युहन्‍ना 17:18 - पुर्वीय मगर

¹⁸ नाकै ङाकी संसाराङ बीर्‌न्‍हकानाङ लेखा न, ङै र होखुरीककी संसाराङ बीर्‌न्‍हकामने।

युहन्‍ना 17:18 ပူးပေါင်းရင်းမြစ်များ

मत्ती 10:5

येशूये होसे बार्‍ह जना प्रेरितकोलाक इट डेयार बीर्‌न्‍हका, “नाखुरीक अन्‍यजातिकुङ मीघ्‍याङ र सामरीकुङ सहरकोवाङ मानुङ्‍की।

मत्ती 23:34

होटबाटै ङा नाखुरीक लेठाङ अगमवक्‍ताको, बुद्धिमान भर्मीको र धर्मगुरुको बीर्‌न्‍हकाले। होखुरीक मध्‍याङ कुडीक जनाकी नाखुरीकै साट्‍ले र क्रूसाङ टङ्‍गडीले, अनी कुडीक जनाकी यहूदीकुङ सभाङुच इमकोवाङ कोर्‌रा ङाप्‍ले, र काट सहर लकीङ अर्‌को सहर सम्‍म सटडीले।

युहन्‍ना 17:21

होखुरीक पट्‍ट न काट छान्‍ख्‍यौ। ए बोइ, कुटजाट्‍न नाको ङाखाटा ले, र ङा नाकोखाटा ले, होटजाट्‍न न होखुरीक र कानखाटा काट न छान्‍ख्‍यौ, होटबाटै नाकै ङाकी बीर्‌न्‍हकाच हो डेयार संसारुङ भर्मीकै विश्‍वास जाट्‍ले।

युहन्‍ना 17:23

ङा होखुरीक खाटा र नाको ङाखाटा ले। होटजाट्‍न न होखुरीक र काट न छान्‍की य्‍होक्‍ख्‍यौ। टब नाकै ङाकी संसाराङ बीर्‌न्‍हकाच हो, र नाकै ङाकी माया जाट्‍नाङ लेखा न होखुरीककी र माया जाट्‍ले डेच कुरा संसारुङ भर्मीकै वार्‌ल्‍हे।

युहन्‍ना 17:25

“ए धार्मिक बोइ, संसारुङ भर्मीकै नाकोकी माचीन्‍डीले, टर ङा नाकोकी चीन्‍डीले, अनी नाकै ङाकी बीर्‌न्‍हकाच हो डेयार ङाकी डुट्‍चकै वार्‌ल्‍हे।

युहन्‍ना 17:3

अब सेन्‍र मासीच जीवन डेच इसे न हो, नाको काट मट्‍टै सत्‍य परमेश्‍वर हो डेम चीन्‍डीकी, र नाकै बीर्‌न्‍हकाच येशू ख्रीष्‍टकी र चीन्‍डीकी हो।

युहन्‍ना 17:8

हीजैडेनाङ कुसे बचन नाकै ङाकी याहा, होसे ङै होखुरीककी याम्‍हने, र होखुरीकै होसे ग्रहण जाट्‍नने। ङा नाकोलकीङ राछ हो डेच कुरा होखुरीकै साँच्‍ची न बुझडीस्‍नने। अनी नाकै ङाकी बीर्‌न्‍हकाच हो डेयार होखुरीकै विश्‍वास जाट्‍नने।

युहन्‍ना 20:21

येशूये फेरी होखुरीककी डेया, “नाखुरीककी शान्‍ति! कुटजाट्‍न ङाकी ङौ बोये बीर्‌न्‍हका, होटजाट्‍न न अब ङा र नाखुरीककी बीर्‌न्‍हकामन ले।”

युहन्‍ना 3:17

परमेश्‍वरै संसारुङ भर्मीकोलाक दोषी ठहरीकी डेयार लहो मीजाकी बीर्‌न्‍हकाच होइन, टर होखुरीककी जीवाक्‍की डेम बीर्‌न्‍हकाच हो।

युहन्‍ना 4:38

ङै नाखुरीककी कुला बाली चेकी बीर्‌न्‍हका, होला नाखुरीकै मारोप्‍डीमने। अरुकै न होला रोप्‍डीया, अनी होखुरीकै जाट्‍च कामौ फल नाखुरीकै डुप्‍मने।”