युहन्‍ना 16:22 - पुर्वीय मगर

²² होटजाट्‍न न चाहाँ नाखुरीकै सोक जाट्‍ले, टर ङा फेरी नाखुरीककी डुप्‍की रान्‍हाङ ङाकी डाङार नाखुरीकुङ मीमन आनन्‍द ये न्‍हेप्‍ले। अनी इसे आनन्‍द चहीँ नाखुरीक लकीङ सुयेर स्‍याटार आल्‍खी माय्‍होक्‍ले।

युहन्‍ना 16:22 ပူးပေါင်းရင်းမြစ်များ

मत्ती 28:8

होसे मास्‍टो भर्मीकोलाक बीर्‍हीम र सेया र मार्‍हाङ्‍ङ र सेया। होखुरीक चीहान लकीङ झोसार खेव्‍हा र होसकुङ चेलाकोलाक ङ्‍होस्‍की खेर्‌न नुङा।

लुका 10:42

टर चहडीस्‍च कुरा काट मट्‍टै ले, होसे न असल कुरा मरीयमै रोजडीमे होटै होसे कुरा होसे लकीङ सुयेर स्‍याट्‍की माय्‍होक्‍ले।”

लुका 16:25

टर अब्राहामै डेया, “ङौ मीजा, आर्‌मीटो ट, नीये लहो जीवनाङ पट्‍ट न सुखौ कुराको भोग्‍डीम भ्‍या। टर लाजरसै चहीँ डुखै डुख भोग्‍डीया। होसकी अब इला आरम ले। होटै नाको चहीँ कष्‍टआङ ले।

लुका 19:26

मालीकै डेया, ‘ङा नाखुरीककी डेले, सु खाटा ले होसकी झन वास्‍टै याल्‍हे, टर सु खाटा चेक्‍जा ले होसे खाटा लेच र स्‍याट्‍ले।

लुका 24:41

होखुरीक मार्‍हाङार पट्‍डीकी माय्‍होक्‍ङ छक्‍क पर्च डाङार होसकै होखुरीककी डेया, “नाखुरीक खाटा हीर ज्‍याच कुरा ले?”

युहन्‍ना 14:1

येशूये फेरी चेलाकोलाक डेया, “नाखुरीकुङ मीमन ब्‍याकुल माछान्‍ख्‍यौ। नाखुरीकै लहो भरोसा परमेश्‍वर मीटाक डानी र ङामीटाक र डानी।

युहन्‍ना 14:19

अब कालाप न्‍हुइङ संसारै ङाकी सेन्‍र माडाङ्‍ले, टर नाखुरीकै चहीँ ङाकी डाङ्‍ले। ङा फेरी जीवाच बाटै नाखुरीक र जीवाम ङुले।

युहन्‍ना 14:27

“ङा नाखुरीकखाटा शान्‍ति डास्‍न डार नुङ्‍ले। ङा ङाल्‍हौ शान्‍ति नाखुरीककी याल्‍हे। संसारै याछ ल्‍याक्‍च शान्‍ति होइन। नाखुरीकुङ मीमन ब्‍याकुल छान्‍की माय्‍हानी र माबीर्‍हीनी।

युहन्‍ना 16:16

“कालप बेर न्‍हुइङ ङाकी फेरी नाखुरीकै माडाङ्‍ले, अनी कालप बेर न्‍हुइङ फेरी ङाकी डाङ्‍ले।”

युहन्‍ना 16:20

साँच्‍ची न ङा नाखुरीककी डेले, नाखुरीक राप्‍ले र सोक जाट्‍ले, टर संसारुङ भर्मीको चहीँ मार्‍हाङ्‍ले। नाखुरीक सोक जाट्‍ले, टर नाखुरीकुङ सोक आनन्‍दाङ फेरीस्‍ले।

युहन्‍ना 16:6

ङै इसे पट्‍ट न कुरा डेच बाटै नाखुरीकुङ मीमन डुखै न्‍हेप्‍मने।

युहन्‍ना 21:7

याङ्‍च डाङार येशूये माया जाट्‍च चेलै पत्रुसकी डेया, “होसको च प्रभु हो!” “होसको च प्रभु टी लेसा ट” डेच सेच बीट्‍टीकै सीमोन पत्रुस लहो डोनार डाच बढीन कम्‍बराङ छ्‍याकार टालाङ फाल ङापा।

युहन्‍ना 4:14

टर ङै याछ डी गाचको चहीँ फेरी सेन्‍र डी मासोन्‍ल्‍हे। हीजैडेनाङ ङै याछ डी होसे भीत्री गीट्न ङुच डीयो मुल छान्‍ले र होचे होसकी सेन्‍र मासीच जीवन याल्‍हे।”

प्रेरित 13:52

एन्‍टीओखीया सहराङ डास्‍न डाच बीस्वासीको पवित्र आत्‍मा र आनन्‍दै न्‍हेपा।

प्रेरित 16:25

टर आढा राटाङ पावल र सीलास प्रार्थना जाट्‍चै परमेश्‍वरौ भजन ल्‍हीङ्‍ङ न लेया र अरु कैदीकै चहीँ सेम ङुमन्‍या।

प्रेरित 2:46

र डीन-डीनै होखुरीक परमेश्‍वरौ मन्‍दिराङ काठोव्‍हाङ जम्‍मा छानन्‍या, र मार्‍हाङ्‍छै खाटार इम-इमाङ भोज ज्‍यामन्‍या गामन्‍या।

प्रेरित 5:41

प्रेरितको महासभालकीङ आनन्‍द मन्‍डीचै बाहीर ख्‍योहा, “परमेश्‍वरै कानकी येशूओ म्‍यार्‌मीनाङ डुख र अपमान सहडीकी य्‍होक्‍च खास्‍नने” डेयार होखुरीक आनन्‍द छाना।

२ ठेसलोनीकी 2:16

कानुङ प्रभु येशू ख्रीष्‍ट र परमेश्‍वर बोये कानकी माया जाटा र होसकुङ अनुग्रहै सेन्‍र अन्‍त्‍य माछान्‍च उत्‍साह र सेछ आशा याहा।

१ पट्‍रुस 1:8

नाखुरीकै येशू ख्रीष्‍टकी माडाङ्‌नाङ र प्रेम जाट्‍नने। होसकोकी नाखुरीकै माडाङ्‍ने र पनी होसको मीटाक विश्‍वास जाट्‍नने। अनी बयान न जाट्‍की माय्‍होक्‍च बाड्‍को महीमीत आनन्‍दये नाखुरीकुङ मीमन न्‍हेप्‍मने।