26 होडीक बेला नाखुरीक लहे न ङौ म्यार्मीनाङ ङेल्हे। अनी ङै नाखुरीकुङ लागी बोइखाटा ङेम्ह याखी मापर्ले,
अनी ङा बोइखाटा बिन्ती जाट्ले, र होसकै नाखुरीकुङ लागी अर्को काट जना सल्हाकार बीर्न्हकाले, र होसको चहीँ नाखुरीक खाटा सढैँ भरी ङुले।
अनी होसनीक नाखुरीकै बुझडीस्ले, ङा ङौ बोइखाटा ले, र नाखुरीक ङा खाटा ले, र ङा नाखुरीकखाटा ले।
होखुरीकै इसे कुरौ बारेयाङ येशूकी गीन्च मीमन जाट्न न ले डेम होसकै वार्हा र होखुरीककी डेया, “‘कालाप बेर न्हुइङ नाखुरीकै ङाकी माडाङ्ले, अनी कालाप बेर न्हुइङ फेरी ङाकी डाङ्ले’ डेच ही औँला डेयार नाखुरीक लाहा लहाङ गीन्न न ले होइन ट?
होसनीक नाखुरीकै ङाकी हीर मागीन्ले। साँच्ची न ङा नाखुरीककी डेले, नाखुरीकै ङौ म्यार्मीनाङ बोइखाटा ही ङेल्हे, होसकै होसे नाखुरीककी याल्हे।
अब कानै बुझडीसा, नाकै पट्ट न कुरा वार्ल्हे। अब नाकोकी सुयेर गीन्की मापर्ले। होटबाटै नाको परमेश्वरलकीङ न राछ हो डेयार कान नाकोकी विश्वास जाट्ले।”
होटबाटै होखुरीक र सत्यताङ पवित्र छान्ख्यौ डेयार ङा ङाल्हाकी होखुरीकुङ लागी पवित्र खास्ले।
“ए बोइ, ङा मीमन जाट्ले, नाकै ङाकी याछ भर्मीको जटी ङा कुला छान्ले होला ङाखाटा न छान्ख्यौ, र ङौ महीमा होखुरीकै डाङ्ख्यौ, कुसे महीमा संसारौ सृष्टि छान्की डेनाङ अगाडी लकीङ न नाकै ङाकी माया जाट्च बाटै याम्हन्या।
“ङा होखुरीकुङ लागी प्रार्थना जाट्ले। संसाराङ लेचकुङ लागी होइन, टर नाकै ङाकी याछ भर्मीकुङ लागी न ङा प्रार्थना जाट्ले, हीजैडेनाङ होखुरीक नाकुङ न हो।