युहन्‍ना 15:24 - पुर्वीय मगर

²⁴ इडीक सुयेर माजाट्‍च अचम्‍मौ कामको ङै होखुरीकुङ मीघ्‍याङ माजाट्‍च लेनाङ होखुरीक पापौ दोषी माछान्‍च लेया। टर ङै जाट्‍च अचम्‍मौ कामको डाङार र होखुरीकै ङाकी र ङौ बोइकी समेट घृणा जाट्‍नने।

युहन्‍ना 15:24 ပူးပေါင်းရင်းမြစ်များ

मत्ती 11:5

मीमीक माडाङ्‍चकै डाङ्‍ङन ले, लङ्‍गडाको व्‍हामन ले, कुष्‍ठरोगीको गेप्‍मन ले, मेनेकेप मासेचकै सेमन ले, सीचको फेरी जीवाम सोमन ले र गरीबकै सेछ समाचार सेकी डुप्‍मन ले।

मत्ती 21:32

हीजैडेनाङ बप्‍तिस्‍मा याछ युहन्‍ना नाखुरीक लेठाङ धार्मिकतौ सत्‍य लाम टान्‍हाक्‍की राहा, टर आसकोकी नाखुरीकै विश्‍वास माजाटा। बरु कर सोट्‍चको र बेस्‍याकै चहीँ आसकोकी विश्‍वास जाटा। नाखुरीकै इसे डाङ्‍नाङ र लहो पापको माडासा र आसकोकी विश्‍वास माजाटा।”

मत्ती 9:33

येशूये भूत छ्‍युक्‍च बीट्‍टीकै होसे भर्मीये ङाक्‍की य्‍होका। अनी भीड इट डेचै छक्‍क पर्‌या, “इस्राएलाङ सेन्‍र याङ्‍च माडाङ्‍ङन्‍या!”

मर्कूस 2:12

होटै होसे सोवा र तुरुन्‍तै खाट सोटार पट्‍टकुङ म्‍याहासीङ व्‍हाकी क्‍योटा अनी भर्मीको अचम्‍म मन्‍डीचै छक्‍क पर्‌या “कानै याङच च सेन्‍र न माडाङन्‍या” डेचै होखुरीकै परमेश्‍वरौ महीमा जाटा।

लुका 24:19

होसकै होखुरीककी गीना, “कुङ्‍च घटना?” होखुरीकै डेया, “येशू नासरीयो बारेयाङ छान्‍च कुरा। होसको काट जना अगमवक्‍ता लेया। परमेश्‍वर र पट्‍ट भर्मीकुङ म्‍याहासाङ बचन र कामाङ शक्‍तिशाली लेया।

युहन्‍ना 10:32

टर येशूये होखुरीककी डेया, “बोये ङाकी जाट्‍की डेच वास्‍टै सेछ कामको ङै नाखुरीकुङ म्‍याहासाङ जाट्‍नने। होसे कामको मढ्‍याङ कुसे चहीँ कामौ लागी नाखुरीकै ङाकी ल्‍हुङै ङाप्‍की पाच हो?”

युहन्‍ना 10:37

इडीक ङै जाट्‍च कामको ङौ बोयो होइन डेनाङ नाखुरीकै ङा मीटाक विश्‍वास माजाट्‍नी।

युहन्‍ना 12:10

होटबाटै मुख्‍य पुजाहारीकै लाजरसकी र साट्‍की डेम योजना जाटा।

युहन्‍ना 12:45

अनी सुये ङाकी डाङ्‍ले, होचे ङाकी बीर्‌न्‍हकाचकी र डाङ्‍ले।

युहन्‍ना 14:9

येशूये डेया, “फीलीप! इडीक लोट्‍च समयसम्‍म ङा नाखुरीक खाटा न ले, र पनी नाकै ङाकी माचीन्‍डीले? ङाकी डाङ्‍चये बोइकी डाङ्‍ङ भ्‍यामने। ङाकी डाङ्‍ङ र नाको हीजै ङाकी, ‘बोइ टान्‍हाक्‍ङ यान्‍ही’ डेले?

युहन्‍ना 15:21

टर नाखुरीक ङौ छान्‍च बाटै भर्मीकै नाखुरीककी इसे पट्‍ट न कुरा जाट्‍ले, हीजैडेनाङ होखुरीकै ङाकी बीर्‌न्‍हकाचकी माचीन्‍डीले।

युहन्‍ना 15:22

“इडीक ङा मार्‍हाछ लेनाङ र होखुरीककी पापौ बारेयाङ माडेच लेनाङ होखुरीक पापौ दोषी माछान्‍च लेया, टर अब च लहो पापौ लागी होखुरीक खाटा हीर बहाना जाट्‍च ठाउँ माले।

युहन्‍ना 15:23

सुये ङाकी घृणा जाट्‍ले, होचे ङौ बोइकी र घृणा जाट्‍ले।

युहन्‍ना 16:9

ङाकी विश्‍वास माजाट्‍की न पाप हो, डेच कुरा पवित्र आत्‍मै होखुरीककी टान्‍हाक्‍ङ याल्‍हे।

युहन्‍ना 3:2

कायाक नाबीक होचे येशू लेठाङ राहार इट डेया, “ए गुरुज्‍यु, कान वार्‌ल्‍हे नाको परमेश्‍वरै बीर्‌न्‍हकाच शिक्षक हो। इडीक परमेश्‍वर नाकोखाटा माले डेनाङ च इसे नाकै जाट्‍च अचम्‍मौ चीन्‍हओ कामको सुयेर जाट्‍की माय्‍होक्‍ले।”

युहन्‍ना 5:36

“टर ङाखाटा लेच गबाही युहन्‍नै याछ गबाही डेनाङ बाड्‍को ले। हीजैडेनाङ कुसे कामको पुरा जाट्‍की परमेश्‍वर बोये ङाकी याम्‍हने, होसे काम ङा जाट्‍न न ले, अनी होसे कामै न ङौ बारेयाङ गबाही याम्‍हन ले, र परमेश्‍वर बोये ङाकी बीर्‌न्‍हकाच हो डेम टान्‍हाक्‍ले।

युहन्‍ना 6:36

टर ङै नाखुरीककी डेम भ्‍यामने, नाखुरीकै ङाकी डाङ्‍नाङ र विश्‍वास माजाट्‍ले।

युहन्‍ना 7:31

होसे भीडाङ लेच भर्मीको वास्‍टै जनै येशूकी विश्‍वास जाटा अनी होखुरीकै डेया, “जब मुक्‍ति याछ ख्रीष्‍ट राल्‍हे, ही होसकै इसे भर्मीये डेनाङ वास्‍टै शक्‍तिशाली कामको जाट्‍ले र?”

युहन्‍ना 9:32

संसार सुरु छान्‍च लकीङ चाँहा सम्‍म डीन्‍न्‍हाङ न मीमीक माडाङ्‍च अन्‍धाकी डाङ्‍च खास्‍च सेन्‍र मासेमने।

युहन्‍ना 9:41

येशूये होखुरीककी डेया, “इडीक नाखुरीक साँच्‍ची न अन्‍धा लेनाङ च पापौ दोषी माठहरीस्‍च लेया, टर नाखुरीक डेले ‘कान डाङ्‍ले’ होटबाटै नाखुरीकुङ पाप ङुम ङुले।”

प्रेरित 10:38

नाखुरीककी थाहा न ले, परमेश्‍वरै नासरतुङ येशूकी पवित्र आत्‍मा र शक्‍तिये अभिषेक जाटा। अनी होसको सेछ काम जाट्‍चै र शैतानै सटडीच पट्‍ट कोलाक गेपाक्‍चै व्‍हा, हीजैडेनाङ परमेश्‍वर होसकोखाटा लेया।

प्रेरित 2:22

“इस्राएलुङ भर्मीको, इसे कुरा सेनी नासरतुङ येशूकी परमेश्‍वरै बीर्‌न्‍हकाच हो डेम होसकै जाट्‍च शक्‍तिशाली कामको र अचम्‍मौ चीन्‍हको लकीङ नाखुरीकुङ म्‍याहासाङ प्रमाणित जाट्‍ने। नाखुरीककी थाहा न ले परमेश्‍वरै नाखुरीकुङ मीघ्‍याङ इसे कामको होसको लकीङ जाट्‍च हो।

२ टीमोठी 3:4

होखुरीकै अरुकी ढोका याहार, मनपरी जाट्‍चै, घमण्‍ड जाटार व्‍हाले अनी परमेश्‍वरकी डेनाङ मोज मज्‍जाकी न जाक्‍ले।

याकुब 4:4

ए व्‍यभिचारी भर्मीको! संसारकी लाफा खास्‍चको परमेश्‍वरौ शत्रु छान्‍ले डेच कुरा नाखुरीककी ठाहा माले? संसारकी लाफा खास्‍की पाचये लाहाकी न परमेश्‍वरौ शत्रु खास्‍ले।