युहन्‍ना 17:21 - पुर्वीय मगर

²¹ होखुरीक पट्‍ट न काट छान्‍ख्‍यौ। ए बोइ, कुटजाट्‍न नाको ङाखाटा ले, र ङा नाकोखाटा ले, होटजाट्‍न न होखुरीक र कानखाटा काट न छान्‍ख्‍यौ, होटबाटै नाकै ङाकी बीर्‌न्‍हकाच हो डेयार संसारुङ भर्मीकै विश्‍वास जाट्‍ले।

युहन्‍ना 17:21 ပူးပေါင်းရင်းမြစ်များ

मर्कूस 3:24

अनी होसे राज्‍यौ लाहा लाहाङ न झगडा छाना डेनाङ होसे राज्‍य टीक्‍डीस्‍की माय्‍होक्‍ले।

युहन्‍ना 10:16

ङा खाटा अरु भेडाको र ले, होखुरीक इसे गोठुङ होइन, होखुरीककी र ङै राक्‍की पर्‌ने। होखुरीकै ङौ सोर सेले र होखुरीक पट्‍ट न काट न बगाल छान्‍ने, अनी होखुरीकुङ गोठ्‍ला काट न छान्‍ले।

युहन्‍ना 10:30

बोइ र ङा काट न हो।”

युहन्‍ना 10:38

टर इडीक ङै जाट्‍च कामको ङौ बोयो हो डेनाङ, नाखुरीकै ङा मीटाक विश्‍वास माजाट्‍नाङ र ङै जाट्‍च कामको मीटाक चहीँ विश्‍वास जाट्‍नी, र बोइ ङा खाटा ले, अनी ङा बोइ खाटा ले डेयार नाखुरीकै बुझडीस्‍की य्‍होक्‍ले।”

युहन्‍ना 11:42

ङौ बिन्‍ती नाकै सढैँ सेले, होसे ङाकी थाहा ले। टर नाकै ङाकी संसाराङ बीर्‌न्‍हकाच हो डेच कुरा इला लेच भर्मीकै विश्‍वास जाट्‍ख्‍यौ डेयार ङै नाकोकी इसे बिन्‍ती चढडीच हो।”

युहन्‍ना 13:32

अनी इडीक भर्मीयो मीजाङ परमेश्‍वरौ महीमा छाना डेनाङ परमेश्‍वरै लाहाङ न होच्‍यो महीमा जाट्‍ले, र होसकै अब छीट्‍टो न होसकी महीमीट पार्‌ले।

युहन्‍ना 13:35

इडीक नाखुरीकै काटै अर्‌कोकी माया जाटा डेनाङ, होटै न नाखुरीक ङौ चेलाको हो डेच कुरा भर्मीकै चीन्‍डीले।”

युहन्‍ना 17:11

अब ङा नाकोलेठाङ राम्‍हन ले। ङा इसे संसाराङ माङुले, टर इखुरीक च इसे संसाराङ ङुले। ए पवित्र बोइ, होटबाटै नाको र ङा काट छान्‍नाङ लेखा न नाकै ङाकी याछको र काट छान्‍की य्‍होक्‍ख्‍यौ डेम कुसे म्‍यार्‌मीन नाकै ङाकी याम्‍हने, होसे म्‍यार्‌मीनौ शक्‍तिये होखुरीककी जोगडीम डानी।

युहन्‍ना 17:18

नाकै ङाकी संसाराङ बीर्‌न्‍हकानाङ लेखा न, ङै र होखुरीककी संसाराङ बीर्‌न्‍हकामने।

युहन्‍ना 17:20

“ङा इखुरीकुङ लागी मट्‍टै प्रार्थना माजाट्‍ले, टर इखुरीकै सेटाक्‍च बचन लकीङ ङामीटाक विश्‍वास जाट्‍चकुङ लागी र ङा प्रार्थना जाट्‍न याल्‍हे।

युहन्‍ना 17:25

“ए धार्मिक बोइ, संसारुङ भर्मीकै नाकोकी माचीन्‍डीले, टर ङा नाकोकी चीन्‍डीले, अनी नाकै ङाकी बीर्‌न्‍हकाच हो डेयार ङाकी डुट्‍चकै वार्‌ल्‍हे।

युहन्‍ना 17:3

अब सेन्‍र मासीच जीवन डेच इसे न हो, नाको काट मट्‍टै सत्‍य परमेश्‍वर हो डेम चीन्‍डीकी, र नाकै बीर्‌न्‍हकाच येशू ख्रीष्‍टकी र चीन्‍डीकी हो।

युहन्‍ना 17:8

हीजैडेनाङ कुसे बचन नाकै ङाकी याहा, होसे ङै होखुरीककी याम्‍हने, र होखुरीकै होसे ग्रहण जाट्‍नने। ङा नाकोलकीङ राछ हो डेच कुरा होखुरीकै साँच्‍ची न बुझडीस्‍नने। अनी नाकै ङाकी बीर्‌न्‍हकाच हो डेयार होखुरीकै विश्‍वास जाट्‍नने।

युहन्‍ना 3:17

परमेश्‍वरै संसारुङ भर्मीकोलाक दोषी ठहरीकी डेयार लहो मीजाकी बीर्‌न्‍हकाच होइन, टर होखुरीककी जीवाक्‍की डेम बीर्‌न्‍हकाच हो।

युहन्‍ना 5:23

होटबाटै पट्‍टये मीजौ आदर जाट्‍ख्‍यो, कुटजाट्‍न होखुरीकै परमेश्‍वर बोयो आदर जाट्‍ले। मीजाकी आदर माजाट्‍चये मीजाकी बीर्‌न्‍हकाच बोइकी र आदर माजाट्‍ले।

प्रेरित 2:46

र डीन-डीनै होखुरीक परमेश्‍वरौ मन्‍दिराङ काठोव्‍हाङ जम्‍मा छानन्‍या, र मार्‍हाङ्‍छै खाटार इम-इमाङ भोज ज्‍यामन्‍या गामन्‍या।

प्रेरित 4:32

अनी विश्‍वास जाट्‍चकुङ समुह पट्‍ट न काट मीमनौ छानन्‍या। होखुरीक सुयेर लहो धन-सम्‍पत्तियो हीर ठोककी इसे ङौ हो माडेम्‍या टर होखुरीकुङ पट्‍ट न ठोक साझ्‍या लेया।

१ युहन्‍ना 1:3

नाखुरीक र कान खाटा सङ्‍गटी जाट्‍नी डेयार कानै ही डाङने र सेमने, होसे नाखुरीककी सेटाक्‍ले। कानुङ सङ्‍गटी चहीँ परमेश्‍वर बोइ र होसकुङ मीजा येशू ख्रीष्‍ट खाटा ले।

१ युहन्‍ना 5:7

सोम न साक्षीको ले: