युहन्‍ना 18:11 - पुर्वीय मगर

¹¹ टर येशूये पत्रुसकी डेया, “नाकुङ तरवार डापाङ कानी! ही परमेश्‍वर बोये ङाकी याछ डुखौ कचौरा लकीङ ङै मागाकी र?”

युहन्‍ना 18:11 ပူးပေါင်းရင်းမြစ်များ

मत्ती 20:22

टर येशूये होखुरीककी डेया, “नाखुरीकै ही ङेम्‍हन ले, होसे नाखुरीक माव्‍हारले। ही ङै गाकी पर्च डुखौ कचौरा लकीङ नाखुरीक गाकी य्‍होक्‍ले?” होखुरीकै डेया, “कान य्‍होक्‍ले।”

मत्ती 26:39

होटै येशू चेक पारी नुङार झाङ खुखुप छानार प्रार्थना जाटा, “ए ङौ बोइ, छान्‍की य्‍होक्‍ले डेनाङ, इसे डुखौ कचौरा ङा लकीङ हटडीस्‍ख्‍यो। टर ङै मीमन जाट्‍च अनुसार चहीँ होइन, टर नाकै जाट्‍च मीमन अनुसार छान्‍ख्‍यो।”

मत्ती 26:42

फेरी नुङार येशूये प्रार्थना जाटा, “ए ङौ बोइ, इडीक ङै मागाम इसे डुखौ कचौरा हटडीकी सम्‍भव माले डेनाङ, नाकुङ न इच्‍छा पुरा छान्‍ख्‍यो।”

लुका 12:30

परमेश्‍वरकी माचीन्‍डीचकै टी याङ्‍च कुरौ चीन्‍टा जाट्‍ले। इसे पट्‍ट कुराको नाखुरीककी चहडीस्‍नने डेयार नाखुरीकुङ परमेश्‍वर बोये वार्‌न्‍हने।

लुका 22:42

“ए बोइ, नाकुङ इच्‍छा लेनाङ इसे डुखौ कचौरा ङा लेठीङ हटडीम यान्‍ही। टर ङौ इच्‍छाङ होइन, नाकुङ न इच्‍छा पुरा अट छानै।”

युहन्‍ना 15:10

ङा ङौ बोयो आज्ञाको मन्‍डीयार बोयो मायाङ ङुले। होटजाट्‍न न इडीक नाखुरीकै ङौ आज्ञाको मन्‍डीया डेनाङ नाखुरीक र ङौ मायाङ ङुले।

युहन्‍ना 17:24

“ए बोइ, ङा मीमन जाट्‍ले, नाकै ङाकी याछ भर्मीको जटी ङा कुला छान्‍ले होला ङाखाटा न छान्‍ख्‍यौ, र ङौ महीमा होखुरीकै डाङ्‍ख्‍यौ, कुसे महीमा संसारौ सृष्‍टि छान्‍की डेनाङ अगाडी लकीङ न नाकै ङाकी माया जाट्‍च बाटै याम्‍हन्‍या।

युहन्‍ना 18:36

येशूये डेया, “ङौ राज्‍य इसे संसारुङ होइन। इडीक इसे संसारुङ हो डेनाङ च ङौ चेलाको ङाकी यहूदीको लकीङ जीवाटाक्‍की होखुरीक खाटा पुन्‍छ लेया। टर ङौ राज्‍य इसे संसारुङ होइन।”

युहन्‍ना 20:17

येशूये होसकी डेया, “ङाकी घोम माडानी, हीजैडेनाङ ङा चाहाँसम्‍म बोइ लेठाङ मानुङ्‍ङने। टर ङौ चेलाको लेठाङ नुङार होखुरीककी डेम यान्‍ही, ‘ङौ बोइ र नाखुरीकुङ बोइ, ङौ परमेश्‍वर र नाखुरीकुङ परमेश्‍वर लेठाङ ङा नुङ्‍ङन ले।’”