युहन्‍ना 15:21 - पुर्वीय मगर

²¹ टर नाखुरीक ङौ छान्‍च बाटै भर्मीकै नाखुरीककी इसे पट्‍ट न कुरा जाट्‍ले, हीजैडेनाङ होखुरीकै ङाकी बीर्‌न्‍हकाचकी माचीन्‍डीले।

युहन्‍ना 15:21 ပူးပေါင်းရင်းမြစ်များ

मत्ती 10:18

नाखुरीककी ङौ खाटीर हाकीम र राजाकुङ म्‍याहासाङ टोङ्‍हाक्‍ले। होखुरीक र अन्‍यजातिकुङ लागी नाखुरीक साक्षी छान्‍ले।

मत्ती 10:22

ङाकी विश्‍वास जाट्‍च बाटै नाखुरीककी पट्‍टकै झीर्‌ले। टर सु न्‍हुइङ सम्‍म न स्‍थिर ङुले, होसकी न जीवाक्‍ले।

मत्ती 10:39

सुये लहो जीवन जोगडीकी पाले होचे होसे गुमडीले, टर लहो जीवन ङौ लागी गुमडीचये चहीँ होसे डुप्‍ले।

मत्ती 24:9

“टब होडीक बेला भर्मीकै नाखुरीककी कष्‍टौ लागी घोवार आल्‍हे र साट्‍ले। अनी ङाकी विश्‍वास जाट्‍च बाटै पट्‍ट न जाटीयुङ भर्मीकै नाखुरीककी झीर्‌ले।

मत्ती 5:11

“नाखुरीक आसीस डुप्‍चको हो, जब ङाकी विश्‍वास जाट्‍च कारनै नाखुरीककी भर्मीकै निन्‍दा जाट्‍ले र सटडीले, र झुटो ङाकार नाखुरीकुङ विरुद्धाङ पट्‍ट खालुङ मासेछ कुराको डेले।

मर्कूस 13:13

र ङाकी विश्‍वास जाट्‍च बाटै नाखुरीककी पट्‍टकै माजाक्‍ले। टर सु अन्‍टीम डीन सम्‍म स्‍थिर ङुले होच्‍यौ न उद्धार छान्‍ले।

लुका 21:12

“टर इसे पट्‍ट कुराको छान्‍की डेनाङ अगाडी भर्मीकै नाखुरीककी ङाकी विश्‍वास जाट्‍च बाटै घोले, सटडीयार होटै यहूदीकुङ सभा ङुच इमाङ जीम्‍मा याल्‍हे। झ्‍यालखानाङ आल्‍हार ठुन्‍ले। नाखुरीककी होखुरीकै राजा र शासककुङ अगाडी आल्‍हे।

लुका 21:17

ङाकी विश्‍वास जाट्‍च बाटै नाखुरीककी पट्‍ट भर्मीकै माजाक्‍ले।

लुका 6:22

“भर्मीयो मीजाकी विश्‍वास जाट्‍च बाटै भर्मीकै नाखुरीककी माजाका, लाङ्‍घा लकीङ छ्‍युका, झीरार नाखुरीककी काराटा र दुष्‍ट आर्‌मीटन नाखुरीकुङ म्‍यार्‌मीनकी गील्‍ला जाटा डेनाङ नाखुरीकै आसीस डुप्‍ले।

युहन्‍ना 15:24

इडीक सुयेर माजाट्‍च अचम्‍मौ कामको ङै होखुरीकुङ मीघ्‍याङ माजाट्‍च लेनाङ होखुरीक पापौ दोषी माछान्‍च लेया। टर ङै जाट्‍च अचम्‍मौ कामको डाङार र होखुरीकै ङाकी र ङौ बोइकी समेट घृणा जाट्‍नने।

युहन्‍ना 16:3

परमेश्‍वर बोइकी र ङाकी माचीन्‍डीच बाटै न भर्मीकै नाखुरीककी इट जाट्‍च हो।

युहन्‍ना 17:25

“ए धार्मिक बोइ, संसारुङ भर्मीकै नाकोकी माचीन्‍डीले, टर ङा नाकोकी चीन्‍डीले, अनी नाकै ङाकी बीर्‌न्‍हकाच हो डेयार ङाकी डुट्‍चकै वार्‌ल्‍हे।

युहन्‍ना 8:19

टब येशूकी होखुरीकै गीना, “नाकुङ बोइ चहीँ कुला ले ट?” येशूये होखुरीककी जवाफ याहा, “नाखुरीक न ट ङाकी चीन्‍डीले न ट ङौ बोइकी न चीन्‍डीले। इडीक नाखुरीकै ङाकी चीन्‍डी च लेनाङ ङौ बोइकी र चीन्‍डी च लेया।”

युहन्‍ना 8:54

येशूये डेया, “इडीक ङै ङाल्‍हौ न आदर जाटा डेनाङ ङौ आदर ब्‍यार्‌ठ छान्‍ने। ङाकी आदर जाट्‍की पाच ङौ बोइ ले, होसकोकी नाखुरीकै ‘होसको कानुङ परमेश्‍वर हो’ डेले।

युहन्‍ना 8:55

नाखुरीकै होसकोकी माचीन्‍डीमने, टर ङा चहीँ होसकोकी चीन्‍डीले। इडीक ङै होसकोकी माचीन्‍डीले डेले डेनाङ ङा र नाखुरीक लेखा न झुटो ठहरीस्‍ले। टर ङा होसकोकी चीन्‍डीले, र होसकै डेच कुरा मन्‍डीले।

प्रेरित 17:23

हीजैडेनाङ सहराङ छेर्‍हाछै नुङ्‍नाङ ङै नाखुरीकुङ पुजा जाट्‍च ठाउँको डाङा। अनी ङै काट याङ्‍च बेडी र डुपा होला, ‘माव्‍हार्‌छ डेबटौ लागी’ डेयार खोप्‍डीमेसा। होटबाटै माचीन्‍डीम न नाखुरीकै पुजा जाट्‍च होसे न डेबटौ बारेयाङ ङा छीनी नाखुरीकुङ मीघ्‍याङ घोसना जाट्‍ले।

प्रेरित 26:9

“ले की च ङै र य्‍होक्‍ठर नासरतुङ येशूकी विरोध जाट्‍की पर्‌ले डेम आर्‌मीट्‍नन्‍या।

प्रेरित 3:17

“ए इस्राएली लाफाको, ङाकी थाहा ले, नाखुरीक र नाखुरीकुङ शासककै येशू सु हो डेम माचीन्‍डीम न साट्‍च हो।

प्रेरित 4:17

टर इसे कुरा भर्मीकुङ मीघ्याङ माफैलडीस्ख्यौ। होटबाटै इखुरीककी आदेश यहीङ फेरी इखुरीकै येशूओ म्यार्‌मीनौ बारेयाङ सेन्‍र सुकीर माडेख्‍यौ।”

प्रेरित 5:41

प्रेरितको महासभालकीङ आनन्‍द मन्‍डीचै बाहीर ख्‍योहा, “परमेश्‍वरै कानकी येशूओ म्‍यार्‌मीनाङ डुख र अपमान सहडीकी य्‍होक्‍च खास्‍नने” डेयार होखुरीक आनन्‍द छाना।

प्रेरित 9:14

नाकुङ म्‍यार्‌मीन लाच पट्‍टकी घोच अधिकार मुख्‍य पुजाहारीको लकीङ होचे इला र डुप्‍मने।”

प्रेरित 9:16

र ङौ म्‍यार्‌मीनौ लागी होचे कुडीक कष्‍ट भोग्‍डीकी पर्‌ले, डेम ङा होसकी टान्‍हाक्‍ले।”

२ ठेसलोनीकी 1:8

होसको राहार परमेश्‍वरकी माचीन्‍डीच कोलाक र कानुङ प्रभु येशूओ सेछ समाचारकी मामन्‍डीच कोलाक दण्‍ड याल्‍हे।

१ युहन्‍ना 3:1

ङोस्‍नी, परमेश्‍वर बोये काल्‍हाकी कुडीक धेरै प्रेम जाट्‍नने! होसकुङ प्रेमौ कारनै न काल्‍हाको परमेश्‍वरौ मीजाको डेयार चीन्‍डीमने, अनी चीन्‍डीच मट्‍टै होइन साँच्‍ची न मीजाको हो। टर संसारुङ भर्मीकै काल्‍हाकी माचीन्‍डीले, हीजैडेनाङ होखुरीकै परमेश्‍वरकी माचीन्‍डीया।

३ युहन्‍ना 1:7

हीजैडेनाङ होखुरीक ख्रीष्‍टौ सेवा जाट्‍की व्‍हाच हो, अनी प्रभुकी विश्‍वास माजाट्‍चको लकीङ होखुरीकै हीर सहायता मालामे।