युहन्‍ना 16:28 - पुर्वीय मगर

²⁸ ङा परमेश्‍वर बोइलकीङ न संसाराङ राछ हो, अब ङा संसारकी डासार परमेश्‍वर बोइ लेठाङ न ल्‍हेस्‍न नुङ्‍ङन ले।”

युहन्‍ना 16:28 ပူးပေါင်းရင်းမြစ်များ

लुका 24:51

आसीस यान्‍हाङ-यान्‍हाङ न होसको होखुरीक लकीङ भा होटै स्‍वर्गाङ गाराङ्‍ङ आल्‍हा।

लुका 9:51

येशूओ स्‍वर्ग नुङ्‍च बेला खेरेप छान्‍चै राछबाटै होसको यरूशलेमाङ मानुङ्‍ङ माडास्‍ले डेम मीमन जाटा।

युहन्‍ना 13:1

अब यहूदीकुङ इसे छुटकारौ चाड अघी संसारलकीङ बिदा छानार बोइ लेठाङ नुङ्‍च बेला छान्‍नने डेच कुरा येशूकी थाहा लेया। होसकै संसाराङ लेच लहो चेलाकोलाक सढैँ माया जाट्‍नन्‍या, अनी होखुरीककी अन्‍टीम समय सम्‍म न माया जाटा।

युहन्‍ना 13:3

बोये लाहाकी पट्‍ट ठोकौ अधिकार याम्‍हने डेच कुरा येशूकी थाहा लेया, र परमेश्‍वरलकीङ राछ हो र परमेश्‍वर लेठाङ न ल्‍हेस्‍न न ले डेच कुरा र होसकोकी थाहा लेया।

युहन्‍ना 14:28

ङै ‘ङा नुङ्‍ङन ले, अनी फेरी ङा नाखुरीक लेठाङ ल्‍हेसार राल्‍हे’ डेच कुरा नाखुरीकै सेया। इडीक नाखुरीकै ङाकी साँच्‍ची न माया जाट्‍च लेनाङ ङा बोइ लेठाङ नुङ्‍ङन ले डेच कुरा सेयार नाखुरीक मार्‍हाङ्‍छ लेया, हीजैडेनाङ बोइ ङा डेनाङ महान ले।

युहन्‍ना 16:10

अनी होसकै परमेश्‍वरौ अगाडी ही ठीक ले, होसे कुरा टान्‍हाक्‍ङ याल्‍हे, हीजैडेनाङ ङा बोइलेठाङ नुङ्‍ले, र फेरी नाखुरीकै ङाकी माडाङ्‍ले।

युहन्‍ना 16:16

“कालप बेर न्‍हुइङ ङाकी फेरी नाखुरीकै माडाङ्‍ले, अनी कालप बेर न्‍हुइङ फेरी ङाकी डाङ्‍ले।”

युहन्‍ना 16:30

अब कानै बुझडीसा, नाकै पट्‍ट न कुरा वार्‌ल्‍हे। अब नाकोकी सुयेर गीन्‍की मापर्‌ले। होटबाटै नाको परमेश्‍वरलकीङ न राछ हो डेयार कान नाकोकी विश्‍वास जाट्‍ले।”

युहन्‍ना 16:5

“अब चहीँ ङाकी बीर्‌न्‍हकाच लेठाङ ङा नुङ्‍ले, टर ‘नाको कुला नुङ्‌ङन ले?’ डेयार नाखुरीक सुयेर ङाकी मागीन्‍ने।

युहन्‍ना 17:11

अब ङा नाकोलेठाङ राम्‍हन ले। ङा इसे संसाराङ माङुले, टर इखुरीक च इसे संसाराङ ङुले। ए पवित्र बोइ, होटबाटै नाको र ङा काट छान्‍नाङ लेखा न नाकै ङाकी याछको र काट छान्‍की य्‍होक्‍ख्‍यौ डेम कुसे म्‍यार्‌मीन नाकै ङाकी याम्‍हने, होसे म्‍यार्‌मीनौ शक्‍तिये होखुरीककी जोगडीम डानी।

युहन्‍ना 17:13

“अब ङा नाकोलेठाङ राम्‍हन ले। होखुरीक ङौ आनन्‍दै न्‍हेप्‍ख्‍यौ डेयार ङै इसे कुराको ङा संसाराङ लेनाङ न होखुरीककी डेम याम्‍हने।

युहन्‍ना 17:5

ए बोइ, संसार सृष्‍टि छान्‍की डेनाङ अघी नाकोखाटा लेनाङ ङौ कुसे महीमा लेया, अब होसे न महीमा नाकुङ म्‍याहासाङ डार ङाकी यान्‍ही।

युहन्‍ना 8:14

येशूये होखुरीककी जवाफ याहा, “ङै ङाल्‍हौ न बारेयाङ गबाही यान्‍हाङ र ङै डेच कुरा सत्‍य हो, हीजैडेनाङ ङा कुटै राछ हो अनी कुला नुङ्‍ङ न ले, होसे ङाकी थाहा ले। टर नाखुरीककी चहीँ इसे कुरा थाहा माले।

युहन्‍ना 8:42

येशूये होखुरीककी डेया, “इडीक परमेश्‍वर नाखुरीकुङ बोइ हो डेनाङ च नाखुरीकै ङाकी माया जाट्‍च लेया, हीजैडेनाङ ङा परमेश्‍वर लकीङ राछ हो। ङाल्‍हौ इच्‍छाङ राछ होइन, होसकै न ङाकी बीर्‌न्‍हकाच हो।