युहन्‍ना 19:24 - पुर्वीय मगर

²⁴ होटबाटै सीपाहीकै डेया, “इसकी चहीँ कानै च्‍याट्‍की माछान्‍ले, टर सुओ भागाङ पर्‌ले चीट्‌ठा कार ङोसीङ।” “होखुरीकै ङौ बढीन लाहा-लाहाङ पुङा, र ङौ भीत्री बील्‍छ चहीँ चीट्‍ठा का।” डेयार धर्मशास्‍त्राङ रीक्‍च कुरा पुरा छानार राहा। अनी सीपाहीकै याङ्‍च जाटा।

युहन्‍ना 19:24 ပူးပေါင်းရင်းမြစ်များ

मत्ती 27:35

होखुरीकै येशूकी क्रूसाङ कीला ठोक्‍डीयार टङ्‍गडीम भ्‍यारखीङ, होसकुङ बढीनको चीठ्‍ठा कार मेखुरीक-मेखुरीक पुङा।

मर्कूस 15:24

होटै होखुरीकै येशूकी क्रूसाङ टङ्‍गडीया। होसकुङ बढीनको चहीँ सु-सुओ भाकाङ पर्‌ले डेयार होखुरीकै चीठ्‍ठा कार पुङा।

लुका 23:34

होस बेला येशूये डेया, “ए बोइ, इखुरीककी क्षमा यान्‍ही हीजैडेनाङ इखुरीकै ही जाट्‍न न ले, होसे इखुरीककी हीर थाहा माले।” होटै होखुरीकै होसकुङ बढीन चीठ्‍ठा कार पुङा।

युहन्‍ना 10:35

होटबाटै परमेश्‍वरौ बचन सु लेठाङ राहा, होखुरीककी होसकै देवताको डेया, अनी धर्मशास्‍त्र सेन्‍र झुटो माछान्‍ले।

युहन्‍ना 13:18

“ङै नाखुरीक पट्‍टओ विषयाङ डेच होइन, ङै सु सुकी भाक्‍ङने होखुरीककी ङा चीन्‍डीले। टर ‘ङाखाटा रोटो ज्‍याच भर्मी न ङौ विरोधी छानार सोवा’ डेयार धर्मशास्‍त्राङ रीक्‍च कुरा पुरा छान्‍की न पर्‌ले।

युहन्‍ना 19:28

अब होसकुङ पट्‍ट न काम भ्‍या डेच कुरा येशूये वार्‍हा अनी धर्मशास्‍त्राङ रीक्‍च काट-काट कुरा पुरा अटछानै डेयार होसकै डेया, “ङाकी डी सोन्‍हा!”

प्रेरित 13:27

हीजैडेनाङ यरूशलेमुङ बासीन्‍डाको र होखुरीकुङ शासककै येशू न मसीह हो डेयार माचीन्‍डीया। हरेक म्‍हुङ बाट्‍च डीनाङ परेस्‍च अगमवक्‍ताकुङ बचनको र माबुझडीसा। होटबाटै होसकोकी मृत्‍युदण्‍डओ आज्ञा याहा र होसकुङ बारेयाङ रीक्‍च बचन पुरा छाना।