युहन्‍ना 17:1 - पुर्वीय मगर

¹ इसे कुरा डेम भ्‍याच पछी येशूये स्‍वर्गपट्‍टी ङोसार डेया, “ए बोइ, अब समय राम्‍ह भ्‍यामने। नाकुङ मीजै नाकुङ महीमा टान्‍हाक्‍की य्‍होक्‍ख्‍यौ डेयार होसकी महीमा यान्‍ही।

युहन्‍ना 17:1 ပူးပေါင်းရင်းမြစ်များ

मर्कूस 14:41

येशू फेरी सोम खेपाङ रान्‍हाङ होखुरीककी डेया, “ही नाखुरीक अझै र मीमीक झ्‍युक्‍ङन ले? अब सोनी बेला राहा। ङोस्‍नी, भर्मीयो मीजाकी पापीकुङ मीहुटाङ घोवाक्‍ङ याछ बेला छान्‍न ने।

लुका 18:13

टर कर सोट्‍च भर्मी चहीँ लोस न टोङ्‌हार स्‍वर्गलाक ङोस्‍की आट माजाट्‍न लहो छाटीयाङ हीड्‍कडीचै डेया, ‘हे परमेश्‍वर, ङा ल्याक्च पापी मीटाक दया जाट्‍न यान्‍ही!’”

लुका 22:53

ङा परमेश्‍वरौ मन्‍दिराङ डीनहुँ नाखुरीक खाटा लेया। होडीक बेला च नाखुरीकै ङाकी माघोवा। टर अब छुम्‍छौ शक्‍तिये शासन जाट्‍नाङ नाखुरीकुङ काम जाट्‍च समय हो।”

युहन्‍ना 11:4

येशूये इसे खबर सेयार डेया, “लाजरस छाकी च छामने, टर होसे मासीले। इसे परमेश्‍वरौ महीमौ लागी छान्‍च हो, र इसे लकीङ भर्मीकै परमेश्‍वरौ मीजौ महीमा जाट्‍ले।”

युहन्‍ना 11:41

होटै न्‍हुइङ होखुरीकै चीहानौ मेङेरुङ ल्‍हुङ हटडीम याहा, अनी येशूये ढेम्‍लाक ङोसार डेया, “ए परमेश्‍वर बोइ, ङा नाकोकी धन्‍यवाद याल्‍हे, हीजैडेनाङ नाकै ङौ बिन्‍ती सेम याहा।

युहन्‍ना 12:23

येशूये होखुरीककी डेया, “अब भर्मीयो मीजौ महीमा छान्‍च बेला राम्‍हन ले।

युहन्‍ना 13:1

अब यहूदीकुङ इसे छुटकारौ चाड अघी संसारलकीङ बिदा छानार बोइ लेठाङ नुङ्‍च बेला छान्‍नने डेच कुरा येशूकी थाहा लेया। होसकै संसाराङ लेच लहो चेलाकोलाक सढैँ माया जाट्‍नन्‍या, अनी होखुरीककी अन्‍टीम समय सम्‍म न माया जाटा।

युहन्‍ना 16:32

टर सेनी, याङ्‍च समय राम्‍हन ले र खेरेप राम्‍हभ्‍यामने, होडीक बेला नाखुरीक पट्‍ट न टीटरबीटर छान्‍ले। नाखुरीक लाहा-लहो इमाङ नुङ्‍ले र ङाकी लाहा काट्‍न डास्‍ले। टर ङा ङाल्‍हाकाट न माले, हीजैडेनाङ बोइ ङा खाटा ले।

युहन्‍ना 7:30

येशूकी यहूदी अगुवाकै घोकी पा, टर सुयेर होसकोकी मीहुट काकी माय्‍होका, हीजैडेनाङ होसकुङ समय अझै मार्‍हामन्‍या।

युहन्‍ना 7:39

इसे कुरा चहीँ येशूये पवित्र आट्‍मौ बारेयाङ डेमन्‍या, होसको मीटाक विश्‍वास जाट्‍चकै जटी होसे पवित्र आत्‍मा डुप्‍की पामन्‍या। पवित्र आत्‍मा चाँहा सम्‍म माय्‍हामन्‍या, हीजैडेनाङ चाँहा सम्‍म येशू लहो महीमाङ स्‍वर्गाङ माल्‍हेस्‍नन्‍या।

युहन्‍ना 8:20

येशूये इसे कुराको परमेश्‍वरौ मन्‍दिराङ शिक्षा यान्‍हाङ भेटी काच बाकसौ छेवाङ डेच हो। टर सुयेर होसकोकी माघोवा, हीजैडेनाङ होसकुङ समय माटार्‍हामन्‍या।

प्रेरित 3:13

अब्राहाम, इसहाक र याकुबौ परमेश्‍वर, कानुङ पुर्खाकुङ परमेश्‍वरै लहो सेवक येशूकी महीमीत पार्‍या। नाखुरीकै चहीँ होसे न येशूकी घोवाका र पिलातसै होसकोकी डास्‍न याछ बीचार जाट्‍नाङ र नाखुरीक होसकुङ न म्‍याहासाङ मामन्‍डीया।

१ पट्‍रुस 1:21

होसको लकीङ न नाखुरीकै परमेश्‍वर मीटाक विश्‍वास जाटा, सुये ख्रीष्‍टकी सीच लकीङ जीवाटाकार होसकोकी महीमीत पार्‌या। होटबाटै नाखुरीकुङ आशा र भरोसा परमेश्‍वर मीटाक ले।