युहन्‍ना 17:26 - पुर्वीय मगर

²⁶ नाकै ङाकी जाट्‍च माया होखुरीक खाटा र ङुख्‍यौ, अनी ङा होखुरीक खाटा ङुकी य्‍होकीङ डेयार होखुरीकुङ मीघ्‍याङ ङै नाकोकी चीन्‍डीयाका र चीन्‍डीयाक्‍ङ न ङुले।”

युहन्‍ना 17:26 ပူးပေါင်းရင်းမြစ်များ

युहन्‍ना 14:20

अनी होसनीक नाखुरीकै बुझडीस्‍ले, ङा ङौ बोइखाटा ले, र नाखुरीक ङा खाटा ले, र ङा नाखुरीकखाटा ले।

युहन्‍ना 14:23

येशूये होसकी डेया, “ङाकी माया जाट्‍चकै ङौ शिक्षाकी मन्‍डीले। ङौ बोये होखुरीककी माया जाट्‍ले, अनी बोइ र ङा होखुरीक लेठाङ राहार होखुरीक खाटा ङुले।

युहन्‍ना 15:15

अब लकीङ ङा नाखुरीककी नोकर माडेले, हीजैडेनाङ नोकरकै मालीकै ही जाट्‍न न ले, होसे माव्‍हार्‌ले। ङै नाखुरीककी लाफा डेमने, हीजैडेनाङ ङौ बोइलकीङ सेच पट्‍ट न कुराको ङै नाखुरीककी डेम याम्‍हने।

युहन्‍ना 15:4

ङाखाटा ङुनी, र ङा नाखुरीकखाटा ङुले। कुटजाट्‍न हाँगाकै म्‍यार्‌टुङ खाटा माङुवा डेनाङ होखुरीक लहे न मीस्‍या स्‍याटाक्‍की माय्‍होक्‍ले, होटजाट्‍न न ङाखाटा माङुवा डेनाङ नाखुरीकै र मीस्‍या स्‍याटाक्‍की माय्‍होक्‍ले।

युहन्‍ना 15:9

“बोये ङाकी कुटजाट्‍न माया जाट्‍नने, ङै र होटजाट्‍न न नाखुरीककी माया जाट्‍नने। अब नाखुरीक ङौ मायाङ ङुनी।

युहन्‍ना 17:23

ङा होखुरीक खाटा र नाको ङाखाटा ले। होटजाट्‍न न होखुरीक र काट न छान्‍की य्‍होक्‍ख्‍यौ। टब नाकै ङाकी संसाराङ बीर्‌न्‍हकाच हो, र नाकै ङाकी माया जाट्‍नाङ लेखा न होखुरीककी र माया जाट्‍ले डेच कुरा संसारुङ भर्मीकै वार्‌ल्‍हे।

युहन्‍ना 17:6

“संसारलकीङ नाकै ङाकी याछ भर्मीकोलाक ङै नाकोकी चीन्‍डीयाक्‍ङ याम्‍हने। होखुरीक नाकुङ न लेया, अनी नाकै होखुरीक ङाकी याहा, र होखुरीकै नाकुङ बचन मन्‍डीमने।

युहन्‍ना 17:8

हीजैडेनाङ कुसे बचन नाकै ङाकी याहा, होसे ङै होखुरीककी याम्‍हने, र होखुरीकै होसे ग्रहण जाट्‍नने। ङा नाकोलकीङ राछ हो डेच कुरा होखुरीकै साँच्‍ची न बुझडीस्‍नने। अनी नाकै ङाकी बीर्‌न्‍हकाच हो डेयार होखुरीकै विश्‍वास जाट्‍नने।

युहन्‍ना 6:56

सुये ङौ डेह ज्‍याले र ङौ य्‍हु गाले होसे चहीँ ङाखाटा ङुले र ङा होसेखाटा ङुले।

युहन्‍ना 8:50

ङा लाहा न ङाल्‍हौ आदर मापाले, टर काट जना ले होसकै ङौ आदर जाट्‍की पाले र ठीक खाटा न्‍याय जाट्‍ले।

२ ठेसलोनीकी 2:16

कानुङ प्रभु येशू ख्रीष्‍ट र परमेश्‍वर बोये कानकी माया जाटा र होसकुङ अनुग्रहै सेन्‍र अन्‍त्‍य माछान्‍च उत्‍साह र सेछ आशा याहा।

१ युहन्‍ना 3:24

अनी परमेश्‍वरौ आज्ञाको मन्‍डीच भर्मी चहीँ परमेश्‍वर खाटा छान्‍ने, र परमेश्‍वर होसे खाटा छान्‍ने। इटजाट्‍न परमेश्‍वर कानखाटा छान्‍ने डेच कुरा होसकै याछ पवित्र आत्‍मा लकीङ न कानै वार्‌खी य्‍होक्‍ले।