युहन्‍ना 19:11 - पुर्वीय मगर

¹¹ येशूये डेया, “इडीक परमेश्‍वरै माय्‍हाछ लेनाङ ङा मीटाक नाकुङ हीर अधिकार माछान्‍च लेया। होटबाटै ङाकी नाकुङ मीहुटाङ याछ भर्मी नाकुङ डेनाङ बाड्‍को पापौ दोषी छान्‍ले।”

युहन्‍ना 19:11 ပူးပေါင်းရင်းမြစ်များ

मत्ती 26:65

टब याङ्‍च कुरा सेयार प्रधान पुजाहारीये मीरीस ख्‍योहार लहो बढीन च्‍याटार डेया, “लौ ङोस्‍नी, इचे परमेश्‍वरौ निन्‍दा जाट्‍च नाखुरीकै सेकी क्‍योटा, अब कानकी अरु साक्षीको हीजै चहडीसा र?

मत्ती 27:2

होटै होखुरीकै होसकोकी छ्‍याकार रोमी बडा हाकीम पिलातसलेठाङ आल्‍हार जीम्‍मा याहा।

मत्ती 6:13

कानकी परिक्षाङ पर्‌की माय्‍हानी, टर कानकी शैतानलकीङ जोगडीनी। [हीजैडेनाङ राज्‍य, शक्‍ति र महीमा सढैयो लागी नाकुङ न हो, आमेन।]’

मर्कूस 14:44

होसकोकी घोवाक्‍च यहूदासै होसे भर्मीकोलाक इट डेमन्‍या, “सुकी ङा चुम्‍ल्‍हे, होसे येशू हो, होसकी न घोवार पहरा याहार आल्‍खी।”

लुका 22:53

ङा परमेश्‍वरौ मन्‍दिराङ डीनहुँ नाखुरीक खाटा लेया। होडीक बेला च नाखुरीकै ङाकी माघोवा। टर अब छुम्‍छौ शक्‍तिये शासन जाट्‍नाङ नाखुरीकुङ काम जाट्‍च समय हो।”

युहन्‍ना 18:13

होटै न्‍हुइङ होखुरीकै येशूकी पहीला हन्‍नास लेठाङ आल्‍हा। हन्‍नास चहीँ होसे वर्षौ प्रधान पुजाहारी कैयाफौ मामा लेया।

युहन्‍ना 18:3

टब होडीक न बेला मुख्‍य पुजाहारीको र फरीसीकै बीर्‌न्‍हकाच कुडीक जना रोमी सीपाहीको, परमेश्‍वरौ मन्‍दिराङ पहरा याछकोलाक लार यहूदास होसे बगैँचा भीत्री पर्‌या। होखुरीकै मीहुटाङ हतियारको, राँको र बट्‍टी बुमन्‍या।

युहन्‍ना 19:10

पिलातसै होसकोकी डेया, “ङाकी हीजै माडेच? नाङ्‌की थाहा माले? नाङ्‍की डास्‍न याछ वा क्रूसाङ टङ्‍गडीच अधिकार ङाखाटा ले।”

युहन्‍ना 3:27

युहन्‍नै होखुरीककी डेया, “परमेश्‍वरै माय्‍हाठर सुयेर हीर डुप्‍की माय्‍होक्‍ले।

युहन्‍ना 7:30

येशूकी यहूदी अगुवाकै घोकी पा, टर सुयेर होसकोकी मीहुट काकी माय्‍होका, हीजैडेनाङ होसकुङ समय अझै मार्‍हामन्‍या।

युहन्‍ना 9:41

येशूये होखुरीककी डेया, “इडीक नाखुरीक साँच्‍ची न अन्‍धा लेनाङ च पापौ दोषी माठहरीस्‍च लेया, टर नाखुरीक डेले ‘कान डाङ्‍ले’ होटबाटै नाखुरीकुङ पाप ङुम ङुले।”

प्रेरित 2:23

परमेश्‍वरै ठहरीच निश्‍चित योजना चहीँ होसकोकी अगाडी लकीङ न थाहा लेया होसे अनुसार न येशूकी नाखुरीकुङ मीहुटाङ जीम्‍मा याहा। अनी नाखुरीकै होसकोकी अधर्मी भर्मीकुङ मीहुटाङ याहा र क्रूसाङ टङ्‍गडीयार साटा।

प्रेरित 3:13

अब्राहाम, इसहाक र याकुबौ परमेश्‍वर, कानुङ पुर्खाकुङ परमेश्‍वरै लहो सेवक येशूकी महीमीत पार्‍या। नाखुरीकै चहीँ होसे न येशूकी घोवाका र पिलातसै होसकोकी डास्‍न याछ बीचार जाट्‍नाङ र नाखुरीक होसकुङ न म्‍याहासाङ मामन्‍डीया।

प्रेरित 4:28

होखुरीक पट्‍टये नाकुङ शक्‍ति र योजना अनुसार अघीलकीङ न निश्‍चित जाट्‍च अनुसार पट्‍ट न काम जाटा।

याकुब 1:17

पट्‍ट न सेछ र सिद्ध वरदान ढेनाम स्‍वर्ग लकीङ राल्‍हे। इसे वरदान सर्‌घाङ ज्‍योटीको खास्‍च परमेश्‍वर बोइ लकीङ राल्‍हे। होसको फेरीस्‍न ङुच छायाँ लेखा सेन्‍र माफेरीस्‍ले।

याकुब 4:17

होटबाटै इडीक सुयेर भलाइ जाट्‍की वार्‌न्‍ह र माजाट्‍ले डेनाङ होच्‍यौ लागी होसे न पाप हो।