युहन्‍ना 17:11 - पुर्वीय मगर

¹¹ अब ङा नाकोलेठाङ राम्‍हन ले। ङा इसे संसाराङ माङुले, टर इखुरीक च इसे संसाराङ ङुले। ए पवित्र बोइ, होटबाटै नाको र ङा काट छान्‍नाङ लेखा न नाकै ङाकी याछको र काट छान्‍की य्‍होक्‍ख्‍यौ डेम कुसे म्‍यार्‌मीन नाकै ङाकी याम्‍हने, होसे म्‍यार्‌मीनौ शक्‍तिये होखुरीककी जोगडीम डानी।

युहन्‍ना 17:11 ပူးပေါင်းရင်းမြစ်များ

मत्ती 10:16

“सेनी, ङा नाखुरीककी सीलाकुङ मीघ्‍याङ भेडाकी बीर्‌न्‍हकानाङ लेखा न बीर्‌न्‍हकामन ले। होटबाटै नाखुरीक बुल लेखा चङ्‍ख र ढुकुर लेखा सोझो छान्‍नी।

मत्ती 5:48

कुटजाट्‍न नाखुरीकुङ स्‍वर्गाङ लेच बोइ सिद्ध ले, होटजाट्‍न न नाखुरीक र पट्‍ट कुराङ सिद्ध छान्‍नी।”

मत्ती 6:9

टर नाखुरीक चहीँ इटजाट्‍न प्रार्थना जाट्‍नी: ‘ए स्‍वर्गाङ लेच कानुङ परमेश्‍वर बोइ, नाको पवित्र परमेश्‍वर हो डेम भर्मीकै वार्‌ख्‍यो।

युहन्‍ना 13:1

अब यहूदीकुङ इसे छुटकारौ चाड अघी संसारलकीङ बिदा छानार बोइ लेठाङ नुङ्‍च बेला छान्‍नने डेच कुरा येशूकी थाहा लेया। होसकै संसाराङ लेच लहो चेलाकोलाक सढैँ माया जाट्‍नन्‍या, अनी होखुरीककी अन्‍टीम समय सम्‍म न माया जाटा।

युहन्‍ना 13:3

बोये लाहाकी पट्‍ट ठोकौ अधिकार याम्‍हने डेच कुरा येशूकी थाहा लेया, र परमेश्‍वरलकीङ राछ हो र परमेश्‍वर लेठाङ न ल्‍हेस्‍न न ले डेच कुरा र होसकोकी थाहा लेया।

युहन्‍ना 14:20

अनी होसनीक नाखुरीकै बुझडीस्‍ले, ङा ङौ बोइखाटा ले, र नाखुरीक ङा खाटा ले, र ङा नाखुरीकखाटा ले।

युहन्‍ना 16:28

ङा परमेश्‍वर बोइलकीङ न संसाराङ राछ हो, अब ङा संसारकी डासार परमेश्‍वर बोइ लेठाङ न ल्‍हेस्‍न नुङ्‍ङन ले।”

युहन्‍ना 16:33

“नाखुरीक ङाखाटा लेचबाटै शान्‍ति डुप्‍की य्‍होक्‍नी डेम न ङै नाखुरीककी इसे पट्‍ट न कुरा डेच हो। संसाराङ नाखुरीककी सङ्कष्‍ट छान्‍ले, टर साहस जाट्‍नी हीजैडेनाङ ङै संसारकी जुमने।”

युहन्‍ना 17:23

ङा होखुरीक खाटा र नाको ङाखाटा ले। होटजाट्‍न न होखुरीक र काट न छान्‍की य्‍होक्‍ख्‍यौ। टब नाकै ङाकी संसाराङ बीर्‌न्‍हकाच हो, र नाकै ङाकी माया जाट्‍नाङ लेखा न होखुरीककी र माया जाट्‍ले डेच कुरा संसारुङ भर्मीकै वार्‌ल्‍हे।

युहन्‍ना 17:25

“ए धार्मिक बोइ, संसारुङ भर्मीकै नाकोकी माचीन्‍डीले, टर ङा नाकोकी चीन्‍डीले, अनी नाकै ङाकी बीर्‌न्‍हकाच हो डेयार ङाकी डुट्‍चकै वार्‌ल्‍हे।

युहन्‍ना 17:6

“संसारलकीङ नाकै ङाकी याछ भर्मीकोलाक ङै नाकोकी चीन्‍डीयाक्‍ङ याम्‍हने। होखुरीक नाकुङ न लेया, अनी नाकै होखुरीक ङाकी याहा, र होखुरीकै नाकुङ बचन मन्‍डीमने।

युहन्‍ना 7:33

टर येशूये डेया, “ङा अझै र नाखुरीक खाटा काटछीन ङुले होटै न्‍हुइङ ङाकी बीर्‌न्‍हकाच लेठाङ ङा ल्‍हेसार नुङ्‍ले।

प्रेरित 3:21

टर परमेश्‍वरै खायाक लकीङ लहो पवित्र अगमवक्‍ताकुङ मेङेरीङ ङाक्‍च पट्‍ट न कुराको नयाँ खास्‍च समय मार्‍हाठर येशू स्‍वर्गाङ न ङुकी पर्‌ले।

याकुब 4:4

ए व्‍यभिचारी भर्मीको! संसारकी लाफा खास्‍चको परमेश्‍वरौ शत्रु छान्‍ले डेच कुरा नाखुरीककी ठाहा माले? संसारकी लाफा खास्‍की पाचये लाहाकी न परमेश्‍वरौ शत्रु खास्‍ले।

१ पट्‍रुस 1:5

विश्‍वास जाट्‍च बाटै नाखुरीककी परमेश्‍वरौ शक्‍तिये जब सम्‍म मुक्‍ति माडुप्‍ले होडीक बेला सम्‍म जोगडीम डाले। होसे मुक्‍ति नाखुरीकुङ लागी टयार जाट्‍नने र समयौ अन्‍टीमाङ होसे डाङ्‍ले।

१ युहन्‍ना 3:12

नाखुरीक कयीन ल्‍याक्‍च छान्‍की माछान्‍ने। होसे शैतानलकीङ राछ भर्मी लेया र होचे लहो भाइ हाबीलकी साटा। होचे लहो भाइकी हीजै साटा? हीजैडेनाङ होच्‍यौ कामको दुष्‍ट लेया, टर भायो कामको चहीँ असल लेया।

१ युहन्‍ना 5:19

संसार न शैतानौ अधिनाङ लेनाङ र कान चहीँ परमेश्‍वरौ सन्‍टान हो डेच कुरा कानकी थाहा ले।

यहुडा 1:1

ङा येशू ख्रीष्‍टौ डास र याकुबौ भाइ यहूदा लकीङ। परमेश्‍वर बोये चुन्‍डीयार प्रेम जाट्‍च, र येशू ख्रीष्‍टौ लागी सुरक्षा याछ नाखुरीक पट्‍टकी ङा इसे चीठी रीक्‍ङन ले।

यहुडा 1:24

अब परमेश्‍वर बोइ मेखोलै न नाखुरीककी पापाङ पर्‌की लकीङ जीवाटाक्‍की य्‍होक्‍ले, र पाप न मालेच नीस्‍कलङ्‍क खासार अनी बाड्‍को आनन्‍द खाटा लहौ महीमौ अघी आल्‍खी य्‍होक्‍ले,