युहन्‍ना 18:12 - पुर्वीय मगर

¹² टब कप्‍तान, होच्‍यो सीपाहीको र यहूदी अगुवाकै बीर्‌न्‍हकाच परमेश्‍वरौ मन्‍दिराङ पहरा ङुचकै येशूकी घोवार छ्‍याका।

युहन्‍ना 18:12 ပူးပေါင်းရင်းမြစ်များ

मत्ती 26:57

येशूकी घोच भर्मीकै होसकोकी प्रधान पुजाहारी कैयाफौ इमाङ आल्‍हा। होला धर्मगुरुको र अगुवाको भेला छानन्‍या।

मत्ती 27:2

होटै होखुरीकै होसकोकी छ्‍याकार रोमी बडा हाकीम पिलातसलेठाङ आल्‍हार जीम्‍मा याहा।

मत्ती 27:27

पीलाटसौ सीपाहीकै येशूकी दरबार भीत्री आल्‍हा, अनी अरु पट्‍ट न सीपाहीकोलाक आर्‌घार भेला जाटा।

मर्कूस 14:53

टब येशूकी होखुरीकै प्रधान पुजाहारी लेठाङ आल्‍हा, होला पट्‍ट न मुख्‍य पुजाहारीको, अगुवाको र धर्मगुरुको जम्‍मा छानन्‍या।

मर्कूस 15:1

गोराक छान्‍च बीट्‍टीकै मुख्‍य पुजाहारीको खाट-खाट न अगुवाको, धर्मगुरुको र पट्‍ट न महासभाङ ङुच भर्मीकै योजना खासा। होटै येशूकी छ्‍याकार आल्‍हा र रोमीकुङ बडाहाकीम पिलातसौ मीहुटाङ जीम्‍मा याहा।

लुका 22:54

होसे भर्मीकै येशूकी घोवार होसकोकी प्रधान पुजाहारीयो इमाङ आल्‍हा। पत्रुस चहीँ चेक पारी-पारीङ होसकुङ न्‍हुङ-न्‍हुङ नुङा।

युहन्‍ना 18:3

टब होडीक न बेला मुख्‍य पुजाहारीको र फरीसीकै बीर्‌न्‍हकाच कुडीक जना रोमी सीपाहीको, परमेश्‍वरौ मन्‍दिराङ पहरा याछकोलाक लार यहूदास होसे बगैँचा भीत्री पर्‌या। होखुरीकै मीहुटाङ हतियारको, राँको र बट्‍टी बुमन्‍या।

प्रेरित 10:1

कैसरीया सहराङ कर्नेलियस डेच काट जना भर्मी लेया र होसे इटालीया डेच रोमी पल्‍टनुङ कप्‍तान लेया।

प्रेरित 21:31

जब होखुरीकै पावलकी साट्‍की पामन लेया, टब पट्‍ट न यरूशलेम सहराङ हुल्‍डुङ्‍गा छान्‍नन ले डेच खबर रोमी सेनापटी लेठाङ टाहा।

प्रेरित 21:37

ब्‍यारेक भीत्री टाखी पानाङ पावलै सेनापटीकी डेया, “ए हजुर, छान्‍ले डेनाङ, ङा नाखुरीककी हीर कुरा डेकी मीमन ले।” होचे डेया, “नीये ग्रीक भासा ङाक्‍की वार्‌ल्‍हे?

प्रेरित 23:10

होला बाड्‍को मतभेद छान्‍रखीङ होखुरीकुङ मीहुट लकीङ पावलकी च्‍याट्‍चुट पार्‌यार साट्‍ले औँला डेम बीर्‍हीयार सेनापटीये पावलकी होखुरीकुङ मीघीङ जबर जस्‍टी डोनार ब्‍यारेक भीत्री आल्‍खी डेम सेपाहीकोलाक आज्ञा याहा।