युहन्‍ना 16:33 - पुर्वीय मगर

³³ “नाखुरीक ङाखाटा लेचबाटै शान्‍ति डुप्‍की य्‍होक्‍नी डेम न ङै नाखुरीककी इसे पट्‍ट न कुरा डेच हो। संसाराङ नाखुरीककी सङ्कष्‍ट छान्‍ले, टर साहस जाट्‍नी हीजैडेनाङ ङै संसारकी जुमने।”

युहन्‍ना 16:33 ပူးပေါင်းရင်းမြစ်များ

मत्ती 9:2

भर्मीकै पक्षाघातै छाम ओछ्‍यानाङ पर्च काट भर्मीकी खाट खाटा न बुवार येशू लेठाङ राका। होसकै होखुरीकुङ विश्‍वास डाङार पक्षाघात छान्‍चकी डेया, “ए मीजा, साहस जाटो, नुओ पाप क्षमा छान्‍नने।”

लुका 19:38

“प्रभु परमेश्‍वरौ म्‍यार्‌मीनाङ राछ राजा आसीस डुप्‍च हो। स्‍वर्गाङ शान्‍ति र प्रभु परमेश्‍वरौ महीमा अट छानै।”

लुका 2:14

“सर्वोच्‍चोवाङ परमेश्‍वरकी महीमा, र पुथ्‍वीयाङ होसे भर्मीको खाटा मार्‍हाङ्‍नने होखुरीककी शान्‍ति।”

युहन्‍ना 12:31

अब इसे संसारकी न्‍याय जाट्‍च बेला छान्‍नने। अनी इसे संसारुङ सासक शैतानकी बाहीर लोल्‍हे।

युहन्‍ना 14:1

येशूये फेरी चेलाकोलाक डेया, “नाखुरीकुङ मीमन ब्‍याकुल माछान्‍ख्‍यौ। नाखुरीकै लहो भरोसा परमेश्‍वर मीटाक डानी र ङामीटाक र डानी।

युहन्‍ना 14:27

“ङा नाखुरीकखाटा शान्‍ति डास्‍न डार नुङ्‍ले। ङा ङाल्‍हौ शान्‍ति नाखुरीककी याल्‍हे। संसारै याछ ल्‍याक्‍च शान्‍ति होइन। नाखुरीकुङ मीमन ब्‍याकुल छान्‍की माय्‍हानी र माबीर्‍हीनी।

युहन्‍ना 16:11

अनी होसकै परमेश्‍वरौ न्‍याय ही हो डेच बारेयाङ टान्‍हाक्‍ङ याल्‍हे, हीजैडेनाङ इसे संसारुङ सासक शैतानकी दण्‍ड आज्ञा छान्‍न भ्‍यामने।

प्रेरित 14:22

विश्‍वासीकुङ आत्‍माकी बलीयो खास्‍चै होखुरीककी विश्‍वासाङ ङुमङुकी डेम अर्ती याहा र “वास्‍टै कष्‍ट सहडीयार कान परमेश्‍वरौ राज्‍याङ पर्‌की पर्‌ले” डेयार होखुरीककी पाहाका।

प्रेरित 23:11

छीनी नाबीक प्रभुये पावलौ खेरेप टोङ्‍हार डेया, “पावल, साहास जाटो! कुटजाट्‍न नीये यरूशलेमाङ ङौ विषयाङ गबाही याहा, होटजाट्‍न न नीये रोमाङ र गबाही याखी पर्‌ले।”

प्रेरित 27:22

टर ङा नाखुरीककी डेले, अब साहस जाट्‍नी। नाखुरीक मढ्‍य सुओर ज्‍यान मानुङ्‌ले। टर जहाज चहीँ नस्‍ट छान्‍ले।

प्रेरित 27:25

होटबाटै लाफाको, साहस जाट्‍नी। हीजैडेनाङ ङा परमेश्‍वराङ विश्‍वास जाट्‍ले, की ङाकी कुङ्‍च डेम ने, ठीक होङ्‍च न छान्‍ने।

प्रेरित 9:31

यहूदिया, गालील र सामरीयुङ पट्‍ट न मण्‍डलीकोवाङ शान्‍ति छानार मण्‍डलीको बलीयो छाना। होखुरीक प्रभुखाटा बीर्‍हीमन्‍या र होखुरीककी पवित्र आत्‍मै उत्‍साह याहा होटबाटै मण्‍डलीयाङ भर्मीको ठप्‍डीस्‍चै नुङा।

१ ठेसलोनीकी 3:4

हीजैडेनाङ कानै नाखुरीकखाटा लेच बेलाङ अघीलकीङ न याङ्‍च कष्‍टको राल्‍हे। साँच्‍ची न होङ्‍च न छानार इसे कुरा नाखुरीककी ठाहा ले।

१ ठेसलोनीकी 3:7

होटबाटै ङौ डाजेभाइको र डै बहीनीको, नाखुरीकुङ बलीयो विश्‍वासौ खबर सेयार कानुङ पट्‍ट न डुख र नीरासौ बेलाङ र कानकी खुसी सेमने।

२ ठेसलोनीकी 3:16

अब कानकी शान्‍ति याछ प्रभु लहे न सधैँ नाखुरीककी पट्‍ट न कीसीमै शान्‍ति याख्‍यौ। नाखुरीक पट्‍टको खाटा प्रभु ङुख्‍यौ।

२ टीमोठी 3:12

सुये ख्रीष्‍ट येशूवाङ विश्‍वास जाटार सेछ जीवन जीवाच इच्‍छा जाट्‍ले होखुरीक पट्‍ट न सटावटाङ पर्‌ले।

१ पट्‍रुस 5:9

विश्‍वासाङ बलीयो छानार शैतानकी विरोध जाट्‍नी हीजैडेनाङ नाखुरीकुङ लेखा न संसारभरीयुङ न विश्‍वासी डाजेभाइको र डै बहीनीकै र डुख भोक्‍डीकी पर्‌नने डेच कुरा नाखुरीककी ठाहा ले।

१ युहन्‍ना 2:13

बोइको, सुरुलकीङ न लेच ख्रीष्‍टकी नाखुरीकै चीन्‍डीले होटबाटै ङा नाखुरीककी रीक्‍ङन ले। जवान भर्मीको, नाखुरीकै दुष्‍ट शैतानकी जुमने होटबाटै ङा नाखुरीककी रीक्‍ङन ले।

१ युहन्‍ना 4:4

ए ङौ मार्‌जा बालखको, नाखुरीक च परमेश्‍वरौ सन्‍टानको हो र नाखुरीकै झुटो अगमवक्‍ताकोलाक जुमने हीजैडेनाङ नाखुरीकखाटा लेच पवित्र आत्‍मा चहीँ संसारुङ भर्मीकोखाटा लेच आत्‍मा डेनाङ शक्‍तिसाली ले।

१ युहन्‍ना 5:4

हीजैडेनाङ परमेश्‍वरौ सन्‍टानको काट-काट जनै दुष्‍ट संसारकी जुकी य्‍होक्‍ले। कानुङ विश्‍वासै न कान संसारकी जुले।