युहन्‍ना 19:23 - पुर्वीय मगर

²³ सीपाहीकै येशूकी क्रूसाङ टङ्‍गडीम भ्‍याच न्‍हुइङ होखुरीकै होसकुङ बढीन लार बुली भाग खासार मेखुरीक-मेखुरीक पुङा। होसकुङ भीत्री बील्‍छ चहीँ सीउनी मालेच ढेनाम लकीङ म्‍हाका सम्‍म न जाछ काट न लेया।

युहन्‍ना 19:23 ပူးပေါင်းရင်းမြစ်များ

मत्ती 27:35

होखुरीकै येशूकी क्रूसाङ कीला ठोक्‍डीयार टङ्‍गडीम भ्‍यारखीङ, होसकुङ बढीनको चीठ्‍ठा कार मेखुरीक-मेखुरीक पुङा।

मर्कूस 15:24

होटै होखुरीकै येशूकी क्रूसाङ टङ्‍गडीया। होसकुङ बढीनको चहीँ सु-सुओ भाकाङ पर्‌ले डेयार होखुरीकै चीठ्‍ठा कार पुङा।

लुका 23:34

होस बेला येशूये डेया, “ए बोइ, इखुरीककी क्षमा यान्‍ही हीजैडेनाङ इखुरीकै ही जाट्‍न न ले, होसे इखुरीककी हीर थाहा माले।” होटै होखुरीकै होसकुङ बढीन चीठ्‍ठा कार पुङा।

प्रेरित 12:4

होटै हेरोदै पत्रुसकी घोरखीङ झ्‍यालखानाङ का र छुट्कारौ चाड न्‍हुइङ मट्‍टै होसकी न्‍यायौ लागी भर्मीकुङ अगाडी राक्‍च बीचार जाटार होसकी रुङ्‍की डेम बुली टोलीयुङ बुली सीपाहीकोलाक जीम्‍मा याहा।