युहन्‍ना 17:17 - पुर्वीय मगर

¹⁷ होखुरीककी सत्‍यताङ पवित्र खास्‍न यान्‍ही, हीजैडेनाङ नाकुङ बचन सत्‍य ले।

युहन्‍ना 17:17 ပူးပေါင်းရင်းမြစ်များ

लुका 8:11

“इसे उखानौ अर्थ याङ्‍च हो। छोयो चहीँ परमेश्‍वरौ बचन हो।

लुका 8:15

टर असल झाङ पर्च छोयो चहीँ होकुरीक हो, बचन सेयार सेछ र भलो रीदयाङ जोगडीम डाले, होटै लेन्‍न र मीस्‍या स्‍याटाक्‍ले।

युहन्‍ना 15:3

कीसानै म्‍यार्‌टुङुङ हागाकोलाक छाट्‍डीयार सफा जाट्‍नाङ लेखा न ङै नाखुरीककी डेच बचनै नाखुरीक अघी न सफा छान्‍न भ्‍यामने।

युहन्‍ना 17:19

होटबाटै होखुरीक र सत्‍यताङ पवित्र छान्‍ख्‍यौ डेयार ङा ङाल्‍हाकी होखुरीकुङ लागी पवित्र खास्‍ले।

युहन्‍ना 8:32

टब नाखुरीकै सत्‍यकी चीन्‍डीले र सत्‍यै नाखुरीककी छुटकारा याल्‍हे।”

युहन्‍ना 8:40

ङै परमेश्‍वरलकीङ सेच सत्‍य कुरा नाखुरीककी सेटाक्‍नाङ च नाखुरीक ङाकी साट्‍की पाले। टर अब्राहामै च याङ्‍च काम माजाटा!

प्रेरित 15:9

अनी होसकै होखुरीक र काल्‍हौ मीघ्‍याङ हीर भेदभाव माडा टर होखुरीकुङ मीमन चहीँ विश्‍वासै शुद्ध खास्‍न याहा।

२ ठेसलोनीकी 2:13

प्रभुये माया जाट्‍च डाजेभाइको र डै बहीनीको, नाखुरीकुङ लागी कानै सधैँ धन्‍यवाद याखी न पर्‌ले, हीजैडेनाङ सुरुलकीङ न पवित्र आत्‍मौ पवित्र खास्‍च काम लकीङ र सत्‍यतामीटाक विश्‍वासलकीङ जीवाकी परमेश्‍वरै नाखुरीककी चुन्‍डीया।

याकुब 1:21

होटबाटै पट्‍ट न मास्‍च स्‍वभाव र झीर्‌न सेच दुष्‍ट कुराकोलाक हटडीनी। नम्र छानार नाखुरीकुङ रीदयाङ परमेश्‍वरै डाम याछ बचनकी स्‍वीकार जाट्‍नी, हीजैडेनाङ होसे बचनै नाखुरीककी जीवाटाक्‍‍की य्‍होक्‍ले।