युहन्‍ना 16:32 - पुर्वीय मगर

³² टर सेनी, याङ्‍च समय राम्‍हन ले र खेरेप राम्‍हभ्‍यामने, होडीक बेला नाखुरीक पट्‍ट न टीटरबीटर छान्‍ले। नाखुरीक लाहा-लहो इमाङ नुङ्‍ले र ङाकी लाहा काट्‍न डास्‍ले। टर ङा ङाल्‍हाकाट न माले, हीजैडेनाङ बोइ ङा खाटा ले।

युहन्‍ना 16:32 ပူးပေါင်းရင်းမြစ်များ

मत्ती 26:31

होडीक बेला येशूये चेलाकोलाक डेया, “छीनी नाबीक नाखुरीक पट्‍टको ङाकी डासार भोग्‍डीस्‍ले। हीजैडेनाङ धर्मशास्‍त्राङ याङ्‍च रीक्‍ङ ने, ‘ङा गोठ्‍लाकी साट्‍ले, अनी बगालुङ भेडाको पट्‍ट पट्‍टी छरपस्‍ट छान्‍ले।’

मत्ती 26:56

टर अगमवक्‍ताकै धर्मशास्‍त्राङ रीक्‍च कुराको पुरा छान्‍ख्‍यो डेम इसे पट्‍ट न छान्‍न राछ हो।” टब होडीक न बेला पट्‍ट न चेलाको येशूकी डासार भोग्‍डीसा।

मर्कूस 14:27

अनी येशूये चेलाकोलाक डेया, “नाखुरीक पट्‍ट न ङाकी डासार भोग्‍डीस्‍ले हीजैडेनाङ धर्मशास्‍त्राङ याङ्‍च रीक्‍ङने, ‘ङा गोठ्‍लाकी साट्‍ले र भेडाको टीटरबीटर छान्‍ले।’

मर्कूस 14:50

होडीक न बेला पट्‍ट चेलाको येशूकी डासार भोग्‍डीसा।

युहन्‍ना 12:23

येशूये होखुरीककी डेया, “अब भर्मीयो मीजौ महीमा छान्‍च बेला राम्‍हन ले।

युहन्‍ना 16:2

होखुरीकै नाखुरीककी यहूदी सभाङुच इमलकीङ छ्‍युक्‍ङ याल्‍हे। अनी याङ्‍च समय र राल्‍हे, जब नाखुरीककी साट्‍चकै परमेश्‍वरौ सेवा जाट्‍न न ले डेम आर्‌मीट्‍ले।

युहन्‍ना 16:25

“इसे कुरा ङै नाखुरीककी उदाहरणाङ डेमने। टर समय राम्‍हन ले, होडीक बेला चहीँ ङा नाखुरीकखाटा फेरी उदाहरणाङ माङाक्‍ले, टर ङौ बोयो बारेयाङ नाखुरीककी छर्‌लङ्‍ग खाटा डेम याल्‍हे।

युहन्‍ना 16:31

येशूये होखुरीककी डेया, “ही नाखुरीक साँच्‍ची न अब विश्‍वास जाट्‍ले?

युहन्‍ना 19:27

टब होसे चेलाकी र होसकै डेया, “ङोसो, नुओ मोइ।” होडीक बेला लकीङ होसे चेलै येशूओ मोइ मरीयमकी लहो इमाङ आल्‍हा।

युहन्‍ना 20:10

होटै होसे नीस जना चेलाको लहो इमाङ ल्‍हेसा।

युहन्‍ना 4:21

येशूये होसे मास्‍टो भर्मीकी डेया, “ङै डेच कुराङ विश्‍वास जाट्‍नी, होसे बेला राम्‍हन ले, जब नाखुरीक परमेश्‍वर बोइकी आराधना जाट्‍की न इसे डाँडाङ न यरूशलेमाङ नुङ्‍ले।

युहन्‍ना 4:23

टर बेला राम्‍हन ले र होसे बेला चाँहा न हो, जब साँचो आराधना जाट्‍चकै परमेश्‍वर बोइकी आत्‍मा र सत्‍यताङ आराधना जाट्‍ले। हीजैडेनाङ परमेश्‍वर बोये याङ्‍च न आराधना जाट्‍चकोलाक पाले।

युहन्‍ना 5:25

साँच्‍ची न ङा नाखुरीककी डेले, काट समय राम्‍हन ले, बास्‍टबाङ होसे समय चाँहा न राम्‍हभ्‍यामने जब सीम भ्‍याचकै परमेश्‍वरौ मीजौ सोर सेले, र सुये होसे सेले होखुरीकै चहीँ सेन्‍र मासीच जीवन डुप्‍ले।

युहन्‍ना 5:28

इसे कुराङ नाखुरीक अचम्‍म मामन्‍डीनी, हीजैडेनाङ काट समय राम्‍हन ले, होडीक बेला पट्‍ट न सीचकै भर्मीयो मीजौ सोर सेले,

युहन्‍ना 8:16

इडीक ङै न्‍याय जाटा डेनाङ र ङै जाट्‍च न्‍याय चहीँ सत्‍य ठहरीस्‍ले। हीजैडेनाङ ङा ङाल्‍हा काटै न न्‍याय माजाट्‍ले टर ङाकी बीर्‌न्‍हकाच बोइ ङा खाटा ले।

युहन्‍ना 8:29

ङाकी बीर्‌न्‍हकाच ङा खाटा न ले, होसकै ङाकी ङाल्‍हा काट न माडास्‍नने, हीजैडेनाङ ङा सढैँ होसकोकी खुसी पार्‌च काम जाट्‍ले।”

प्रेरित 21:6

होटै न्‍हुइङ होखुरीक पट्‍टको खाटा कान भा। अनी कान जहाजाङ काल्‍हा र होखुरीक चहीँ लहो इमाङ ल्‍हेसा।

प्रेरित 8:1

स्‍तिफनसकी साट्‍नाङ साउल र खाट्‍नन्‍या। होसे डीनलकीङ न यरूशलेमाङ लेच मण्‍डलीयो विरोधाङ बाड्‍को सटावट सुरु छाना। प्रेरितको बाहेक अरु चेलाको पट्‍ट न भोग्‍डीसार यहूदिया र सामरीया इलाका पट्‍टी छरपस्‍ट छाना।