युहन्‍ना 19:28 - पुर्वीय मगर

²⁸ अब होसकुङ पट्‍ट न काम भ्‍या डेच कुरा येशूये वार्‍हा अनी धर्मशास्‍त्राङ रीक्‍च काट-काट कुरा पुरा अटछानै डेयार होसकै डेया, “ङाकी डी सोन्‍हा!”

युहन्‍ना 19:28 ပူးပေါင်းရင်းမြစ်များ

लुका 12:50

काट बाड्‍को कष्‍टौ बप्‍तिस्‍मा ले होसे ङै लाकी न पर्‌ले। होसे पुरा माछान्‍ठर ङा सार्‍है ब्याकुल ले!

लुका 18:31

येशूये बार्‍ह जना चेलाकोलाक काट पट्‍टी आल्‍हार डेया, “सेनी, काल्‍हा यरूशलेम पट्‍टी नुङ्‍ङ न ले। अगमवक्‍ताकै भर्मीयो मीजौ बारेयाङ रीक्‍च पट्‍ट न कुराको अब ओल्‍ल्‍हे।

लुका 22:37

ङा नाखुरीककी डेले, ‘होसकोकी अपराधीको खाटा न हीला’ डेयार रीक्‍च कुरा ङौ जीवनाङ ओल्‍खी न पर्‌ले। हो ङौ बारेयाङ रीक्‍च कुरा ओल्‍न्‍ह न ले।”

लुका 9:31

होखुरीक स्‍वर्गुङ महीमीत रुपाङ राम्‍ह येशू सीकी पर्‌ले डेच बारेयाङ कुरा जाट्‌न न लेया। इसे कुरा चहीँ होसकै यरूशलेमाङ पुरा जाट्‍की पर्च लेया।

युहन्‍ना 13:1

अब यहूदीकुङ इसे छुटकारौ चाड अघी संसारलकीङ बिदा छानार बोइ लेठाङ नुङ्‍च बेला छान्‍नने डेच कुरा येशूकी थाहा लेया। होसकै संसाराङ लेच लहो चेलाकोलाक सढैँ माया जाट्‍नन्‍या, अनी होखुरीककी अन्‍टीम समय सम्‍म न माया जाटा।

युहन्‍ना 17:4

कुसे काम नाकै ङाकी जीम्‍मा याहा, होसे काम पुरा जाटार नाकोकी पृथ्‍वीयाङ ङै महीमीत खास्‍नने।

युहन्‍ना 18:4

येशूकी अब लाहा मीटाक आइपर्‌न राछ पट्‍ट न कुराको थाहा लेया। होटबाटै अगाडी नुङार होसकै होसे भर्मीकोलाक गीना, “नाखुरीकै सुकी पामनले?”

युहन्‍ना 19:24

होटबाटै सीपाहीकै डेया, “इसकी चहीँ कानै च्‍याट्‍की माछान्‍ले, टर सुओ भागाङ पर्‌ले चीट्‌ठा कार ङोसीङ।” “होखुरीकै ङौ बढीन लाहा-लाहाङ पुङा, र ङौ भीत्री बील्‍छ चहीँ चीट्‍ठा का।” डेयार धर्मशास्‍त्राङ रीक्‍च कुरा पुरा छानार राहा। अनी सीपाहीकै याङ्‍च जाटा।

युहन्‍ना 19:30

चेक्‍जा सीर्‌का गार येशूये डेया, “अब ङौ काम भ्‍या!” होटै होसकै मीटालु गुहाकार लहो प्राण डासा।

युहन्‍ना 19:36

“होसकुङ काट र हाडो माग्‍याल्‍हे” डेम धर्मशास्‍त्राङ रीक्‍च बचन पुरा छान्‍ख्‍यौ डेयार न याङ्‍च छान्‍च हो।

युहन्‍ना 4:34

येशूये होखुरीककी डेया, “ङौ ज्‍याच कुरा चहीँ ङाकी बीर्‌न्‍हकाचौ इच्‍छा अनुसार होसकुङ काम पुरा जाट्‍की हो।

प्रेरित 13:29

होसकुङ बारेयाङ धर्मशास्‍त्राङ रीक्‍च पट्‍ट न कुरा होखुरीकै पुरा जाट्‍रखीङ येशूकी होखुरीकै क्रूसीङ झालाकार चीहानाङ ठाका।