युहन्‍ना 17:2 - पुर्वीय मगर

² हीजैडेनाङ नाकै होसकी पट्‍ट न भर्मीकोमीटाक अधिकार याम्‍हने, होटबाटै नाकै याछ पट्‍टकी होचे सेन्‍र मासीच जीवन याख्‍यौ।

युहन्‍ना 17:2 ပူးပေါင်းရင်းမြစ်များ

मत्ती 11:27

“पट्‍ट न ठोक ङौ बोये ङाकी जीम्‍मा याम्‍हने, बोये बाहेक मीजाकी अरु सुयेर माचीन्‍डीले, र मीजै बाहेक बोइकी सुयेर माचीन्‍डीले। अनी सु लेठाङ मीजै बोइकी टान्‍हाक्‍च इच्‍छा जाट्‍ले होचे चहीँ चीन्‍डीले।

मत्ती 25:46

अनी होखुरीकै चहीँ सढैँ भरीयो लागी दन्‍ड डुप्‍ले, टर धर्मी भर्मीकै चहीँ सेन्‍र मासीच जीवन डुप्‍ले।”

मत्ती 28:18

टब येशू होखुरीक लेठाङ खेरेप राहार डेया, “स्‍वर्ग र पृथ्‍वीयाङ पट्‍ट न अधिकार ङाकी याम्‍हने।

युहन्‍ना 17:24

“ए बोइ, ङा मीमन जाट्‍ले, नाकै ङाकी याछ भर्मीको जटी ङा कुला छान्‍ले होला ङाखाटा न छान्‍ख्‍यौ, र ङौ महीमा होखुरीकै डाङ्‍ख्‍यौ, कुसे महीमा संसारौ सृष्‍टि छान्‍की डेनाङ अगाडी लकीङ न नाकै ङाकी माया जाट्‍च बाटै याम्‍हन्‍या।

युहन्‍ना 17:6

“संसारलकीङ नाकै ङाकी याछ भर्मीकोलाक ङै नाकोकी चीन्‍डीयाक्‍ङ याम्‍हने। होखुरीक नाकुङ न लेया, अनी नाकै होखुरीक ङाकी याहा, र होखुरीकै नाकुङ बचन मन्‍डीमने।

युहन्‍ना 17:9

“ङा होखुरीकुङ लागी प्रार्थना जाट्‍ले। संसाराङ लेचकुङ लागी होइन, टर नाकै ङाकी याछ भर्मीकुङ लागी न ङा प्रार्थना जाट्‍ले, हीजैडेनाङ होखुरीक नाकुङ न हो।

युहन्‍ना 3:35

अनी बोये लहो मीजाकी माया जाट्‍ले, र पट्‍ट न ठोक होसकुङ मीहुटाङ याम्‍हने।

युहन्‍ना 4:14

टर ङै याछ डी गाचको चहीँ फेरी सेन्‍र डी मासोन्‍ल्‍हे। हीजैडेनाङ ङै याछ डी होसे भीत्री गीट्न ङुच डीयो मुल छान्‍ले र होचे होसकी सेन्‍र मासीच जीवन याल्‍हे।”

युहन्‍ना 6:27

नास छानार नुङ्‍च ज्‍याच ठोकौ लागी काम माजाट्‍नी, टर सेन्‍र मासीच जीवन याछ ज्‍याच ठोकौ लागी काम जाट्‍नी। इसे सेन्‍र मासीच जीवन याछ ज्‍याच ठोक नाखुरीककी भर्मीयो मीजै याल्‍हे हीजैडेनाङ परमेश्‍वर बोये इसे कामौ लागी होसकोकी अधिकार याम्‍हने।”

युहन्‍ना 6:37

बोये ङाकी याछको पट्‍ट न ङा लेठाङ राल्‍हे, र ङा लेठाङ राछको चहीँ सुकीर ङा ल्‍हेट्‍न माकाले।

युहन्‍ना 6:39

ङाकी बीर्‌न्‍हकाचौ इच्‍छा इसे न हो, होसकै ङाकी याछको मढ्‍याङ सुकीर माम्‍हास्‍की, टर होखुरीककी अन्‍टीम डीनाङ सीच लकीङ जीवाटाक्‍की हो।

१ टीमोठी 1:16

टर येशू ख्रीष्‍टै ङा मीटाक सेन्‍र माभ्‍याच कृपा टान्‍हाकार ङा ल्‍याक्‍च पट्‍ट डेनाङ पापीकी लोहो धैर्य टान्‍हाक्‍की होसकै ङाकी काट नमुना खासा। अनी इसे नमुना चहीँ ङा डेनाङ न्‍हुइङ ख्रीष्‍टकी विश्‍वास जाट्‍च र सेन्‍र मासीच जीवन डुप्‍च भर्मीकुङ लागी हो।

१ पट्‍रुस 3:22

होसको सीच लकीङ जीवाचपछी स्‍वर्गाङ नुङा र चाहाँ परमेश्‍वरौ डोरपट्‍टी ङुमने अनी पट्‍ट न स्‍वर्गदूत र स्‍वर्गाङ लेच अधिकार र शक्‍तिको होसकुङ अधिनाङ ले।

१ युहन्‍ना 1:2

जब होसे जीवन प्रकट छाना, टब कानै डाङा र कान गबाही याल्‍हे अनी नाखुरीककी र डेले, इसे सेन्‍र मासीच जीवन परमेश्‍वर बोइ खाटा लेया, र कान लेठाङ डाङा।

१ युहन्‍ना 2:25

अनी मीजै याल्‍हे डेयार काल्‍हा खाटा जाट्‍च प्रतिज्ञा चहीँ सेन्‍र मासीच जीवन न हो।

१ युहन्‍ना 5:20

अनी परमेश्‍वरौ मीजा राहा र होसकै कानकी साँचो परमेश्‍वरकी चीन्‍डीच ज्ञान याहा। इसे कुरा कानकी थाहा ले। कान होसकुङ मीजा येशू ख्रीष्‍ट खाटा लेचबाटै साँचो परमेश्‍वर खाटा ले। होसको न साँचो परमेश्‍वर र सेन्‍र मासीच जीवन याछ हो।

यहुडा 1:21

लाहाकी परमेश्‍वरौ प्रेमाङ डानी र सेन्‍र मासीच जीवनौ लागी कानुङ प्रभु येशू ख्रीष्‍टौ दयाकी लेन्‍नाङ इट जाट्‍नी।