हीछ बाटै सुयेर येशूओ कुरा खुल्‍लमखुल्‍ला जाट्‍च आट माजाटा।

युहन्‍ना 9:22

होच्‍यौ मोइ बोइ यहूदी अगुवाको खाटा बीर्‍हीछ बाटै मीजौ बारेयाङ होट डेच हो। हीजैडेनाङ सु-सुये येशूकी मुक्‍ति याछ ख्रीष्‍ट डेयार स्‍वीकार जाट्‍ले होखुरीककी सभाङुच इमलकीङ छ्‍युक्‍की पर्‌ले डेम यहूदी अगुवाकै अगाडी न सल्‍ल्‍हा जाट्‍न भ्‍यामन्‍या।

प्रेरित 13:29

होसकुङ बारेयाङ धर्मशास्‍त्राङ रीक्‍च पट्‍ट न कुरा होखुरीकै पुरा जाट्‍रखीङ येशूकी होखुरीकै क्रूसीङ झालाकार चीहानाङ ठाका।