युहन्‍ना 16:27 - पुर्वीय मगर

²⁷ हीजैडेनाङ बोइ मेखोलै न नाखुरीककी माया जाट्‍ले, हीजैडेनाङ नाखुरीकै ङाकी माया जाट्‍नने, अनी ङा परमेश्‍वर लकीङ राछ हो डेम नाखुरीकै विश्‍वास जाट्‍नने।

युहन्‍ना 16:27 ပူးပေါင်းရင်းမြစ်များ

मत्ती 10:37

“सुये ङाकी डेनाङ वास्‍टै लहो मोइ-बोइकी माया जाट्‍ले, होसे ङौ चेला छान्‍की ज्‍योस्‍च माछान्‍ले। होटजाट्‍न न सुये ङाकी डेनाङ वास्‍टै लहो मीजाकोलाक माया जाट्‍ले, होसे र ङौ चेला छान्‍की ज्‍योस्‍च माछान्‍ले।

युहन्‍ना 14:21

ङौ आज्ञाको मन्‍डीच न ङाकी माया जाट्‍च भर्मी हो। अनी ङाकी माया जाट्‍चकी ङौ बोये र माया जाट्‍ले। ङा होसकी माया जाट्‍ले, र होसे लेठाङ डाङ्‍ले।”

युहन्‍ना 14:23

येशूये होसकी डेया, “ङाकी माया जाट्‍चकै ङौ शिक्षाकी मन्‍डीले। ङौ बोये होखुरीककी माया जाट्‍ले, अनी बोइ र ङा होखुरीक लेठाङ राहार होखुरीक खाटा ङुले।

युहन्‍ना 16:30

अब कानै बुझडीसा, नाकै पट्‍ट न कुरा वार्‌ल्‍हे। अब नाकोकी सुयेर गीन्‍की मापर्‌ले। होटबाटै नाको परमेश्‍वरलकीङ न राछ हो डेयार कान नाकोकी विश्‍वास जाट्‍ले।”

युहन्‍ना 17:23

ङा होखुरीक खाटा र नाको ङाखाटा ले। होटजाट्‍न न होखुरीक र काट न छान्‍की य्‍होक्‍ख्‍यौ। टब नाकै ङाकी संसाराङ बीर्‌न्‍हकाच हो, र नाकै ङाकी माया जाट्‍नाङ लेखा न होखुरीककी र माया जाट्‍ले डेच कुरा संसारुङ भर्मीकै वार्‌ल्‍हे।

युहन्‍ना 2:11

येशूये जाट्‍च अचम्‍मौ चीन्‍हको मढ्‍याङ इसे पहीलो चीन्‍ह होसकै गालीलुङ काना सहराङ जाट्‍च हो। इटजाट्‍न होसकै लहो महीमा टान्‍हाका, र होसकुङ चेलाकै होसको मीटाक विश्‍वास जाटा।

युहन्‍ना 3:13

स्‍वर्ग लकीङ झाल्‍न राछ भर्मीयो मीजा बाहेक अरु सुर ढेनाम स्‍वर्गाङ मानुङ्‍ने।

युहन्‍ना 7:29

टर ङा होसकोकी चीन्‍डीले, हीजैडेनाङ ङा होसको लकीङ न राछ हो, अनी होसकै न ङाकी बीर्‌न्‍हकाच हो।”

युहन्‍ना 8:42

येशूये होखुरीककी डेया, “इडीक परमेश्‍वर नाखुरीकुङ बोइ हो डेनाङ च नाखुरीकै ङाकी माया जाट्‍च लेया, हीजैडेनाङ ङा परमेश्‍वर लकीङ राछ हो। ङाल्‍हौ इच्‍छाङ राछ होइन, होसकै न ङाकी बीर्‌न्‍हकाच हो।

१ टीमोठी 1:15

ख्रीष्‍ट येशू पापीकोलाक जीवाक्‍की संसाराङ राछ हो, इसे कुरा पट्‍टये मन्‍डीकी पर्च सत्‍य कुरा हो। अनी पापीको मढ्‍याङ ङा चहीँ पट्‍ट डेनाङ पापी हो।

१ पट्‍रुस 1:8

नाखुरीकै येशू ख्रीष्‍टकी माडाङ्‌नाङ र प्रेम जाट्‍नने। होसकोकी नाखुरीकै माडाङ्‍ने र पनी होसको मीटाक विश्‍वास जाट्‍नने। अनी बयान न जाट्‍की माय्‍होक्‍च बाड्‍को महीमीत आनन्‍दये नाखुरीकुङ मीमन न्‍हेप्‍मने।

१ युहन्‍ना 4:19

काल्‍हाको परमेश्‍वरकी प्रेम जाट्‍ले, हीजैडेनाङ पहीला होसकै न कानकी प्रेम जाटा।