युहन्‍ना 16:1 - पुर्वीय मगर

¹ “होटबाटै नाखुरीकै लहो विश्‍वासकी माडास्‍ख्‍यौ डेयार ङै इसे पट्‍ट न कुराको नाखुरीककी डेच हो।

युहन्‍ना 16:1 ပူးပေါင်းရင်းမြစ်များ

मत्ती 11:6

ङौ बारेयाङ सङ्‍का माजाट्‍च भर्मी साँच्‍ची न आसीस डुप्‍च हो।”

मत्ती 13:21

टर होच्‍यो लहो लुप्‍म जरा मानुङ्‍चबाटै होसे ठोरै समय मट्‍टै ङुले। जब परमेश्‍वरौ वचनाङ विश्‍वास जाट्‍च कारनै कष्‍ट र खेडो आइपर्‌न राछ बीट्‍टीकै होसे विश्‍वासीङ हटडीस्‍ले।

मत्ती 13:57

होखुरीक होसको खाटा मीरीस ख्‍योहा। येशूये होखुरीककी डेया, “अगमवक्‍ताकी लहो ठावाङ र लहो इमाङ आदर माजाट्‍ले, टर अरु ठावाङ चहीँ पट्‍टकै आदर जाट्‍ले।”

मत्ती 24:10

“होसबेला वास्‍टै जना लहो विश्‍वासकी डास्‍ले, काटै काटकी ढोका याल्‍हे र झीर्‌ले।

युहन्‍ना 15:11

ङै इसे कुरा नाखुरीककी इसे कीसीमै डेच हो, ङौ आनन्‍द नाखुरीकखाटा ङुख्‍यौ, र नाखुरीकुङ आनन्‍द पुरा छान्‍ख्‍यो।

युहन्‍ना 16:4

टर इसे कुराको ङै नाखुरीककी डेमने, जब होसे समय राल्‍हे, टब नाखुरीककी ङै ही डेमन्‍या होसे नाखुरीकै आर्‌मीट्‍ले। पहीला ङै नाखुरीककी इसे कुराको माडेया, हीजैडेनाङ ङा नाखुरीक खाटा न लेया।

१ पट्‍रुस 2:8

धर्मशास्‍त्रये डेले, “इसे न ल्‍हुङ भर्मीकोलाक ठेस लग्‍डीस्‍च ल्‍हुङ हो। इसे न ल्‍हुङै धेरै जनाकी कुरुक्‍ले। परमेश्‍वरौ बचनकी होखुरीकै मामन्‍डीचबाटै ठेस लग्‍डीस्‍ले।” परमेश्‍वरै होखुरीकुङ लागी इसे कुराको पहीला न डेम भ्‍यामन्‍या।