युहन्‍ना 17:3 - पुर्वीय मगर

³ अब सेन्‍र मासीच जीवन डेच इसे न हो, नाको काट मट्‍टै सत्‍य परमेश्‍वर हो डेम चीन्‍डीकी, र नाकै बीर्‌न्‍हकाच येशू ख्रीष्‍टकी र चीन्‍डीकी हो।

युहन्‍ना 17:3 ပူးပေါင်းရင်းမြစ်များ

मर्कूस 9:37

“सुये ङौ म्‍यार्‌मीनाङ याङ्‍च मार्‌जा जजाकी ग्रहण जाट्‍ले होखुरीकै ङाकी र ग्रहण जाट्‍ले। ङाकी ग्रहण जाट्‍चकै ङाकी मट्‍टै होइन टर ङाकी बीर्‌न्‍हकाच बोइकी र ग्रहण जाट्‍ले।”

लुका 9:48

होटै होखुरीककी डेया, “सुये ङौ म्यार्‌मीनाङ इसे जजाकी मन्‍डीले, होचे ङाकी मन्‍डीले, र ङाकी मन्‍डीचकै ङाकी बीर्‌न्‍हकाचकी मन्‍डीले। हीजैडेनाङ नाखुरीक मढ्‍याङ सु मार्‌जा ले, होसे न पट्‍ट डेनाङ बाड्‍को छान्‍ले।”

युहन्‍ना 10:36

ङाकी परमेश्‍वर बोये लहो काम पुरा जाट्‍की डेम ङाकी चुन्‍डीयार संसाराङ बीर्‌न्‍हकाच हो। होटडेनाङ ङा परमेश्‍वरौ मीजा हो डेनाङ नाखुरीकै कुटजाट्‍न ङै परमेश्‍वरौ निन्‍दा जाटा डेकी य्‍होक्‍ले?

युहन्‍ना 11:42

ङौ बिन्‍ती नाकै सढैँ सेले, होसे ङाकी थाहा ले। टर नाकै ङाकी संसाराङ बीर्‌न्‍हकाच हो डेच कुरा इला लेच भर्मीकै विश्‍वास जाट्‍ख्‍यौ डेयार ङै नाकोकी इसे बिन्‍ती चढडीच हो।”

युहन्‍ना 14:26

टर बोये ङौ म्‍यार्‌मीनाङ बीर्‌न्‍हकाच सल्‍हाकार पवित्र आत्‍मै नाखुरीककी पट्‍ट न कुरा पाहाक्‍ले र ङै नाखुरीककी डेच पट्‍ट न कुराको आर्‌मीटाक्‍ङ याल्‍हे।

युहन्‍ना 17:18

नाकै ङाकी संसाराङ बीर्‌न्‍हकानाङ लेखा न, ङै र होखुरीककी संसाराङ बीर्‌न्‍हकामने।

युहन्‍ना 17:21

होखुरीक पट्‍ट न काट छान्‍ख्‍यौ। ए बोइ, कुटजाट्‍न नाको ङाखाटा ले, र ङा नाकोखाटा ले, होटजाट्‍न न होखुरीक र कानखाटा काट न छान्‍ख्‍यौ, होटबाटै नाकै ङाकी बीर्‌न्‍हकाच हो डेयार संसारुङ भर्मीकै विश्‍वास जाट्‍ले।

युहन्‍ना 17:23

ङा होखुरीक खाटा र नाको ङाखाटा ले। होटजाट्‍न न होखुरीक र काट न छान्‍की य्‍होक्‍ख्‍यौ। टब नाकै ङाकी संसाराङ बीर्‌न्‍हकाच हो, र नाकै ङाकी माया जाट्‍नाङ लेखा न होखुरीककी र माया जाट्‍ले डेच कुरा संसारुङ भर्मीकै वार्‌ल्‍हे।

युहन्‍ना 17:25

“ए धार्मिक बोइ, संसारुङ भर्मीकै नाकोकी माचीन्‍डीले, टर ङा नाकोकी चीन्‍डीले, अनी नाकै ङाकी बीर्‌न्‍हकाच हो डेयार ङाकी डुट्‍चकै वार्‌ल्‍हे।

युहन्‍ना 17:8

हीजैडेनाङ कुसे बचन नाकै ङाकी याहा, होसे ङै होखुरीककी याम्‍हने, र होखुरीकै होसे ग्रहण जाट्‍नने। ङा नाकोलकीङ राछ हो डेच कुरा होखुरीकै साँच्‍ची न बुझडीस्‍नने। अनी नाकै ङाकी बीर्‌न्‍हकाच हो डेयार होखुरीकै विश्‍वास जाट्‍नने।

युहन्‍ना 3:17

परमेश्‍वरै संसारुङ भर्मीकोलाक दोषी ठहरीकी डेयार लहो मीजाकी बीर्‌न्‍हकाच होइन, टर होखुरीककी जीवाक्‍की डेम बीर्‌न्‍हकाच हो।

युहन्‍ना 3:34

सुकी परमेश्‍वरै बीर्‌न्‍हकामने होचे न परमेश्‍वरौ बचन ङाक्‍ले, हीजैडेनाङ परमेश्‍वरै होसकोकी लहो आत्‍मै न्‍हेपाक्‍ङने।

युहन्‍ना 5:44

नाखुरीक लाहा-लहीङ प्रशंसा डुप्‍की मीमन जाट्‍ले, टर काट मट्‍टै परमेश्‍वर लकीङ डुप्‍च प्रशंसा चहीँ मापाले डेनाङ नाखुरीकै कुटजाट्‍न विश्‍वास जाट्‍की य्‍होक्‍ले र?

युहन्‍ना 6:57

जीबीट बोये ङाकी बीर्‌न्‍हका, र ङा बोयौ कारनै जीवाले। होटजाट्‍न न सुये ङाकी ज्‍याले होखुरीक ङौ कारनै जीवाले।

युहन्‍ना 7:29

टर ङा होसकोकी चीन्‍डीले, हीजैडेनाङ ङा होसको लकीङ न राछ हो, अनी होसकै न ङाकी बीर्‌न्‍हकाच हो।”

युहन्‍ना 8:19

टब येशूकी होखुरीकै गीना, “नाकुङ बोइ चहीँ कुला ले ट?” येशूये होखुरीककी जवाफ याहा, “नाखुरीक न ट ङाकी चीन्‍डीले न ट ङौ बोइकी न चीन्‍डीले। इडीक नाखुरीकै ङाकी चीन्‍डी च लेनाङ ङौ बोइकी र चीन्‍डी च लेया।”

१ ठेसलोनीकी 1:9

जब कान नाखुरीक लेठाङ राहा टब नाखुरीकै कुटजाट्‍न स्‍वागट जाट्‍नन्‍या, अनी मूर्ति पुजा जाट्‍की डासार जीवीत र साँचो परमेश्‍वर पट्‍टी ल्‍हेसार होसकुङ न सेवा जाट्‍चको छाना। याङ्‍च कुरा होखुरीक पट्‍ट भर्मीकै मेखुरीकै न डेले।

२ ठेसलोनीकी 1:8

होसको राहार परमेश्‍वरकी माचीन्‍डीच कोलाक र कानुङ प्रभु येशूओ सेछ समाचारकी मामन्‍डीच कोलाक दण्‍ड याल्‍हे।

२ पट्‍रुस 1:2

परमेश्‍वर र काल्‍हौ प्रभु येशूकी चीन्‍डीचबाटै नाखुरीककी अनुग्रह र शान्‍ति प्रशस्‍त खाटा छान्‍चै नुख्‍यौ।

२ पट्‍रुस 1:3

सेछ जीवन जीवाकी चहडीस्‍च पट्‍ट न कुरा परमेश्‍वरौ शक्‍तिये डुप्‍मने हीजैडेनाङ लहो महीमा र भलाइ लकीङ आर्‌घाच परमेश्‍वरकी कानै चीन्‍डीमने।

२ पट्‍रुस 1:8

नाखुरीककी चहडीस्‍च कुराको इसे न हो, अनी इसे कुराको प्रशस्‍त ले डेनाङ नाखुरीकै कानुङ प्रभु येशू ख्रीष्‍टौ ज्ञानाङ वास्‍टै मीस्‍या स्‍याटाक्‍च छान्‍ले।

१ युहन्‍ना 1:2

जब होसे जीवन प्रकट छाना, टब कानै डाङा र कान गबाही याल्‍हे अनी नाखुरीककी र डेले, इसे सेन्‍र मासीच जीवन परमेश्‍वर बोइ खाटा लेया, र कान लेठाङ डाङा।

१ युहन्‍ना 1:3

नाखुरीक र कान खाटा सङ्‍गटी जाट्‍नी डेयार कानै ही डाङने र सेमने, होसे नाखुरीककी सेटाक्‍ले। कानुङ सङ्‍गटी चहीँ परमेश्‍वर बोइ र होसकुङ मीजा येशू ख्रीष्‍ट खाटा ले।

१ युहन्‍ना 2:23

मीजाकी इन्‍कार जाट्‍च कुसेर भर्मी खाटा परमेश्‍वर बोइ माङुले। सुये मीजाकी सुइकार जाट्‍ले, होसे खाटा परमेश्‍वर बोइ र ङुले।

१ युहन्‍ना 4:6

टर काल्‍हाको च परमेश्‍वरौ हो र सुये परमेश्‍वरकी चीन्‍डीमने, होचे कानुङ कुरा सेले। सु परमेश्‍वरौ भर्मी होइन, होचे कानुङ कुरा मासेले। इटै न कानै साँचो आत्‍मा र झुटो आत्‍मा भाक्‍की य्‍होक्‍ले।

१ युहन्‍ना 5:20

अनी परमेश्‍वरौ मीजा राहा र होसकै कानकी साँचो परमेश्‍वरकी चीन्‍डीच ज्ञान याहा। इसे कुरा कानकी थाहा ले। कान होसकुङ मीजा येशू ख्रीष्‍ट खाटा लेचबाटै साँचो परमेश्‍वर खाटा ले। होसको न साँचो परमेश्‍वर र सेन्‍र मासीच जीवन याछ हो।