युहन्‍ना 16:2 - पुर्वीय मगर

² होखुरीकै नाखुरीककी यहूदी सभाङुच इमलकीङ छ्‍युक्‍ङ याल्‍हे। अनी याङ्‍च समय र राल्‍हे, जब नाखुरीककी साट्‍चकै परमेश्‍वरौ सेवा जाट्‍न न ले डेम आर्‌मीट्‍ले।

युहन्‍ना 16:2 ပူးပေါင်းရင်းမြစ်များ

मत्ती 10:28

होखुरीक खाटा माबीर्‍हीनी सुये शरीरकी मट्‍टै साट्‍की य्‍होक्‍ले, टर आत्‍माकी साट्‍की माय्‍होक्‍ले। बरु नाकुङ आत्‍मा र शरीर नीसकी न नरकाङ नास जाट्‍की य्‍होक्‍च परमेश्‍वरखाटा बीर्‍हीनी।

मत्ती 24:9

“टब होडीक बेला भर्मीकै नाखुरीककी कष्‍टौ लागी घोवार आल्‍हे र साट्‍ले। अनी ङाकी विश्‍वास जाट्‍च बाटै पट्‍ट न जाटीयुङ भर्मीकै नाखुरीककी झीर्‌ले।

लुका 6:22

“भर्मीयो मीजाकी विश्‍वास जाट्‍च बाटै भर्मीकै नाखुरीककी माजाका, लाङ्‍घा लकीङ छ्‍युका, झीरार नाखुरीककी काराटा र दुष्‍ट आर्‌मीटन नाखुरीकुङ म्‍यार्‌मीनकी गील्‍ला जाटा डेनाङ नाखुरीकै आसीस डुप्‍ले।

युहन्‍ना 12:42

र पनी वास्‍टै यहूदी अगुवाकै येशूमीटाक विश्‍वास जाटा। टर फरीसीको खाटा होखुरीक बीर्‍हीछ बाटै लहे जाट्‍च विश्‍वासौ बारेयाङ सुकीर माडेया, हीजैडेनाङ अरुकै इसे कुरा थाहा डीन्‍छ लेनाङ होखुरीककी यहूदीकुङ सभाङुच इमलकीङ छ्‍युक्‍ङ याछ लेया।

युहन्‍ना 16:25

“इसे कुरा ङै नाखुरीककी उदाहरणाङ डेमने। टर समय राम्‍हन ले, होडीक बेला चहीँ ङा नाखुरीकखाटा फेरी उदाहरणाङ माङाक्‍ले, टर ङौ बोयो बारेयाङ नाखुरीककी छर्‌लङ्‍ग खाटा डेम याल्‍हे।

युहन्‍ना 16:32

टर सेनी, याङ्‍च समय राम्‍हन ले र खेरेप राम्‍हभ्‍यामने, होडीक बेला नाखुरीक पट्‍ट न टीटरबीटर छान्‍ले। नाखुरीक लाहा-लहो इमाङ नुङ्‍ले र ङाकी लाहा काट्‍न डास्‍ले। टर ङा ङाल्‍हाकाट न माले, हीजैडेनाङ बोइ ङा खाटा ले।

युहन्‍ना 4:21

येशूये होसे मास्‍टो भर्मीकी डेया, “ङै डेच कुराङ विश्‍वास जाट्‍नी, होसे बेला राम्‍हन ले, जब नाखुरीक परमेश्‍वर बोइकी आराधना जाट्‍की न इसे डाँडाङ न यरूशलेमाङ नुङ्‍ले।

युहन्‍ना 4:23

टर बेला राम्‍हन ले र होसे बेला चाँहा न हो, जब साँचो आराधना जाट्‍चकै परमेश्‍वर बोइकी आत्‍मा र सत्‍यताङ आराधना जाट्‍ले। हीजैडेनाङ परमेश्‍वर बोये याङ्‍च न आराधना जाट्‍चकोलाक पाले।

युहन्‍ना 9:22

होच्‍यौ मोइ बोइ यहूदी अगुवाको खाटा बीर्‍हीछ बाटै मीजौ बारेयाङ होट डेच हो। हीजैडेनाङ सु-सुये येशूकी मुक्‍ति याछ ख्रीष्‍ट डेयार स्‍वीकार जाट्‍ले होखुरीककी सभाङुच इमलकीङ छ्‍युक्‍की पर्‌ले डेम यहूदी अगुवाकै अगाडी न सल्‍ल्‍हा जाट्‍न भ्‍यामन्‍या।

युहन्‍ना 9:34

होटै यहूदी अगुवाको मीरीस ख्‍योव्‍हार होसकी, “नाङ च पापाङ न डीन्‍छ हो, अब नीये कानकी पाहाक्‍की पाले?” डेचै होखुरीकै होसकी सभा ङुच इमलकीङ बाहीर छ्‍युक्‍ङ याहा।

प्रेरित 5:33

जब होखुरीकै इसे कुरा सेया अनी होखुरीक साप्फी मीरीस खेव्‍हा र प्रेरितकोलाक साट्‍की नीढो जाटा।

प्रेरित 7:56

अनी स्‍तिफनसै डेया, “ङोस्‍नी, ङै स्‍वर्ग फोस्‍च डाङ्‍ङ ने र भर्मीयो मीजाकी परमेश्‍वरौ डोरपट्‍टी टोङ्‍ह ङुच ङै डाङ्‍ङ ने।”