युहन्‍ना 15:4 - पुर्वीय मगर

⁴ ङाखाटा ङुनी, र ङा नाखुरीकखाटा ङुले। कुटजाट्‍न हाँगाकै म्‍यार्‌टुङ खाटा माङुवा डेनाङ होखुरीक लहे न मीस्‍या स्‍याटाक्‍की माय्‍होक्‍ले, होटजाट्‍न न ङाखाटा माङुवा डेनाङ नाखुरीकै र मीस्‍या स्‍याटाक्‍की माय्‍होक्‍ले।

युहन्‍ना 15:4 ပူးပေါင်းရင်းမြစ်များ

मत्ती 12:33

“इडीक म्‍यार्‌टुङ सेछ ले डेनाङ, होच्‍यौ मीस्‍या र सेछ छान्‍ले। इडीक म्‍यार्‌टुङ मास्‍च ले डेनाङ, होच्‍यौ मीस्‍या र मास्‍च न छान्‍ले। हीजैडेनाङ मीस्‍या लकीङ न म्‍यार्‌टुङ चीन्‍डीले।

लुका 8:15

टर असल झाङ पर्च छोयो चहीँ होकुरीक हो, बचन सेयार सेछ र भलो रीदयाङ जोगडीम डाले, होटै लेन्‍न र मीस्‍या स्‍याटाक्‍ले।

युहन्‍ना 14:20

अनी होसनीक नाखुरीकै बुझडीस्‍ले, ङा ङौ बोइखाटा ले, र नाखुरीक ङा खाटा ले, र ङा नाखुरीकखाटा ले।

युहन्‍ना 17:23

ङा होखुरीक खाटा र नाको ङाखाटा ले। होटजाट्‍न न होखुरीक र काट न छान्‍की य्‍होक्‍ख्‍यौ। टब नाकै ङाकी संसाराङ बीर्‌न्‍हकाच हो, र नाकै ङाकी माया जाट्‍नाङ लेखा न होखुरीककी र माया जाट्‍ले डेच कुरा संसारुङ भर्मीकै वार्‌ल्‍हे।

युहन्‍ना 6:56

सुये ङौ डेह ज्‍याले र ङौ य्‍हु गाले होसे चहीँ ङाखाटा ङुले र ङा होसेखाटा ङुले।

युहन्‍ना 8:31

येशूये लाहा मीटाक विश्‍वास जाट्‍च यहूदीकोलाक डेया, “ङौ शिक्षाकी मन्‍डीम ङुवा डेनाङ नाखुरीक साँच्‍ची न ङौ चेला हो।

प्रेरित 11:23

होला टाहार होलुङ भर्मीकोवाङ परमेश्‍वरौ अनुग्रह डाङार होसे मार्‍हाङा। होटै होचे होखुरीक पट्‌ट कोलाक प्रभुवाङ पुरा मीमनै विश्‍वासी छान्‍न ङुकी डेम उत्‍साह याहा।

प्रेरित 14:22

विश्‍वासीकुङ आत्‍माकी बलीयो खास्‍चै होखुरीककी विश्‍वासाङ ङुमङुकी डेम अर्ती याहा र “वास्‍टै कष्‍ट सहडीयार कान परमेश्‍वरौ राज्‍याङ पर्‌की पर्‌ले” डेयार होखुरीककी पाहाका।

१ ठेसलोनीकी 3:5

होटबाटै ङै अझै सहडीकी माय्‍होकार न नाखुरीकुङ विश्‍वास वार्‌खी डेम तिमोथीकी बीर्‌न्‍हका। नाखुरीककी शैतानै परिक्षाङ पार्‌या डेनाङ कानै जाट्‍च काम व्‍यर्थ छान्‍ने डेम ङाकी बीर्‍हीम सेमन्‍या।

१ युहन्‍ना 2:6

परमेश्‍वर खाटा ले डेच भर्मीये येशूओ ल्‍याक्‍च न चालचलनाङ व्‍हाकी पर्‌ले।

२ युहन्‍ना 1:9

ख्रीष्‍टौ शिक्षाकी डासार बाहीरुङ अरु कुरा पट्‍टी लक्‍डीस्‍च भर्मीखाटा परमेश्‍वर माङुले। टर होसकुङ शिक्षा माडास्‍न ङुच खाटा चहीँ बोइ र मीजा नीस न ङुले।