युहन्‍ना 16:16 - पुर्वीय मगर

¹⁶ “कालप बेर न्‍हुइङ ङाकी फेरी नाखुरीकै माडाङ्‍ले, अनी कालप बेर न्‍हुइङ फेरी ङाकी डाङ्‍ले।”

युहन्‍ना 16:16 ပူးပေါင်းရင်းမြစ်များ

मर्कूस 16:19

टब प्रभु येशू चेलाकोखाटा ङाक्‍ङ भ्‍यारखीङ होसको स्‍वर्गाङ गाराङ्‍ङ आल्‍हा, अनी परमेश्‍वरौ डोर मीहुट पट्‍टी ङुवा।

युहन्‍ना 12:35

येशूये होखुरीककी डेया, “अझै कालाप बेर ज्‍योति नाखुरीक खाटा ङुले। ज्‍योति नाखुरीक खाटा लेठर लहो लामाङ व्‍हानी, नभा च छुम्‍छये नाखुरीककी हुप्‍ले। छुम्‍ठाङ व्‍हाचये लाहा कुलाक नुङ्‍ङन ले डेच थाहा माडीन्‍ल्‍हे।

युहन्‍ना 13:3

बोये लाहाकी पट्‍ट ठोकौ अधिकार याम्‍हने डेच कुरा येशूकी थाहा लेया, र परमेश्‍वरलकीङ राछ हो र परमेश्‍वर लेठाङ न ल्‍हेस्‍न न ले डेच कुरा र होसकोकी थाहा लेया।

युहन्‍ना 13:33

“ए ङौ मीजाको, ङा नाखुरीकखाटा कालाप बेर मट्‍टै ङुले। नाखुरीकै ङाकी पाले टर ङै यहूदी अगुवाकोलाक डेनाङ लेखा न नाखुरीककी र डेले, ‘ङा कुला नुङ्‍ङन ले, होला नाखुरीक राखी माय्‍होक्‍ले।’

युहन्‍ना 16:10

अनी होसकै परमेश्‍वरौ अगाडी ही ठीक ले, होसे कुरा टान्‍हाक्‍ङ याल्‍हे, हीजैडेनाङ ङा बोइलेठाङ नुङ्‍ले, र फेरी नाखुरीकै ङाकी माडाङ्‍ले।

युहन्‍ना 16:22

होटजाट्‍न न चाहाँ नाखुरीकै सोक जाट्‍ले, टर ङा फेरी नाखुरीककी डुप्‍की रान्‍हाङ ङाकी डाङार नाखुरीकुङ मीमन आनन्‍द ये न्‍हेप्‍ले। अनी इसे आनन्‍द चहीँ नाखुरीक लकीङ सुयेर स्‍याटार आल्‍खी माय्‍होक्‍ले।

युहन्‍ना 16:28

ङा परमेश्‍वर बोइलकीङ न संसाराङ राछ हो, अब ङा संसारकी डासार परमेश्‍वर बोइ लेठाङ न ल्‍हेस्‍न नुङ्‍ङन ले।”

युहन्‍ना 16:5

“अब चहीँ ङाकी बीर्‌न्‍हकाच लेठाङ ङा नुङ्‍ले, टर ‘नाको कुला नुङ्‌ङन ले?’ डेयार नाखुरीक सुयेर ङाकी मागीन्‍ने।

युहन्‍ना 17:13

“अब ङा नाकोलेठाङ राम्‍हन ले। होखुरीक ङौ आनन्‍दै न्‍हेप्‍ख्‍यौ डेयार ङै इसे कुराको ङा संसाराङ लेनाङ न होखुरीककी डेम याम्‍हने।

युहन्‍ना 17:5

ए बोइ, संसार सृष्‍टि छान्‍की डेनाङ अघी नाकोखाटा लेनाङ ङौ कुसे महीमा लेया, अब होसे न महीमा नाकुङ म्‍याहासाङ डार ङाकी यान्‍ही।

युहन्‍ना 7:33

टर येशूये डेया, “ङा अझै र नाखुरीक खाटा काटछीन ङुले होटै न्‍हुइङ ङाकी बीर्‌न्‍हकाच लेठाङ ङा ल्‍हेसार नुङ्‍ले।

प्रेरित 1:3

लहो डुख भोग्‍डीम भ्‍यारखीङ वास्‍टै सत्‍य प्रमाणको लकीङ येशूये लाहाकी जीउँडै ले डेम टान्‍हाका। चालीस डीनसम्‍म होसको घरी-घरी होखुरीकुङ म्‍याहासाङ डाङा र परमेश्‍वरौ राज्‍यौ बारेयाङ होखुरीककी सेटाका।